تجربه شد مع بعض السيارات

[lanos2004]

طبعا انتو شاييفين كل الاقسام مليانه تجارب شد-هوندا-هيونداى-بروتون-وغيرها--فحبيت انقل ليكم تجارب الشد بتاعتى للانوس
مواصفات عربيتى -1500 سى سى -110 حصان--16v
باختصار علشان مطولش عليكم
اول تجربه كانت مع بى ام 318--والنتيجه سابنى ومشى واختفى تقريبا
تانى تجربه مع بى ام ايضا بس المرة دى مع وحش من الفئه الخامسه -الطريق كان بيتفرتك تحت الكاوتش الخلفى بتاعه وبيعفر عليا لما اتعميت وسبنى ومشى
ثالث تجربه مع جولف تيربو عاندت معاه شويه وفى الاخر سابنى ومشى
رابع تجربه مع باسات tsi ودى كانت مثيرة على طريق السويس كل اما احصله يجى ملف اهدى وهوة ميهديش ويبعد اولع فى العربيه واقرب منه يجى ملف تانى اهدى -احسن ما اتقلب واروح فيها وهوة ميهديش--فكرنى لما كنت سايق الباسات بتاعتنا وواحد بلانسر بيشد معايا على الزراعى كنت ماشى 190 على الملفات كلها وكان بيختفى لان لازم يهدى
خامس تجربه بس دى تجربه غير واضحه لان الطريق كان مزدحم كانت مع هوندا سيفك الجديده وكنت وراه بس كان بياخد غرز غبيه جدا وانا كبرت فى السن والتركيز قل فقلت بلاش انتحر
المهم الطريق فتح بس هوة كان فرق كتير جدا مقضيها غرز بقه -وانا بحافظ على نفسى -فكان سبقنى بكتير ادانى اشارة يمين واشارة شمال ومكنش فيه فرصه انى احصله-قلت له هسيبك للزمن ومشيت عادى


دى تجاربى باختصار شديد جدا للانوس بتاعى وانا سايقها على طرق مصر المحروسه
واكيد فيه جزء تانى

[S O P H O S]

يا باشا انت غني عن التعريف
تحياتي اخي الكريم

[lanos2004]

يا باشا انت غني عن التعريف
تحياتي اخي الكريم

شكرا للمرورك وتحيه لقسم تويوتا

[ahmedShafie]

انت فكرتنى بنكته لذيذه كده

بيقلك واحد معاه عربيه فيات 132 وكان ماشى على الطريق الدولى بعدين عربيته عطلت فقام واقف ونزل من العربيه وقال يارب حد بنجدنى ......بعد شويه شاف عربيه بى ام دبلو فشاروله وقاله ممكن تشدنى لو سمحت لاقرب ميكانيكى قالو ماشى وربط العربيه بتاعته بالعربيه البى ام وقال لصاحب العربيه البى ام امشى براحه علشان عربيتى على قدها فقام قله صاحب البى ام لو لقتنى سرعت ابقى قلبى نور علشان اهدى السرعه واتكلو على الله وشده بعدين صاحب العربيه البى ام البنزين خلص منه فقام وقف هوه كمان فقالو لبعض نشوف حد يشدنا احنا التنين مع بعض............ بعد شويه لقو عربيه جايه مرسيدس اخر موديل وصاحبها واد روش اوى

فقام وقفلهم وقالهم عاوزين مساعده قالو اه شدنا قالهم ماشى فقام شدهم هما الاتنين طبعا المرسيدس دلوقتى شد البى ام والبى ام شد الفيات 132 وصاحب المرسيدس سحب جااااااااااااااااااااااااااااااااااامد اوووووووووووووووى فقام صاحب الفيات عمال يقلب نور وصاحب العربيه المرسيدس ولا سأئل عمال يجرى


فقام الردار مصور فقال الظابط فى الاسلكى لظابط التانى وهوه بيزعق جااااااااااامد اوى هيجلك 3 عربيات دلوقتى

اول عربيه مرسيدس سيبه يعدى

تانى عربيه بى ام دبلو سيبه هوه كمان يعدى

تالت عربيه فيات 132 هتلى ابن التيييت علشان عمال يقلب نور للعربيات علشان يسبقها هههههههههههه

طبعا الظابط مكنش واخد باله ان العربيات شده بعضها

اسف على الاطاله

[mailo]

هي ليه كل العربيات بتسبق وتمشي ؟ :)

[m4th]

حضرتك بتختار عربيات غريبه تشد معاها :)
بى ام و جولف و باسات :)
مش حضرتك راكب لانوس برده :) ؟

