استهلاك البنزين عالى

[naroo]

ياجماعة لو سمحتوا انا معايا لانوس 1 موديل 2000
بتستهلك بنزين بشكل مبالغ فية ومش عارف السبب اية
ميكانيكى قالى نغير الرشاشات ولكنى اعرف ان الرشاشات
اذا كانت بايظة يكون سحب العربية ضعيف ولكن السحب عندى
قوى جدا -- فما هو الحل وكيف احل هذة المشكلة

[MMamdouh]

مش شرط

العربية بتغيب فى الدوارة؟
البوجيهات بطلع مهببة؟

MMamdouh

[Strong]

ياجماعة لو سمحتوا انا معايا لانوس 1 موديل 2000
بتستهلك بنزين بشكل مبالغ فية ومش عارف السبب اية
ميكانيكى قالى نغير الرشاشات ولكنى اعرف ان الرشاشات
اذا كانت بايظة يكون سحب العربية ضعيف ولكن السحب عندى
قوى جدا -- فما هو الحل وكيف احل هذة المشكلة

1- ياريت حضرتك تكتب كمية البنزين المستهلكة بداخل البلد أو بخارجها ويفضل عند القياس أن تملأ تنك البنزين الى رؤية البنزين في الماسورة الواصلة للتنك عشان تتأكد إن القياس صح
2- ممكن تتأكد من زيت الفتيس عشان انا كانت العربية بتستهلك بنزين وقالولي غير رشاشات وحساس شكمان وحاجات زي كده لكن أنا مرضيتش عشان انا كنت شايف العربية سليمة ومفيش لا دخانة ولا حاجة فيها غير استهلاك البنزين وسحبها كان ممتاز ، ولما كشفت على زيت الفتيس بالصدفة طلع مفيهوش زيت خالص عشان كان في كسر خلى الزيت كله فضي ولما غيرت القطعة المكسورة ومليت الزيت ، لقيت استهلاك البنزين قل ( يعني كل 20 لتر العربية زادت فيها المسافة المقطوعة الى 30 كيلو ) غير ان السحب زاد كتييييييييير

[copra2008]

انا كمان عندى نفس المشكلة الرجاء انجدونى

عربيتى لانوس 2004 كانت زى الفل فى استهلاك البنزين لمة عملت صيانة للعربية وهى كالتالى :
1 طقم بوجيهات
2- فلتر بنزين
3 - تيل فرامل امامى
4 - صيانة للتكيف وتزويد شحن فريون واستحراج الهواء منه
من بعدها لقيت استهلاك غير عادى فى البنزين بيخلص بسرعه جدآ

ززى ما قال البشمهندس MMamdouh
انا فعلآ عندى العربية بتغيب فى الدوارة جامد الصبح بس بس بعد مبمشى بيها وقف وادور تانى تشتغل عادى جدآ
البوجيهات لمة غيرتها لقيتها سوده فعلآ

معنى الكلام ده ايه يامستر ممدوح


طيب انا عندى الدبرياج تعبان شوية بسيطه فى خشونة يمكن يكون منه

والفتيس عندى مفهوش اى مشكلة

ارجوا افدونى فى الحل ياجماعه

[copra2008]

نسيت اقول ان البوجيهات Ngk شمعة واحده
والسحب كويس يعنى شغال
وكمان مش بشم ريحة بنزين جوة لو الكلام من جوان تنك البنزين بايظ

[MMamdouh]

ززى ما قال البشمهندس MMamdouh
انا فعلآ عندى العربية بتغيب فى الدوارة جامد الصبح بس بس بعد مبمشى بيها وقف وادور تانى تشتغل عادى جدآ
البوجيهات لمة غيرتها لقيتها سوده فعلآ

معنى الكلام ده ايه يامستر ممدوح

رشاشات

MMamdouh

[copra2008]

متشكرآ جدآ يابشمهندش ممدوح على الرد

بس لو تسمحلى الرشاش ده اللى هو الانجيكشن برضوا ولا حاجه تانيه

وهل الرشاش ده عايز يتنظف ولا يتغير وعمرة الافتراضى كام وسعرة كام

وستحملنى معلش اصلى عايز افهم

[MMamdouh]

رشاش = injector
نظام حقن الوقود = injection system

رشاشات الدايو القديمة تصميمها فيه مشكلة و التنضيف بيبقى غير مجدى لان الرشاش حيفضل يسرب بنزين... من الاخر حتنفخ فى قربة مقطوعة

