رجاء خاص من مشرفين قسم النوبيرا...

[eng_ahmedshafe]

بسم الله الرحمن الرحيم
السلام عليكم ....

أود أن أبدأ الموضوع بشكر خاص لكل مشرفين القسم وجميع أعضاء نايل موتورز الكرام....

أنا أقترح بضرورة وجود موضوع رسمي لجميع مركز الخدمة المحترمة لتصليح سيارات النوبيرا, انا بقالي أكثر من شهر بدور على مراكو خدمة محترمة ولم أجد أحد حتى الأن, انا مش عاوز أروح لميكانيكي سيارات في الشارع, لإني وبكل صراحة لا أثق فيهم وعن تجارب عديدة... بيصلح حاجة ويخرب حاجة ثانية,... أعتقد إن دي مشكلة الكثير من الأعضاء.....

فأنا أرجو من لدية تجربة مع مركز خدمة محترم تم التعامل معة شخصياً من قبل العضو, أن يقوم بكتابة جميع بيانات المركز من:
- عنوان مركز الصيانة.
- تخصص المركز "لإن في مراكو بتكون متتخصصة في تصليح حاجة واحد بس ... زي الدبرياج مثلاً "
- أرقام الهاتف (أرضي أو محمول)
- صور للمركز ... ودي ضرورية جداً.
- أسعار الخدمات.

كما أرجو أيضاً لوجود صفحة رسمية على موقع الفيس بوك خاصة بالنوبيرا, لربط جميع الأعضاء ومالكي النوبيرا في مصر...

إذا كان الموضوع يحتاج إلى عقد إجتماع بين المشرفين والأعضاء التي ترغب في تطوير الفكرة .. فأنا أتشرف بأن أتقدم وأنا أكون جزء من ذلك التطوير.

أرجو من السادة المشرفين النظر في الموضوع والأخذ بة, مع تطوير الفكرة وإعادة طرحها بشكل محترف لجميع الأعضاء.

مع خالص الشكر والتقدير.
م. أحمد الشافعي

[medasamir]

يا باشا والله لسه داخل اسأل نفس السؤال ..... أؤيد الفكرة جدا و يا ريت حد يرد علينا ف الموضوع ده

[elnakshabandy]

فكرة جميله
وده اللى بيحببنا فى المنتدى وبالذات قسم الدايو(الكورى)

[eng_ahmedshafe]

شكر خاص للأستاذ medasamir والأستاذ elnakshabandy لدعم الفكرة والموضوع

وأتمنى من باقي الأعضاء الموافقة على الفكرة وإقتراح المزيد.

[ahmed.zahra]

وانا معاكم طبعا

[besso33]

وانا كماااااااااااااااان
بس كنت عايز اقترح حاجة كمان وهي ليه مفيش في المنتدي قسم للتبادل بين اعضاء المنتدي في اي حاجة سواء تخص السيارات او اي شيء شخصي

[engwael]

انا بتعامل مع مركز صيانة كويس بس بحس انه غالي قوى ده بالاضافة ان بيركب قطع الغيار من عنده بالتالي مش بشوفها يعنى بندفع من غير ماتشوف حاجة وديه بعض مشاكل مراكز خدمة السيارات

[khaled_2011]

فكره هايله وانا موافق عليها ومعاكم ان شاء الله

[kimo-nubira]

كانت في دماغي نفس فكرتك يبقي فيه قسم للنوبيرا واويد كلامك

وديه مراكز الخدمه المعتمده http://www.nilemotors.net/Nile/277110-a.html

[rabso88]

موضوع هايل و هيبقى مفيد لكل العضاء
انا بعانى من نفس المشكله دى عمال الف على الصنايعيه و كل واحد يصلح حاجه باليمين و يبوظ حاجتين بالشمال
العربيه لسه شاريها من شهريين و المشاكل و الصرف الى صرفتو عليها خلونى ندمت انى سبت 128 كانت مريحانى و عارف اولها فيين و اخرها فيين

[hosar]

فكرةهايلة و انا معاكم

[eng_ahmedshafe]

شكراً لكل من شارك بدعم الفكرة وتطويرها,.....
أنا مش عارف طبعاً المشرفين محدش فيهم علق على الموضوع لية, بس طبعاً لو إحنا عاوزين نعمل دة فأنا بدأت بأول خطوة وهي بإنشاء صفحة على الفيس بوك عشان نقدر نتواصل فيها بشكل أسرع وإنشاء رابطة نوبيرا.
الصفحة إسمها Nubira CLUB Egypt.
ودة الرابط ... https://www.facebook.com/NubiraClubEgypt

أتمنى من الجميع إننا نتعاون مع بعض بإننا نكون رابطة واحدة, وممكن من خلال الرابطة إننا نحقق حجات كثير جداً...

طبعاً أرجو من لدية الخبرة في الإدارة وذلك سيكون عن طريق تصويت من الأعضاء المشاركة أن يقود الرابطة بما لدية من خبرة في ذلك., وسوف يحدد ذلك على حسب جدية المشاركة من خلالكم.
مع خالص الشكر والتقدير للجميع
م. أحمد الشافعي

[eng_ahmedshafe]

السلام عليكم ...

طبعاً أنا مش فاهم لية محدش إتحرك في تطوير الفكرة.... أو حتى إنضم للصفحة Nubira CLUB Egypt بالفيس بوك
والله الموضوع دة هيبقى هايل للجميع وهيخدم كل الأعضاء لإنك هتقدر تصور العربية بتعتك وتصور المشكلة أو العيب الموجود في العربية وكلنا هنرد عليك ونوضحها وفي نفس الوقت كل مراطو الخدمة هتلافيها وهتلاقي كمان كل الأراء الي إنت محتاج تعرفها في الصيانة وخلافة من المواضيع الأخرى..

أرجو بجد الأخذ بالفكرة والبدأ بالإنضمام للصفحة الرسمية Nubira CLUB Egypt

شكراً للجميع وشكر خاص لمن سيبدأ بالإنضمام وتطوير الصفحة.

[shakshak2011]

أنا إنضميت :d :d