استشاره طبيه فى الانوس :)

[amr_adel00]

السلام عليكم الاول يا وحوش الانوس
مبدئيا المشكله مش فى عربيتى الحمد لله.. دى عربية صاحبى هى لانوس اوتوماتيك 99 عامله 500,000 كيلو,, ماتتخضوش من الرقم ده يا جماعه لان هى كل حاجه فيها تقريبا اتغيرت..
بصوا بقى هو اول ما اشترى العربيه كان فيها كام حاجه كده منها تنتيشه جامده مع كل نقله المهم عمل (عمل عمره للموتور و غير الفتيس بواحد استيراد من الحرفيين و غير بوبينا و حساسtps و حساس الايدل و ظبط كل حاجه كانت فى العربيه من ميكانيكا لعفشه و )
و اتظبتط كل حاجه فى العربيه الا موضوع النتشه دى زى ما هى بس اخف شويه بس متكرره لما بيدوس بنزين جامد ,, الغريبه بقى انه لما بيبطل العربيه و يدورها سواء علطول او يستنى شويه بيلاقى التنتيشه دى راحت بس لمجرد دقايق و ترجع تانى و حطينا العربيه على الاسكانر متطلعش فيها اى حاجه خااااالص..
بصراحه زهقنا من فتى الصنيعيه فقولنا نستشير الرجاله معانا او يبيع العربيه بقى :)..
اسف جدا جدا على التطويل بس محتاجيين الافاده..

[tarek_2005]

راجغ غلي جميع فيش الكهرباء بتاعة ضفيرة الموتور ولو شكيت فيهم غير ضفيرة الموتور هتروح النتشة خالص

[amr_adel00]

ايه يا رجاله هو محدش عارف المشكله ولا محدش عاوز يرد عليا ؟؟ :)
فينك يا باشمهندس ممدوح ؟؟ فينكوا يا وحوووووش الانوس ؟؟

[DEDOPETER]

هو ايه حكايه التنتيش ديه المنتدى كله بيشتكى منها ؟؟؟ بأشكال ولأسباب مختلفه

[A7MED_PHARMA]

المشكلة دي كانت عندي في الدايو قبل ماتتباع
وكانت مشكلة كهربا
بس كانت المشكلة كلها عندي ساعتها في سلك الموبينة ..كان مشعر

[ahmedzahran64]

التنتيش 100% الرشاشات محتاجة تنظيف على الجهاز بالالترا سونك تكلفته 170 جنيه او طقم رشاشات BMW 40 1600 cc استعمال فى حدود 200 جنيه وده جبار مش حتشتكى من العيب ده تانى بس معدل استهلاك البنزين ازيد قليلاً