بليه الدبرياج

[HanyManssy]

السلام عليكم
يوم الخميس مساء كنت جاى من سراى القبه لشبرا عند نفق عبود كلت المطب الارض مكسره فى نصف الطريق الشمال حوالى 30 سم صوت العربيه صار عالى
أنا قلت الشكمان اتخرم الصوت كان بيروح لما ادوس دبرياج و الغيارات الاول و التانى تقلو شويه
يوم الجمعه سافرت الأسكندريه و رجعت على الميكانيكى الساعه 7 مساء قالى بليه الدبرياج بايظه
اشتريت البليه نوع value ب 70 جنيه و 4 ساعات ادور على زيت موبيل للفتيس 90
و ملقيتش اشتريت نوع مش فاكر اسمه تقريبا بروتومين أو حاجه زى كده بس ده من التعب
بس الحمد لله الغيارات بقت كويسه ز صوت الموتور كويس
الميكانيكى خلص العربيه الساعه واحده الصبح و أخذ 150 جنيه مصنعيه
بس دلوقتى يوجد صوت كل ما ادوس فرامل عامل زى ما تكون فيه لبه شىء بيطرقع و يرجع مكانه الميكانيكى جرب العربيه و سمع الصوت و لما فك العربيه قالى صلحته جربتها كانت كويسه خرجت من الشارع اللى فيه الورشه الصوت رجع تانى بس انا مقدرتش ارجع تانى بعد 5 ساعات عذاب
ايه راى سيادتكم فى الموضوع ده؟

[modyegypt]

الفحرة ال30 سم ملهاش علاقة ببلية الدبرياج ....؟
كان فية حاجة عالية خبتط فى الفتيس من نحن ولا حاجة ... ؟

[HanyManssy]

شكرا يا باشا على الرد
الميكانيكى قالى كده بس الصوت اللى بيحصل مع الفرامل هو اللى لسه موجود
ان شاء الله ابقى اعدى على الميكانيكى يوم الاثنين

[tarek_2005]

اعتقد كاوتش الميزان هوا السبب وهوا زيته فقط علشان كدا الصوت اختفي

[egy_3assy]

انا كان عندي الصوت دة زمان و اكتشفت انو من المقص... اتكسر بعد مطب محترم و مختفي

[HanyManssy]

شكرا أ طارق على الرد
بس ايه هو كاوتش الميزان؟
الصوت رجع تانى من دواسه الفرامل و أحيانا من دواسة البنزين
شكرا

[HanyManssy]

شكرا أ 3assy
بس أنا لسه مغير المقصات و بيض الطرف من كام شهر و الميكانيكى قال عليهم كويسين الحمد لله لما فك الفتيس
شكرا

[tarek_2005]

كاوتش الميزان اسفل علبة الدركسيون بيبقي نشف ومع الحفرة اتحرك الميزان فيه وعمل خلوص ده الي بيعملك الصوت مع حركة السيارة للامام والخلف سواء مع الفرامل او البنزين

[mero100]

الله عليك يا طارق :-)) ..... تحليل ممتاز ......انا بصراحه أثق برأيك بعد موضوع قاعده الموتور الشمال .

[HanyManssy]

شكرا أ طارق باشا

[tarek_2005]

لاشكر علي واجب

[HanyManssy]

اليوم ذهبت للميكانيكى قالى جلبت المقص وحشه فك المقص و قالى روح للمحل اللى اشتريته و رجعه
قلت له ده ولا فى الاحلام انه يرجع و قلت له أن مهندس من الشركه سألته على النت (أقصد أ طارق) قالى ده كاوتش الميزان سبب صوت الفرامل اللى بيحصل
رحت للبنا فى التوفيقيه قالى تلاقى الميكانيكى لم يضع شحم فى الجلبه
اشتريت جلبه جديده و غيرتها عند الخراط
و الميكانيكى ركب المقص و الصوت زى ما هو
و نزل الحفره و تعال و روح 3 ساعات
و فى الاخر قالى هات المقص القديم اللى شيلينه من شهرين تقريبا علشان يركبه
و مصمم ان الصوت من المقص
اعمل ايه؟ انصحونى

[HanyManssy]

الميكانيكى دخل المقص الورشه و ثبته و كان عمال يخبط فى الجلبه بمفك و دخلت اشوفه بيعمل ايه قالى الجلبه مش كويسه

[tarek_2005]

غير الراجل ده ورروح لحد بيفهم

[S.Hasan]

كاوتش الميزان اسفل علبة الدركسيون بيبقي نشف ومع الحفرة اتحرك الميزان فيه وعمل خلوص ده الي بيعملك الصوت مع حركة السيارة للامام والخلف سواء مع الفرامل او البنزين

++1111111111