الفتيس مش بينقل

[mustafavet]

السلام عليكم
الفتيس عندي لانوس واحد مانيوال
من فتره كان بيعمل رزعة جامدة مع المارشدير لكن مش ركزت معاه
النهاردا الرزعة دي زادت اوي والمفاجاه بقي انه مش بقي ينقل لاي سرعة والعربية دايرة وثابته علي الارض لكن لما بطفي العربية الفتيس بينقل عادي
ياتري ممكن يبقي ايه دا وحلة ايه
افيدوني بالله عليكم

[MMamdouh]

طقم الدبرياج توفى الى رحمة الله... الا اذا كان فية مشكلة فى مساتر الدبرياج بس دة كان هيظهر اعراضة من بدرى (سقوط دواسة الدبرياج مع نقص زيت الباكم)

MMamdouh

[mustafavet]

شكرا يا بشمهندس ممدوح علي الرد
بس انا عمري ما اشتكيت من الدبرياج وكنت اشتريت العربية من سنه وصاحب العربية كان مغير الدبرياج في التوكيل
يعني ليه هيبوظ وخصوصا ان انا مشاويري كلها في طرق مفتوحة يعني مش بحتاج للدبرياج غير في النقل كل فين وفين

[mustafavet]

النهاردا قعدت اكركر للبدرياج قبل ما ادور وكانت المفاجاة ان الفتيس نقل عادي خالص ولا كان في اي مشكلة بس انا لسه ما اخدتهاش في مشوار
ياتري دا يبقي ايه بالظبط؟؟؟؟؟؟؟؟؟؟
واهملها بقي وانسي اللي حصل جا ولا اروح لميكانيكي يشوفها علشان متعملهاش معايا علي الطريق ولا حاجه؟
ملحوظة زيت الباكم مش بينقص وزي ما هو والمشكلة دي كانت حصلت فجاة وبدون اي مقدمات
اتمني الرد
جزاكم الله خيرا

[walaaeldeen]

السلام عليكم
اولا: خد هواء لدورة الدبرياج
ثانيا :اكشف علي ماستر الدبرياج والوصلات والخراطيم
ثالثا :مجموعة الدبرياج(الأسطوانه)
والله المستعان

[mustafavet]

السلام عليكم
اولا: خد هواء لدورة الدبرياج
ثانيا :اكشف علي ماستر الدبرياج والوصلات والخراطيم
ثالثا :مجموعة الدبرياج(الأسطوانه)
والله المستعان

شكرا يا استاذنا وان شاء الله هاخد بنصايحك
جزاك الله خير علي الرد

[tarek_2005]

كدا عندك مشكلة بمساتر الدبرياج بتهرب وخطر لانها ممكن تعملها معاك في مكان ووقت مش كويسين اكشف علي مسترين الدبرياج فوراً وغير التالف منهم

[mustafavet]

شكرا يا بشمهندس طارق
ياتري الماستر دا يتكلف قد ايه؟؟؟؟ ويتعمل في قد ايه وقت

[DEDOPETER]

الماستر الاعلى جبته بــ80ج نوعه فاليو كورى(علبه لونها أخضر) + علبه باكم وتم التغيير فى حوالى 20 دقيقه بــ40ج مصنعيه
[marq="3;right;3;scroll"]مع تمنياتى بحل المشكله [/marq]

[mustafavet]

الماستر الاعلى جبته بــ80ج نوعه فاليو كورى(علبه لونها أخضر) + علبه باكم وتم التغيير فى حوالى 20 دقيقه بــ40ج مصنعيه
[marq="3;right;3;scroll"]مع تمنياتى بحل المشكله [/marq]

طمنتني يا استاذ ديدو
جزاك الله خيرا

[tarek_2005]

والسفلي اعتقد ب 120 جم

[mustafavet]

انا روحت للميكانيكي امبارح ومعايا طقم الاصلاح بتاع الماستر العلوي والسفلي
بص علي زيت الباكم لاقاه كويس ومفيش نقص
قولتله الدبرياج لما بتحصل فيه الحركة دي بيبقي خفيف اوي تحت رجلي
قالي دي اسطوانه
ولو كان في مشكله في كاوتشة الماستر كنت هتلاقي نقص في الزيت
افيدوني بالله عليكم ايه الحل

[yyy]

انا روحت للميكانيكي امبارح ومعايا طقم الاصلاح بتاع الماستر العلوي والسفلي
بص علي زيت الباكم لاقاه كويس ومفيش نقص
قولتله الدبرياج لما بتحصل فيه الحركة دي بيبقي خفيف اوي تحت رجلي
قالي دي اسطوانه
ولو كان في مشكله في كاوتشة الماستر كنت هتلاقي نقص في الزيت
افيدوني بالله عليكم ايه الحل

دى مش اسطوانة...دة ماستر بيهرب وعلشان كدة لما بتكارك بيحضر ويشتغل تانى والزيت ما بينقصش علشان الماستر لسة فى الاول لو استنيت علية هايجيب زيت ..بص بيبقى فى كاوتشتين فى الماستر واحدة جوة ودى اللى باظت وواحدة برة ودى بتمنع تهريب الزيت لسة ما باظتش لو استنيت عليها شوية ها تجيب زيت وغالبا اللى بايظ عندك الماستر العلوى

[mustafavet]

الحمد لله تم اصلاح العيب وطلع طقم الاصلاح السفلي
الاعراض كانت ان الدبرياج خفيف لما العربية بتبرد
شكرا لمساعدتكم