مشكلة في السحب

[ma7amadk]

السلام عليكم
عندي حاجه غريبة في سحب العربية ومش لاقيلها حل
العربية لانوس
لما بنقل للغيار التاني وادوس بنزين العربية مش بتاخد سرعتها في نفس اللحظة
كإني مثلا شادد فرامل اليد وبعد 3 ثواني تروح واخده نفسها مرة واحده في السحب
أو كإني مثلا ما رفعتش دواسة الدبرياج بالكامل
والكلام ده وانا مثبت الدوسة على دواسة البنزين
انا عملت تنظيف بوابة وحساسات وحطيت منظف صبابات ليكوي مولي
وغيرت زيت موتور كل ده كانت المشكلة قبليه موجوده واختفت اسبوع بعد ما عملت الحاجات دي
ورجعت تاني
ومغير زيت فتيس برضو والغيار الأولاني والتاني أوقات بيبقو تقال في التغيير
خصوصا لما أنقل من التاني للأولاني حتى لو العربية بتتحرك بسرعة 1كم/س
لازم العربية تقف خاااالص عشان تلقط الأولاني بسهولة
حد عنده إفاده للموضوع ده

[tarek_2005]

اكشف علي الديسك بتاع العربية دي

[memofree]

الدبرياش فى الانوس على زيت موش واير زى العربيات القديمة ممكن فى مشكله فية و فى الحركه بتاعته اكشف عليه