سؤال بخصوص مواتير النوبيرا

[Viper12345]

السلام عليكم
من خلال متابعتى للمنتدى والمواضيع اللى فيه لاحظت ان لو حد حصله مشكله جامده فى الموتور بتاعه كل الاقتراحات انه يغيره بواحد استيراد وملقتش اى حد قال انه يتعمله عمرة ياترى ايه السبب ان مواتير النوبيرا مش بيتعملها عمرة وبتتغير على طول؟؟؟؟

[lanos2004]

بيتعمله عمرة عادى جدا بس العمرة هتكلفك تمن الماتور وممكن اكتر-شراء بلوك ارخص-مشكله العمرة فى حاجتين-جودة الخامات-وشغل الخراطه

[Viper12345]

مشكور على سرعة الرد بس اعتقد انى لو جبت قطع الغيار الاصلى ورحت لمخرطه نضيفه ومضمونه هتبقى النتيجه احسن من انى اشترى موتور استيراد مش ضامن مشى كام كيلو وطريقة السواقه كانت هاديه ولا غشيمه او بالبلدى كده زى البطيخه ولا انا بفكر غلط؟؟؟

[aliyosef]

طاب وهى فين المخرطه النضيقه
وفين قطع الغيار الاصلى بلا اى شك
وفين الميكانيكى البرنس اللى هايهد الموتور وينيه مقابل مبلغ معقول ومن غير تضيع وقت

[osama.m]

لو لقيت مخرطة نضيفة و قطع الغيار الاصلي و الميكانيكي الفاهم شوف الحاجات دي هتتكلف كام
انما ممكن تاخد معاك ميكانيكي و تروح لمحل مشهور هينقيلك موتور يكون حالتة كويسة و هتاخد ضمان على الموتور بعد التركيب
الاسعار بتاعة الخراطة و الشغل دا هتكون قريبة من سعر الموتور الاستيراد يبقى اية احسن !!

[Viper12345]

انا كان معايا هيونداى اكسيل قبل النوبيرا وكنت عملتلها عمرة كامله فى المنوفيه كلفتنى حوالى 2500 بالمصنعية وكانت ما شاء الله عليها كنت بشد بيها مع عربيات كتيره وكانت بتسد وقعدت حوالى 6 سنين بعد العمره شغاله زى الفل لغاية ما بعتها والموتور كان حالته حوالى 80 % علشان كده انا مستغرب موضوع تغيير المواتير على طول بدون اللجوء لحل العمرة

[osama.m]

انا كان معايا هيونداى اكسيل قبل النوبيرا وكنت عملتلها عمرة كامله فى المنوفيه كلفتنى حوالى 2500 بالمصنعية وكانت ما شاء الله عليها كنت بشد بيها مع عربيات كتيره وكانت بتسد وقعدت حوالى 6 سنين بعد العمره شغاله زى الفل لغاية ما بعتها والموتور كان حالته حوالى 80 % علشان كده انا مستغرب موضوع تغيير المواتير على طول بدون اللجوء لحل العمرة

ما دا اللي بنقولة ان ب 2500 ممكن بعد العمرة الموتور ميباقش مظبوط عشان الخراطة او الميكانيكي او قطع الغيار اللي بنستخدمها
و ممكن بنفس السعر او اقل تجيب موتور حالتة ممتازة و يبقى عندك موتور كامل جديد !!

[lanos2004]

تمن البلوك فى الانوس او النوبيرا 1500 جنيه -ارخص من اى عمرة

[Viper12345]

لو كده يبقى اوفر كتير بس ياريت توضيح للبلوك ده اللى هو انه جزء بالظبط فى الموتور؟؟

[shekooo]

شوف الموضوع ده فيه كل اللى عاوز تعرفه عن الشورت بلوك
http://...........com/vb/showthread.php?t=82373

[Viper12345]

شوف الموضوع ده فيه كل اللى عاوز تعرفه عن الشورت بلوك
http://...........com/vb/showthread.php?t=82373

شكرا ياشيكو على اهتمامك وسرعة ردك بس للاسف اللينك مش مظبوط ياريت لو تبعته تانى

[shekooo]

معلش ياباشا خد اللينك مرة تانية واختار اول موضوع فى مصر موتورز- أحدث اسعار قطع غيار الاستيراد للسياره النوبيرا
http://www.google.com.eg/search?hl=a...l0ll0l0.frgbld.

[Viper12345]

الف شكر ياشيكو الكلام ده كده زى الفل الواحد بالطريقه دى فعلا هيهرب من العمرة ومشاكلها والموضوع يخلص فى يوم واحدبدل 4 ايام والتليين والملل ده بس هيبقى فاضل بس انك تغير رقم الموتور فى المرور بس ده لو فى حالة ان الشورت بلوك بييجى بالورق بتاعه زى الموتور كامل

[shekooo]

انا ناوى اجيبه على شهر 6 ان شاء الله ويمكن نعرف نجيبه 1500 كمان ان شاء الله لان الشيخ طارق راجل محترم اوى وعلى فكرة انا روحت لميكانيكى دايو وانا عندى الكوستبنات عاوزة تتغير فقالى احسنلك شورت بلوك لان الكوستبنات هتتكلف 1000 والا 1300 لان اكيد هتفتح معاك فى حاجات تانية وبالرغم من كده مهما تعمل كوستبنات او عمره عمرها ما بتعيش يعنى عمرها قصير يبقى اتكل على الله وهات شورت بلوك ولو عاوز نمرة الشيخ طارق ممكن ابعتهالك

[Viper12345]

ياريت فعلا لو تبعتهالى لانى بحتاج حاجات كتيره للعربيه ومش بحب اشتغالات بتوع الاستيراد عايز واحد يكون فعلا محترم ومش مهم المشوار لانى من بنها