الموبينة

[wildwest100]

يا جماعة عندى مشكلة هيا ان الموببينة عندى على طول بتضرب وفجاة دةن مقدمات واللى بيضرب فيها خطوط مختلفة مش نفس الخط يعنى مش مشكلة كهرباء
ياريت حد يقولى ايهيا اسباب تلفها
على فكرة اللى عنى استيراد مش جديدة لان الجديد الموجود كلوا صينى ومضروب وتنموا بعدى 500 جنيه

[moby]

ممكن توضح أكثر ..

[mohamed ibiza]

ممكن يكون عندك حاجة غلط في الكهربا بتخليها تضرب بس عموما حاول تجيبلها موبينا صناعة تانية مش شرط كوري حاول تشوف اسباني او تايواني احسن من الصيني 100 مرة

[wildwest100]

يا جماعة لو فيه حاجة غلط فى الكهرباء بتاعت العربية كلها لغبطتت
ياريت نقدر نعرف ايه الاسباب اللى تودى لتلف الموبينة على شان نقدر كلنا نستفيد
مع العلم ان الكهربائى بتاعى قالى ان انا مش الحالة الوحيدة اللى كدا ناس كتير اوى بقالهم فترة الموبينة عندهم بتضرب عل طول
ياريت الاب الروح لمنتدى الدايو يقولنا من واقع خبرتوا ايه الحاجات اللى قابلتوا بالشكل دا
والف شكر لكل اللى شاركوا

[Shiref_mohamed]

بص يا باشا ديه تجربتي في موضوع الموبينة
الموبينة الى جاية في العربية فيها اخر مخرجين من تحت الشرارة الى خارجه منهم ضعفت خالص بس مقطعتش نهائي وطبعا العربية كانت غلطانة والموتور مخنوق رحت زي الشاطر شارى الموبينة الصيني ام 180 جنيه ومركبها وهيا شغاله كويس بس من كام يوم كده كان عندى مشكله في العربية ففكيت الموبينة الصينى وركبت الموبينة الأصليه القاطعة والمفاجئة انى لاقيت العربية سحبها اتحسن جدا (مع العلم ان اموبينة فيها خرجين شرارتهم ضعيفة جدا) تخيلو ان موبينة بايظة بس اصلية تخلى سحب العربية احسن من الموبينة الصيني السليمة المهم بقى ان تقريبا والله اعلم ان كل المباين الى في السوق مضروبه لآن الأخوه هنا قالو ان الموبينة الأصليه نوعها Dac وانا لاقيت كذا سعر للـ Dac ديه في السوق وكلها علبها معلهاش ولا كلمة توحد ربنا علب كرتون كده معلها بلد صنع وكمان الموبينة نفسها معلهاش ولا كلمة غير Dac والرقم بتاعها بس وتقريبا ناس كتير بتشتكى من موضوع الموبينة ده وانا ناوي اغير الموبينة الصيني المعفنة الى راكبه عندى بس انا إن شاء الله هشتريها من التوكيل اضمن

[wildwest100]

علبة ال Dac لونها ابيض سادة معلهاش ولا كلمة
ثانيا انا عندى العربية مش متلتة لاكن الاشارة ضعيفة برضوا
والعربية مخنوقة فى الغيار الاول والتانى بس بعد كدا بتبقى كويسة وفى الطوالى كويسة
بس بجد انا مخنوق اوى من سحبها بقى زى الزفت انا عايز اعرف ايه اللى بيخليها تعمل كدا وتضرب كل شهر ونص

[Shiref_mohamed]

بص يا باشا ولله هو موضوع بايخ اوى موضوع الموبينة ده وباين كده مالهاش حل غير اننا نجيبها من التوكيل اضمن بس انا عوز حضرتك تشيك على اسلاك البوجيهات بتاعتك وكمان اخبار الحرارة ايه عندك

[wildwest100]

بص يا باشا ولله هو موضوع بايخ اوى موضوع الموبينة ده وباين كده مالهاش حل غير اننا نجيبها من التوكيل اضمن بس انا عوز حضرتك تشيك على اسلاك البوجيهات بتاعتك وكمان اخبار الحرارة ايه عندك

عملت التشك دا فعلا والاسلاك سليمة وشغالة زى الفل على الموبينة التانية اللى عند الميكانيكى
بس انا خابف اجيبها من هناك تبوظ بعدها بشهرين انا كدا ممكن يجرالى حاجة بجد

[Shiref_mohamed]

قدر الله وماشاء فعل
دايما بيكون فيه حاجات غريبة بتحصل كده والى يدايقك ان مفيش حد يقدر يحددلك العيب فين لحد ما تكتشفه بالصدفه وساعتها تكون بقيت على الحديدة (ده لو مكنتش بعتها) عشان تصرف على العربيه

[wildwest100]

قدر الله وماشاء فعل
دايما بيكون فيه حاجات غريبة بتحصل كده والى يدايقك ان مفيش حد يقدر يحددلك العيب فين لحد ما تكتشفه بالصدفه وساعتها تكون بقيت على الحديدة (ده لو مكنتش بعتها) عشان تصرف على العربيه

هههههههه
واللهى بعتها من شهرين وخلصت حقها كمان

[ahmedfawzy14]

للاسف كل اللى بيحصل ده
بسبب ان كل اللى فى السوق صينى

وال Gm مش متوفرة اصلا وسعرها غالى

[wildwest100]

انا روحت لميكانيكى بعد ماسالت ودورت عل واح بيفهم واخيرا لقيتوا
قالى ان اللى ممكن يبوظ الموبنة
1- التاخير فى عمل الصيانة وتغيير البوجيهات
2- سلوك البوجيهات لو وحشة بترد الكهربا تانى فى السلك وترطب البوجيهات ودا طبعا يحرق الموبينة
ارجو اكون افدتكم

[moby]

أستخدم البوجيهات الأصلية الموصى بها
وهى تحتوى على مقاومة وبها حرف R