حد بيفول العربيه للاخر

[شريف]

انا سوقتي كتيره و كل مطلب تتفول للزور عامل المحطه ميعبرنيش و اوقات بيتحججوا ان المسدس هيبوظ منه او المحطه زحمه
بتمالك اعصابي و بمشي مش هتخانق في كل تفويله بس ايه موضوع الانوس ممكن تاخد ١٠ لتر بعد اول فصله لمسدس التموين
ايه حلها نروح كل يومين نفول العربيه ولا ايه العمل؟

[yoko]

التفويل للزور غلط أصلا وميفضلش تعمله
لكذا سبب
أولهم هدر فلوس في الأرض بسبب البخر
تاني حاجة ممكن يعملك مشكله في التانك بسبب الفايظ والضغوط وحاجات كده

[besso33]

التفويل للزور مالهوش اي مشكلة خالص غير انو ممكن ياثر علي الكاوتش اللي عند زور فتحة التانك

[tarek_2005]

ليس له اي مشاكل نهائي ودور علي محطة فضية شوية وانا عمري ما فولت الا لغاية الزور
وفعلاً بتاخد 10 لتر بالظبط بعد اول فصلة للمسدس ودا بسبب وجود علبة الكانستر

[hessenp]

انا برضة عندى نفس المشكلة دى تقريبا كل الانوس فيها المشكلة دى ....
بالنسبة ل yoko افرض ان انا مسافر مسافة طويلة فعلا او مينفعش اقف فى الطريق يبقى اية العمل المشكلة ان بين اول فصلة مسدس البنزين وبين التفويلة ممكن تكون حوالى 15-20 لتر يبقى فى فرق جامد انا اولى بالبنزين دة فى الطريق .....

[mailo]

أنا مابفولش للزور خالص اللى لما يكون فيه ازمة أو مسافر أكتر من 400 كيلو

أنا سألت مرة بتاع البنزينة على موضوع الفصل ده قال لي فيه ناس بتشيل الفيبرة البيضة اللي في أول التنك عشان العربية متفصلش بدري

معرفش مدى صحة الكلام ده إيه

[Donzi]

انا اخر مرة فولت للزور لحد ما البنزين طفح برة العربية و العامل اتضايق اوي و قاللي متفولة يا استاذة

فيها مشكلة دي ؟؟

[tarek_2005]

الفبرة دي ليس لها اي علاقة بالفصل الفصل بيتنتج عن ارتداد البنزين للمسدس ولتلافيها فك خرطوم علبة الكانستر واستعوض ربنا علي البنزين الي هيطير طول ما العربية واقفة

[mero100]

الفبرة دي ليس لها اي علاقة بالفصل الفصل بيتنتج عن ارتداد البنزين للمسدس ولتلافيها فك خرطوم علبة الكانستر واستعوض ربنا علي البنزين الي هيطير طول ما العربية واقفة

ازيك يا طارق ..... انا فعلا حصل معايا - في الكام تفويله اللي فاتت - موضوع ارتداد البنزين ده .....مؤشر البنزين كان علي النص بالظبط ..... انا متعود افول اول ما المؤشر يوصل للنص ..و بقول للعامل فول أول تكه ( يعني اول ما المسدس يفصل )...المهم اول ما المسدس حط لترين فصل ....قلتله لأ لسه ....المهم فصل مرتين تلاته في الاول .... بعدها خدت 29.5 لتر لاني قولتله فول لغايه الزور ( نظرا لوجود أزمه او شعورنا بأن حيصل ازمه ) ...... سألته عن السبب بتاع الفصل اللي في الاول .....قاللي الباب الابيض بيقفل .... ف لما بيعدلوا المسدس و يدخلوه صح الباب مبيقفلش ....

المهم انا دايما بفول مع أول تكه فصل من المسدس .....بخاف من التفويل للزور ...عشان تمدد و ضغط البنزين في الصيف .....عارف منك يا طارق ان الكانستر حيفضي الضغط ....بس افرض باظ الكانستر وانا مش عارف ؟....اعتقد حيبقي فيها خطوره خصوصا في الصيف . و لا ايه رايك؟

سؤال تاني : هوه التفويل للزور مش ممكن يبوظ العوامه نظرا لانها بتتغمر كلها بالبنزين ؟؟.... و يكون ده سبب فيما بعد انها متعلمش صح؟

[tarek_2005]

كل البنزين ما ذاد كل ما عمر الطرمبة يزيد علشان تبريد موتور الطرمبة بيكون افضل لانها بتستخدم البنزين في تبريد موتور الطرمبة
والضغط مش هيزيد ولو ذاد اوي الكانستر هيفضي الزيادة ولو الكانستر باظ الضغط الزيادة مش هيعمل حاجة اقصي حاجة حيعملها هيضرب جوان طرمبة البنزين الموجود بين الطرمبة والتنك

[ahmedfd]

تفويل العربية لحد الزور مش مظبوط و ده مكتوب في معظم كتالوجات العربيات الحديثة.

دي صفحة من كتالوج السيراتو و نفس الصفحة بالظبط في كتالوج الإلنترا و في الجزء الأصفر واضح التحذير من وضع بنزين زيادة بعد الفصل الأوتوماتيك لمسدس الطرمبة بتاعت محطة البنزين.
أنا شخصياً زي ما مجموعة من الأخوة قالوا بقول للراجل فول العربية أوتوماتيك أول فصلة.

[zomzom11]

طول عمرى بفول للزور مش عشان حاجه لكن عشان مش ك شويه اقف فى طابور البنزينه المؤشر عندى عالنصف او اقل بقوله فول ب 54 او ب 59 المهم انى اخلى العربيه متفوله لاخرها حكاية الفصل بدرى دى مع اننا بنفول لما المؤشر يجى عالنصف يبقى هاقضى مشوار يوميا للبنزينه انا بامن نفسى وبفول لما المؤشر يجى عالنصف او تحته بشويه يعنى بستغل حوالى 55% من التنك فقط عشان كده اصر دايما انى افول لاخر المؤشر
والحمد لله مفيش مشاكل

[tarek_2005]

التحذير بتاع الكتالوج خوفاً من شوية البنزين الي بخرجوا برة لما بتفولها بالعافية بس في مصر انتا بتخش تفول في المحطة وممكن يكون تحت العربية 3 او 4 لتر بنزين في الارض ترحيب بيك في المحطة ههههههههههههههههه

[mero100]

الحق يقال بشوف محطات كتير حاطيين ميه جنب الطلمبه .... و اول ما يقع بنزين عالارض بيدلقوا ميه علطول .

[VANTROY]

سؤال اعتراضى
ايه الـ الكانستر ؟؟؟؟