سرعة الأفادة

[fatso]

ممكن حديرفع صورة لمكان مؤشر الحرارة الطبيعي للانوس لما العربية تعمل مساوير محترمة ارجو سرعة الأفادة و بعدين لو انا مليت القربة فوق المكسيم بحبة كتيييير تقريبا قبل بق القربة بشوية و بعد كام مشوار حلو الاقي المية بنزل لمكان العلامة بتاعت المكسيمم هل ده ممكن يكون بخر المية مع العلم انا مفيش اي تسريب للمية من تحت العربية انا بقى عندي هسهس من موضوع السخونية ديه لأني عملت نص عمرة للماتور و الواحد داخل على تجديد رخصة و الفلوس مقصرة حد يفدني لأني بقيت قلوق أوي اه انا غيرت توصيلات مية كتيرة بعد العمرة لغيت السخن بتاع التكييف و فيه خرطوم ضرب بعد م لغيت السخن غيرته من تحت المنفولد و الميكانيكي كبس الدورة و غيرلي القربة بس ساب الغطة القديم و قالي القربة كان فيها تسريب من ناحية الزور يا جماعة افيدوني لأني بقيت قلقان أوي و ارجو سرعة الرد و الأفادة جزاكم الله خيرا

[mero100]

مؤشر حراره اللانوس الطبيعي سواء عملت مشاوير كتير أو لأ.. يعني في مختلف ظروف التشغيل بيكون تحت النص بشرطه.. لو عندك حاجه غير كده يبقي فيه حاجه غلط.
و أعتقد إنه صح الصح إنك ترجع الوضع للوضع الأصلي لتصميم العربيه.. لأني قريت هنا مواضيع لبعض الأعضاء عانوا من إلغاء ترموستات السخن لأن عمليه الإلغاء بتخلي العربيه تشتغل في ظل درجه حراره تشغيل مش الطبيعيه بتاعتها و بيحصل هبوط في المؤشر و لخبطه مع تشغيل التكييف . و الله أعلم.

[ahmed_mido1889]

اهم حاجه تعملها تحط الميه علي الماك بالظبط وتفضي الهزا من دوره التبريد

علشان ده بيبقي سبب في سخونه العربيه

[fatso]

ايه الهزه ديه
و ممكن صورة لمؤشر الحرارة بالشكل الطبيعي في ظل ظروف تشغيل قاسية

[mailo]

الهوا *

[fatso]

مش فاهم حد يوضحلي ايه الهزه ديه يا جماعة

[ahmed_mido1889]

اقصد الهوا بس غلطه كتابيه

دوره التبريد في اللانوس مغلقه ومفرغه من الهواء

انا اقصد تفرغ الدايره من الهواء

[fatso]

طب ممكن توريلي صورة لعداد الحرارة تكون طبيعية للانوس علشان اطمن

[fatso]

يا جماعة حد يفدني و يطمني

[biomedo]

يا جماعة حد يفدني و يطمني

لو عاوز تعرف المكان الطبيعي للمؤشر

بص على الفديو دا

[youtube]http://www.youtube.com/watch?v=7RylwCSMrxE[/youtube]

[fatso]

شكرا للأهتمام
و الحمد الله