كل من له فى الشد والجرى والسرعات

[mohamedibrahem]

حاجه غريبه انى حطيت على اوبل فيكترا موديل 2000 بالجوليت على طريق مصر اسكندريه
تقريبا طلعت منه على سرعة 160 وطلعت فى نفس اليوم من هوندا سيفيك الشكل القديم ex
بسبب انى خدت غرزه منه وفضل ورايا بقينا احنا التلاته بنشد مع بعض والحمد لله الجوليت شرفتنى من هنا للصبح ملحوظه انا والفيكترا بدأنا الشد من سرعة 60 تقريبا والعربيتين فضلوا جنب بعض لحد سرعة 120 لقيت عربيتى بدأت تطلع منه على سرعة 170 كان ورايا ب10 متر مثلا هو والهوندا
بس الغريب بقا ان النوبيرا طلعت منى بس كنا بنشد من واحنا واقفين واول ما الاشاره فتحت شدينا مع بعض
الى عايز اعرفه من الناس الى ليها فى الشد المفروض وانت بتبدأ الشد رجلك بتجيب الدواسه لأخرها ولا
قبل الاخر وعلى ما العربيه تجمع تبدأ تجيب للأخر .. ارجوا الافاده

[blazer]

عمرى ما شديت مع حد بالنوبيرا
حاسس انها بطه جدااااااا عشان اوتو
انا عربيتى بتجيت من 0-100 فى 15 ثانيه
نوبيرا 2

[sanhory]

الهوندا ال ex دي 1500 كاربيراتير 90 حصان لو فايقه بتجري جامد انا كنت بجيب بيها 200
ومتهيالي برده الاوبل فيها حاجة مش مضبوضة عشان العربيات دي عربيات سرعات عالية

و ربنا يباركلك في عربيتك و يكفيك شرها

[mohamedibrahem]

كلامك منطقى جدا يا سنهورى باشا وربنا يحفظنا من كل شر
بس يارب حد يقدر يفيدنى فى السؤال بتاعى :)

[ahmedbasto]

بص هو الصح تكبس للأخر على طول من اول ما تجرى علشان العربية تجمع معاك على طول ودة الصح بس دة لو فى طريق مفتوح وبرضو يبقى الدوس بعقل فاهم قصدى طبعا

[lanos2004]

انا لما بجرى رجليا بتخرم دواسه العربيه وخلاص

[osama.m]

لو بتتكلم على اول طلعة بالعربية فا اهم حاجة لو هتشد متخليش العربية تفرك منك .. اطلع بيها اول ثانية عادي و بعدين اكبس للاخر .. كدا هتاخد قوة الغيار الاول كلة و هتجمع بية السرعة بتاعتة انما لو فركت فا هتضيع وقت و هتنقل على التاني و انت لسة متحركتش كتير فا مش هتعرف تحرق علية للاخر

[mohamedibrahem]

ايوه يا رجاااااااااااااااااااااااااااااااااااالة الدايو هوا ده الكلام
انا برده بحس انى رجلى هتخرم الدواسه وتدخل فى الموتور يا لانوس :d:d

[mohamedibrahem]

كلامك مظبوط جدا يا سمسم ربنا يبارك فيك

[mostafa mahmod]

لو بتتكلم على اول طلعة بالعربية فا اهم حاجة لو هتشد متخليش العربية تفرك منك .. اطلع بيها اول ثانية عادي و بعدين اكبس للاخر .. كدا هتاخد قوة الغيار الاول كلة و هتجمع بية السرعة بتاعتة انما لو فركت فا هتضيع وقت و هتنقل على التاني و انت لسة متحركتش كتير فا مش هتعرف تحرق علية للاخر

+1

[engtmk]

حاجه غريبه انى حطيت على اوبل فيكترا موديل 2000 بالجوليت على طريق مصر اسكندريه
تقريبا طلعت منه على سرعة 160 وطلعت فى نفس اليوم من هوندا سيفيك الشكل القديم ex
بسبب انى خدت غرزه منه وفضل ورايا بقينا احنا التلاته بنشد مع بعض والحمد لله الجوليت شرفتنى من هنا للصبح ملحوظه انا والفيكترا بدأنا الشد من سرعة 60 تقريبا والعربيتين فضلوا جنب بعض لحد سرعة 120 لقيت عربيتى بدأت تطلع منه على سرعة 170 كان ورايا ب10 متر مثلا هو والهوندا
بس الغريب بقا ان النوبيرا طلعت منى بس كنا بنشد من واحنا واقفين واول ما الاشاره فتحت شدينا مع بعض
الى عايز اعرفه من الناس الى ليها فى الشد المفروض وانت بتبدأ الشد رجلك بتجيب الدواسه لأخرها ولا
قبل الاخر وعلى ما العربيه تجمع تبدأ تجيب للأخر .. ارجوا الافاده

لو ال 1600 معتقدش فيه مشكله عادي بيس

لكن 2000 لانها معايا صعبه لان انا اسف بس فعلا تريحه بسيطه علي البنزين صدقني هتبقي في ضهره

ولو علي السرعه العداد تقريبا اخره 260

[memofree]

ليه الجرى يا جماعة على رأى واحد من النتدى
فى التانى السلامة و فى السرعة الندامة
يا شباب لقدر الله لقدر الله تخيل ان العجله و انتا ماشى بالسرعات دى حصل فيها حاجه هتلائى نفسك بتحووش رجلك من على البنزين علطول
لو الكاوتش الامامى حصله مشكله لقدر الله موش هتلائى العربية بعد الشر . ربنا يكفينى و يكفيكوا الحوادث

و السلام عليكم