[Eng.Geo]

بتهظر ... صح ؟
انت جايب العربيات اللي سبقتك وسايب اللي علمت عليها ؟
يعني دلوقتي لو حد مايعرفش عربيتك هيقول ايه ؟ :)
قوووووول يا كبير

[M.belal]

الله ينور يا باشا
ماشاء الله بتجيب من الاخر انت :d

[lanos_power]

انا بالرغم من ان مكنتى 1500 كامه واحده 8 صمام الا انى علمت على الاتى
فيات برافو تربو(غرز)
كروز (غرز و طريق)
هوندا سيفيك 2008 (غرز)
اوبل فكيترا الجديده(غرز)
فيات باليو(طريق)
تويوتا برادو (غرز)
سيتروين اكسارا(غرز و طريق)
تويوتا كرولا 94 (طريق لل160 من اول ال140 و هو بيتدحرج ورايا)
جوليت(طريق)
سى 240 (غرز)
اما اللى ثبت معاها كان الاتى
جولف 2 1800
بولو 1400
دايو لانوس 1600 2 كامه

مش فاكر ايه تانى بصراحه

[lanos2004]

بتهظر ... صح ؟
انت جايب العربيات اللي سبقتك وسايب اللي علمت عليها ؟
يعني دلوقتي لو حد مايعرفش عربيتك هيقول ايه ؟ :)
قوووووول يا كبير

انا قايل بس على تجارب الشد الى اتعلم عليا فيها انما لو قلت الى علمت عليهم المنتدى كله هيحدفنى بالطوب--

[memoo305]

يا صديقي معظم الناس بتوع ا للانوس (أنا منهم) معاها الماتورأحادي الكامة وده مش بتاع شد ولا يحزنون
يعني ممكن تشد مع نص نقل ,ميكروباص تويوتا قديم (الجديد غبي بصراحة) سيارات جيل الثمانينات وأول التسعينات ممكن.
يعني أنت ممكن تحس أن العربية معقولة لما تكون الدنيا زحمة وتديها تأخد غرز ماشي ( عني نقسي كبرت على الكلام ده . يعني فوق الثلاثين حاجات كتير بتهدا) أنما أول لما الطريق يفتح تلاقي الباسات والإلنترا والصني بيعملولك باي باي...
على العموم الحمد لله على نعمة وجود السيارة و أحسن من غيرنا برده...

[lanos2004]

يا صديقي معظم الناس بتوع ا للانوس (أنا منهم) معاها الماتورأحادي الكامة وده مش بتاع شد ولا يحزنون
يعني ممكن تشد مع نص نقل ,ميكروباص تويوتا قديم (الجديد غبي بصراحة) سيارات جيل الثمانينات وأول التسعينات ممكن.
يعني أنت ممكن تحس أن العربية معقولة لما تكون الدنيا زحمة وتديها تأخد غرز ماشي ( عني نقسي كبرت على الكلام ده . يعني فوق الثلاثين حاجات كتير بتهدا) أنما أول لما الطريق يفتح تلاقي الباسات والإلنترا والصني بيعملولك باي باي...
على العموم الحمد لله على نعمة وجود السيارة و أحسن من غيرنا برده...

بس الكلام دة مختلف تماما مع 1500 اتنين كامه

[unroi]

يا جماعة انتم عايزين تفهمونى ان الانوس 110 حصان والنوبيرا 106 ازاى دة

[Eng.Geo]

يا جماعة انتم عايزين تفهمونى ان الانوس 110 حصان والنوبيرا 106 ازاى دة

أه يا باشا أقوي بس high rev
بيطلع عزمه متأخر شوية بس العربية بتطير مش بتجري
أزاي بقي ده ليها كلام كتير
أول حاجة ممكن تكون ال ecu map
في حاجات تانية بس انا معرفش بالظبط ايه اللي عامل في الموتور ده كدة

[lanos2004]

ماتور نوبيرا 1600 16 صباب


Engine type

L4
Volume, cc

1598

Power, hp [kW] (rpm)

106 [79] (6000)

Torque, N∙m (rpm)

145 (3400)

Valves

4

Camshaft layout

double overhead camshaft (DOHC)

ماتور لانوس 1500 16 صباب


Engine type

L4



Volume, cc

1498

Power, hp [kW] (rpm)

110 [82] (6200)

Torque, N∙m (rpm)

140 (4200)

-

Valves

4


Camshaft layout

double overhead camshaft (DOHC)