شرح مكونات وانوار تابلوة الانوس

[kha_led29]

الاخوة الافاضل اعضاء المنتدى
ارجو التكرم وشرح مكونات تابلوة الانوس 2004 الانوار وكافة مايوجد بالتابلوة
لانى اشتريت العربية و فية مفاتيح وانوار مش عارف اية هى وبتاع اية
فارجو شرحها ولو فية صورة يكون افضل
واسال رب العرش الكريم ان يجزى من يساعدنى كل خير

[ahmed_mido1889]

مش لاقي صوره احط عليها الوصف او شرح كل لمبه

بس في لمبهcheck ودي بتنور في فتح الكونتاكت وبتفصل اول ما العربيه بتدور ولما بتنور باستمرار دليل ان في خلل في احد الحساسات او توصيلاتها .

لمبه بطاريه ودي بتنور في الاول وبتطفي اول ما بتدور ولو نورت دليل علي خلل في الدينامو او دائره الشحن .

لمبه الزيت وددي بتدل علي نقص الزيت او ضعف الطرمبه او طقم السبيكه تعبان لو بتنور والعربيه دايره.

في لمبه البنزين وبتبقي شبه طرمبه البنزبن ودي لما بتنور بيبقي التانك فيه حوالي 4 لتر.

لمبه الهاند بريك بتنور في حاله رفع الهاند او نقص زيت الباكم في الخزنه.

لمبه حزام الامان وبتدل علب عدم ربط السائق للحزام.

لمبه الابواب وبتدل علي ان في احد الابواب غير محكم الاغلاق.

وهحاول اشوف صوره واوضح عليها

[mailo]

الدراع اللي على اليمين بتاع المساحات 3 سرعات
اسحبه نحيتك هيطلع مية

اللي على الشمال راس الدراع النور 3 درجات تابلوه وواطي وعالي
لو كاملة هيبقى في نصه مفتاح للشبورة
سحبة الدرع ده بتنور العالي

العدادات بقى هادورلك على صورتها

[mero100]

الدراع اللي على اليمين بتاع المساحات 3 سرعات
اسحبه نحيتك هيطلع مية

اللي على الشمال راس الدراع النور 3 درجات تابلوه وواطي وعالي
لو كاملة هيبقى في نصه مفتاح للشبورة
سحبة الدرع ده بتنور العالي

العدادات بقى هادورلك على صورتها

كلام تمام :-)

عندي اضافه صغيره : سحب الدراع الشمال ناحيتك بينور العالي و ممكن ترعش بيه ده صح ....

و لو نزلته لتحت و سبته علي الوضعيه دي .... اول ما تفتح النور الواطي حتلاقي النور العالي شغال معاه في نفس الوقت و اللمبه الزرقاء بتاعت العالي نورت في التابلوه مباشره بمجرد فتح النور الواطي ( انا معرفش لازمتها ايه و فيه ناس بتقول ان كتر استخدام الموضوع ده بيسيح دراع النور ) و الله اعلم .

[ahmed_mido1889]

كلام تمام :-)

عندي اضافه صغيره : سحب الدراع الشمال ناحيتك بينور العالي و ممكن ترعش بيه ده صح ....


الكلام صح

و لو نزلته لتحت و سبته علي الوضعيه دي .... اول ما تفتح النور الواطي حتلاقي النور العالي شغال معاه في نفس الوقت و اللمبه الزرقاء بتاعت العالي نورت في التابلوه مباشره بمجرد فتح النور الواطي ( انا معرفش لازمتها ايه و فيه ناس بتقول ان كتر استخدام الموضوع ده بيسيح دراع النور ) و الله اعلم .

لو زقيته لورا بيفضل معلق النور العالي فقط بدون الواطي بيفصل البوله بتاعت الواطي

[ahmed_mido1889]

الحمدلله لاقيت الصور وجاري البحث عن الكتالوج

[swimmer25]

لو العربية معاك يبقي الأفضل إنك تقرا كتالوج السيارة كامل
وهنا الكتالوج http://www.nilemotors.net/Nile/14145...c-edition.html

د هيكون أحسن عشان تعرف كل مكونات السيارة وازاي تعمل صيانة وتبص فين علي السوائل وتغير الكاوتش ازاي...حاجات كتير لازم تقراها

[kha_led29]

شكر واجب

انا شاكر لكل الاخوة الا تفضلوا ردو وكان منهم هدا الاهتمام