رشاشات الدايو الاصلية ب 1000 جديدة (كورى صناعة GM)
رشاشات الاكسنت الجديدة ب 750 تقريبا (كورى)
رشاشات الاكسنت الاستيراد ب 400 جنية تقريبا
رشاشات الBMW M40 استيراد ب 200 الى 250 جنية (المانى صناعة BOSCH)

MMamdouh

[copra2008]

متشكر اوى على الرد السريع يابشمهندس ممدوح ربنا ميحرمنا منك ابدآ

انا لاحظت ان استهلاك البنزين جامد فقط لمة اشغل التكيف لكن من غير تكيف عادى استهلاكها معتدل يمكن من ساعة مشحنت الفريون عملى حاجه

بالنسبة للرشاش
ممكن اعرف مكانة فين الرشاش ده وهما المفروض بيبقى كام رشاش فى العربية هل واحد ولا اربعه
شكرآ جزيلآ

[MMamdouh]

اربع رشاشات راكبين على مواسير المنافول اللى داخلين على وش السلندر

MMamdouh

[naroo]

اخى العزيز مهندس ممدوح
اشكرك كثيرا على سرعة الرد والاهتمام
ولكن اسمحلى انا عايز احسم سبب العطل تماما قبل اجراء اى تغير
وذلك لسابقة معاناتى فى تغير قطع ويتضح انها ليست هى سبب المشكلة
ولذلك هل هناك مقياس للرشاشات حاسم-- وكذلك هل هناك مقياس
للحساسات -- واين يوجدو -- لكى يظهروا بشكل قاطع حالة الرشاشات
ومدى كفائتها -- وشكرا مرة ثانية

[copra2008]

المشكلة اتحلت الحمد لله اكتشفت ان العيب من فلتر الهواء
الفلتر كان عامل معاية 20 الف كيلوا بالرغم ان كتالوج العربية بيقول يتغير كل 40 الف كيلو
لمة غيرتوا العربية بقت بدور على طول والاستهلاك بقى كويس فى البنزين
شكرآ اوى على المساعدة يابشمهندس ممدوح

[aboelshoog]

معدل الاستهلاك

طيب انا عايز اعرف المعدل الطبيعى للاستهلاك (1) على طريق السفر
(2) طريق داخل القاهرة المعدل فى حدود كام للصفيحة او اللتر؟ شكرا

[MMamdouh]

اخى العزيز مهندس ممدوح
اشكرك كثيرا على سرعة الرد والاهتمام
ولكن اسمحلى انا عايز احسم سبب العطل تماما قبل اجراء اى تغير
وذلك لسابقة معاناتى فى تغير قطع ويتضح انها ليست هى سبب المشكلة
ولذلك هل هناك مقياس للرشاشات حاسم-- وكذلك هل هناك مقياس
للحساسات -- واين يوجدو -- لكى يظهروا بشكل قاطع حالة الرشاشات
ومدى كفائتها -- وشكرا مرة ثانية

حط العربية على سكانر... حيبين كل الحساسات حالتها ايه و كمان من زمنفتح الرشاشات حيبان اذا كانوا كويسين ولا لا و طبعا راى ميكانيكى فاهم حيقطع الشك باليقين

MMamdouh

[D . a .\ AYMAN]

رشاش = injector
نظام حقن الوقود = injection system

رشاشات الدايو القديمة تصميمها فيه مشكلة و التنضيف بيبقى غير مجدى لان الرشاش حيفضل يسرب بنزين... من الاخر حتنفخ فى قربة مقطوعة

رشاشات الدايو الاصلية ب 1000 جديدة (كورى صناعة GM)
رشاشات الاكسنت الجديدة ب 750 تقريبا (كورى)
رشاشات الاكسنت الاستيراد ب 400 جنية تقريبا
رشاشات الBMW M40 استيراد ب 200 الى 250 جنية (المانى صناعة BOSCH)

MMamdouh

انا ليه استفسر يامستر ممدوح انت كاتب نوعين تانيين من الرشاشات غير بتوع الدايو اللى هما الأكسنت و bmw هل دول ممكن يركبوا على الدايو
ولو ممكن هل هم احسن من بتوعها ولا أنهى أحسن

وهل اللانوس زي النوبيرا لإن في ناس قالولي أن رشاشات النوبيرا زي رشاشات اللانوس
بس أنا معايا نوبيرا 1 - 97

والف شكر على الإفادة
وجزاك الله خيرا