أسباب نقص المياه في الاربه؟؟

[khaladsaef]

يا جماعه انا معايا نوبيرا 2007 ماشية 80000 كيلو ، المهم أنا غيرت طرمبة المياه ، وملاحظ ان كل يومين او ثلاثة لازم ازود كمية بسيطة من المياه ، حاولت اشوف اي خلرطوم بيسرب بس ملقتش حتي مكان الطرمبه الجديده مفيش حاجه برده!!! مش عارف ده ممكن يكون عيب أيه ؟؟
وساعات بشم ريحة مياه سخنة داخل السيارة ، وفي ملاحظة مش متاكد منها قوي أن ساعات لما بشغل التكييف المية مبتنقص ؟؟

[tarek_2005]

راجع علي سربنتينة السخن بتاعة التكييف

[khaladsaef]

شكرا يا استاذ طارق علي الرد ، يعني المفروض اروح لحد بتاع تكييف؟؟
ولا اعمل ايه ؟؟

[tarek_2005]

ميكانيكي يلغيها موقتاً لو بطل النقص يبقي هيا لو لا ندور علي السبب مع بعض

[DEDOPETER]

ممكن ممكن يكون طبب الماتور بتنقط

[khaladsaef]

شكرا يا جماعه علي ردودكم
هحاول الغي وصلة التكييف السخن ، بس مش هتاثر علي حاجة ؟؟؟
اما الموتور مش عارف ممكن ينقط منين ؟؟ بس انا مش بلاحظ اي مياه تحت العربية

[tarek_2005]

تاثير الغائها عدم التمتع بالدفاية في ايام الشتاء القارص عدا ذلك ليس هناك اي تاثير

[khaladsaef]

انا بصيت النهارده الصبح علي العربية وهي بارده ، لقيت نقطة مياه خضراء في جنب الريادتير ، مكان اتصال الفبرة السوداء مع الريادتير ؟؟ مش عارف أروح لبتاع الريادتير أقوله يكشف علي المكان ده ؟؟ ولا الفبره دي هتحتاج تتغير ؟؟ مع العلم ان التسريب بعض نقاط ؟؟ ولا فيه ماده معينه ممكن تغلفق الثقب ده ؟؟

[ahmed_mido1889]

ممكن يكون العلب عايزه تتقفل عدل بس

وكنت لحمتها قبل كده عند واحد بتاع فايبر في المعادي

[khaladsaef]

يا جماعة انا غيرت الفبرة السوده بتاعت الريداتير عن واحد في مدينة نصر ،، بس المشكلة ان لسه المكان نفسه بيجيب ميه روحتله تاني وغير ثرموستات الكوعه ،، وفي ملاحظة أني لما بقفل غطي الاربة جامدا جدا بتبدي تسرب بسيط من الفيبرة ،فبصراحه مش عارف هو المفروض الغطي يتقفل جامد جدا ولا لأ ، ولا ممكن الغطي يكون عايز يتغير ؟؟؟

[walaaeldeen]

السلام عليكم
الحم مكان التسريب بمعجون لحام حديد ( واحد و أثنين )
والله المستعان

[tarek_2005]

بلوف الغطاء تالفة غيير الغطاء بتاع القربة اولاً
ثانياً روح لبتاع ردياتيرات محترم يقفلك العلبة الفبر صح

[khaladsaef]

شكرا يا جماعه علي ردودكم أنا انشاء الله هغير الغطي الاول ،،، لو لسه بتسرب فعلا هغير الصنيعي ده وهسال علي لحام الحديد ده ، مع انه مدبسني لحد لوقتي في 120 جنيه تغيير الفبره وتنظييف الريادتير و85 جنيه تغير كوعة المياه بالثرموستات