تكييف نوبيرا 2003

[alaasal]

السلام عليكم
الصيف اللى فات فى اخر شهر 8 مره واحده باشغل التكييف مالقتش له اى اثر
نوبيرا 2003
رحت لواحد محترم فى الزقازيق بتاع تكييف و كنت متوقع ان حصل تسرييب فى الفريون
قاللى الفريون موجود بس الكمبريسور فيه حاجه زى البلف كده هى اللى بتبوظ و عايزه تتغير و يتشحن
المهم غير البلف ده و شحنلى تانى و دفعت حوالى 350 جنيه
و ساعتها كان حلو
تانى يوم بيجيب شويه هوا ساقعين مالهمش لازمه و لازم اجيب المروحه على 3 او 4 علشان احس بيهم
رجعتله فقاللى كده يبقى الكمبريسور عندك بدأ يضعف و عايز يتغير مشى نفسك كده لغايه ما يروح خالص و نبقى نغيره
رحت لواحد تانى قاللى لا لا لا الكمبريسور ضغطه تمام ده البلف هو اللى بايظ و انا عندى بلوفه اصلى و غير و شحن و خد 300 جنيه و نفس المشكله
الكلام ده السنه اللى فاتت و قلت خلاص الصيف ده اجيب كمبريسور
واحد صاحبى من 4 ايام خدنى لواحد تالت حبيبه
قاللى الكمبريسور تمام و المشكله فى البلف و انا عندى كمبريسور استيراد هاديك البلف بتاعه احسن من الصينى اللى فى السوق و غيرلى البلف و الفلتر اللى جنب السربنتينه و شحن و اخد 350 جنيه
و تانى يوم نفس المشكله رجعتله
شافه و جرب و فاللى المشكله ان عندك مليان زيت مع الفريون \
و فضى الشحن و ركب موتور غريب كده و قاللى علشان نطلع الزيت الزياده و شحن تانى و للامانه ماخدش فلوس تانى

المهم ان تانى يوم نفس المشكله تبريد مالوش معنى

رحت لواحد بتاع استيراد معرفه و اثق فيه بس كنت لسه شاحن و حان التكييف حلو ( يوم الخميس ) قاللى الكمبريسور عندك ولا صوته خشن ولا حاجه جرب الاول الشحن ده و شوف

ز طبعا دلوقتى مالوش لازمه و برده هوا ساقع خفيف

ناس من اصحابى و من اللى قريته بيقولوا ممكن الاكسبنشين يكون بايظ

و وواحدج معاه ميتسوبيشى جالانت فاللى قبل كده عنده السخن كان بيفتح مع البارد لما يشغل التكييف و مش عارف اعمل ايه

[aliyosef]

كان الله فى العون
دا بس اللى اقدر اقوله

[farselkon]

للأسف الصنايعية المصريين أحسن صنايعية فى العالم
شغالين بنظام الحداقة والفهلوة
أنا ممكن أقول لحضرتك الخطوات الصحيحة للتكييف السليم وأتمنى إنك تجر ب وتقول النتيجة
1- حالة الكمبرويسر وضغطة
2- نوع الفريون المستخدم يفضل الأمريكى وهو غير موجود عند الصنايعية وإللى موجود صينى ومصرى وعيوبهم كتير وكفاءة تبريدهم سيئة ده غير ضررهم على الكمبرويسر
3- فلتر أو المجفف إللى جنب السربنتينة لازم يكون جديد
4- الإكسبنشن أو صمام التمدد وده أعتقد إن العيب فية بجانب الفريون
5- عدم نظافة نظام التكييف السربنتينة والبلاور ومجارى التكييف

[memofree]

نفس المشكله عندى بس انا لسه ملفيتش زيك كده
فعلا التكييف ابل ما يسرب الشحنة اللى فاتت كان تبريده هايل و بعد ما ظبطه و غيرلى حاجه كده فيه كانت بتسرب مخديتش دقيقتين و شحن التكييف او التبريت موش عجيبنى خالص لما توصل لحل قولنا تجربتك

و السلام عليكم