مشكله كبير ! العربيه بنزل الاقيها مفتوحه !

[blazer]

السلام عليكم ورحمه الله وبركاته
زى ما بقلكم كدا
بنزل الاقى العربيه مفتوحه!
كل ال 4 ابواب مفتوحين
هل السنتر فيه مشكله؟
وازى اعرف العيب دا واصلحه
لان الموضوع دا حصل معايا 4 مرات وبقول انى بنسى اقفلها


انا بس حصلت معيا مرتين غسلت العربيه بميه كتيره لاقيت ان النتر بيعلق وبيفتح ويقفل لوحده
فقولت اكيد عشان الميه بتخلى دا يحصل ولما تنشف هتبقى الدنيا تمام
بس مره من حوالى 3 شهور وانا سايق حصلت ولاقيت السنتر بيقل ويفتح كذا مره ورا بعض وانا سايق
فعاوز اعرف اعمل ايه بسرعه
وربنا يستر

[mailo]

شوف مكنة السنتر ممكن تلاقي فيها سلك ملمس أو حاجة

[maka]

كتاوت السنتر باظت و عاوزة تتغير

[ahmed.zahra]

محتاجة كهربائي يمشي مع دايرة السنتر و يراجع عليها ممكن يكون فيها قفلة أو كتاوت باظ

[Land_Cruiser]

حاول تروح لكهربائى فى اسرع وقت. اديك شايف شيكاغو اللى بقينا عايشين فيها.

[tarek_2005]

راجع دائرة السنتر بالكامل ولا تترك اي شيئ مستبعد عن التفكير

[msobhy]

حاجتين مهمين بجد لازم تعملهم
1- اوعى تقفل العربية بالانذار لغاية لما تظبطها واقفل بالمفتاح عادى
2- اوعى تقول لحد فى المنتدى على عنوانك وانا أول الناس اللى هاقلبك لو عرفت مكان عربيتك
العطل ده كان عندى وواحد جارى رخم كان بينزل يفتح لى شبابيك العربية الخلفية ويقول لى ابقى انزل اقفلها

[blazer]

انا الريموت اصل ضايع وبقفل بالمفتاح العادى
طب لو فيه تلميس دا ممكن يتعرف
انما الكتاوت البايظ دا يتعرف ازى ؟
ملحوظه
فيه وحدات رفع متركبه للعربيه كلها

ومحدش رد عليها ايه علاقه غسيل العربيه بالمشكله دى

[maka]

باشا كاوتش الابواب اللى فيه السلوك بيهرب ميه فالكتاوت دائرة الحماية فيها بايظة فبتهنج , انا عنيت من المشكلة دى كتيير

نصيحة اخ توكل على الله و روح لمحمد السيد لانه دايس المشكلة دى اوى و عديت عليه كتيير

و ربنا ييسر لك حلها

[Ayman-Ahmed]

معلش سوال جانبى فيه تفاصيل اكتر عن محمد السيد وهل يقدر يفيدنى فى مشكلة زجاج بطئ اللى محدش عارف يحدد عيبه فين؟

[Car's Sniper]

واحد صاحبى كانت بتحصل معاه نفس المشكلة
وفى الاخر اكتشف العيب فين
فى مرة نسى ريموت عربيته الاستبن عندى فى العربية ونسى انه نسيه عندى وكان ماشى بالريموت التانى
بس دماغ الاجرام ماعتقتهوش وكنت باذله لدرجة انى كنت باخليه يشيل قطاش البطارية عشان يعرف يقفل العربية
كنت دايما اخليه يقفل العربية ويبعد عنها مسافة حلوة كدا واقعد انا استمتع بزراير الريموت اللى كان ناسيه عندى واخليه يرجع المسافة دى يشوف فيه ايه
واحد صاحبى تانى شاف الموقف دا كان هايقع من البلكونة من كتر الضحك بس الحمد لله ربنا ستر
ومن ساعتها تُبت الى الله ورجعت الريموت بس معرفش ليه صاحببى كان مفصول منى اليوم دا ..محدش يعرف ليه؟؟ ههههههههه

[msobhy]

واحد صاحبى كانت بتحصل معاه نفس المشكلة
وفى الاخر اكتشف العيب فين
فى مرة نسى ريموت عربيته الاستبن عندى فى العربية ونسى انه نسيه عندى وكان ماشى بالريموت التانى
بس دماغ الاجرام ماعتقتهوش وكنت باذله لدرجة انى كنت باخليه يشيل قطاش البطارية عشان يعرف يقفل العربية
كنت دايما اخليه يقفل العربية ويبعد عنها مسافة حلوة كدا واقعد انا استمتع بزراير الريموت اللى كان ناسيه عندى واخليه يرجع المسافة دى يشوف فيه ايه
واحد صاحبى تانى شاف الموقف دا كان هايقع من البلكونة من كتر الضحك بس الحمد لله ربنا ستر
ومن ساعتها تُبت الى الله ورجعت الريموت بس معرفش ليه صاحببى كان مفصول منى اليوم دا ..محدش يعرف ليه؟؟ ههههههههه

من الواضح ان مش صاحبى بس هو اللى شرير
بس بصراحة حلوووووووووووه

[majormostafa]

الكتاوت بايظ......وهو موجود وراء العدادات.........بس مش عارف بكام ............لو عرفت قلى

[blazer]

موجود ورا العدادت فين يعنى!!!!!!!!!!
يعنى هفك التابلوه عشان أغيره!