استفسار ع السريع لخبراء الدايو،،،

[zooma181]

عربيتى دايو لانوس 2007 لما بفتح الكونتاكت عشان ادور العربيه جميع لمبات التابلوه بتنور ، ما عدا لمبة حزام الامان" مش بتنور "
ياترى ايه حد عنده حل للمشكله دى؟!!!!
فيه ناس قالتلى ان الموديل دا مفيهوش لمبه حزام الامان
ياترى ايه الصح ؟

[mailo]

هي العربية مفيهاش أي اختلاف خالص عن الموديلاة التانية

أنا معايا 2007 على فكرة

[mero100]

بص يا باشا ..... تحت الكرسي بتاع السائق حتلاقي فيشه و سلك ..... اكيد عندك الفيشه مفصوله ... ممكن من تنضيف السياره ... تتفك الفيشه دي .

[DEDOPETER]

[marq="3;right;3;scroll"]مــــــــتــــــــــابــــــــــــــع[/marq]

[zooma181]

اولا انا بشكرك على اهتمامك
بس للاسف انا بصيت عليها لقيتها متوصله وكلوا تمام
ياترى ممكن يكون فى عيب تانى زى فيوز مثلا مع العلم ان كل حاجه فى الرعبيه شغاله طبيعيه

[walaaeldeen]

السلام عليكم
في علبة الفيوزات الموجوده جنب رجل السائق الشمال بس علي الفيوز المسؤل
ومن الممكن تكون اللمبه محروقه
والله المستعان

[mailo]

تصدق إنت خلتني ابوص عليها عندي وطلعت مابتنورش فعلا
مع إني فاكر إنها كانت بتنور الأول

كده الفيوز أو الفيشة مهيسين وممكن اللمبة بتاعت التابلوه بس دي مستبعدة شوية

[mero100]

تصدق إنت خلتني ابوص عليها عندي وطلعت مابتنورش فعلا
مع إني فاكر إنها كانت بتنور الأول

كده الفيوز أو الفيشة مهيسين وممكن اللمبة بتاعت التابلوه بس دي مستبعدة شوية

طب ليه اللمبه مستبعده يا حوده؟؟....ممكن تكون محروقه و لا ايه رأيك ؟؟

[ahmed_mido1889]

انا عندي شغاله

بس بصيت في الكتالوج ما لاقتش اي اثر لفيوز مختص 99% اللمبه مش راكبه

[wael_power]

هل بتسمع صوت الزنة ال5 ثوانى لما بتدور العربية او مخلي وضع الكونتكت علي ONومش مركب حزام ولا لأ
لو بتسمع صوت الزنة يبقي اللمبة محروقه او مهزوزه في مكانها
لو مش بتسمع صوت الزنة لما تدور العربية وانت مش مركب الحزام يبقي limit switch اللي راكب في اللوك بتاع الحزام معلق و قافل الدايرة علي طول, ومطوب فحصه وتنضيفه او استبداله

[mailo]

طب ليه اللمبه مستبعده يا حوده؟؟....ممكن تكون محروقه و لا ايه رأيك ؟؟

أصل صعب قوي اللمبة تتحرق مش عشان حاجة معينة بس نادر لما اللمبات دي بتبوظ

انا عندي شغاله

بس بصيت في الكتالوج ما لاقتش اي اثر لفيوز مختص 99% اللمبه مش راكبه

ياحمد صلي عالنبي إنت اصلا معاك عربية من 10 سنين مادورتهاش اللا 7 مرات مثلا يابخت الجراج بيها

هل بتسمع صوت الزنة ال5 ثوانى لما بتدور العربية او مخلي وضع الكونتكت علي ONومش مركب حزام ولا لأ
لو بتسمع صوت الزنة يبقي اللمبة محروقه او مهزوزه في مكانها
لو مش بتسمع صوت الزنة لما تدور العربية وانت مش مركب الحزام يبقي limit switch اللي راكب في اللوك بتاع الحزام معلق و قافل الدايرة علي طول, ومطوب فحصه وتنضيفه او استبداله

هي مش المفروض الزنة دي بتاعت الطرمبة
إيه ال limit switch ده واوصله إزاي

[tarek_2005]

قصده علي صوت الشيم بل انذار التحزير من عدم ربط الحزام
واليمت سويتش مفتاح في الجراب الي بتحط فيه الحزام علشان ييوصل الدايرة ويطفي اللمبة

[wael_power]

هي مش المفروض الزنة دي بتاعت الطرمبة
إيه ال limit switch ده واوصله إزاي

مش قاصدي صوت الطرمبة انا قصدي صوت تحزيري (صفارة بتشتغل وتفصل 5 ثواني)لو مش رابط الحزام ودورت العربية
اليمت سويتش مفتاح زي مفتاح نور التلاجة مع اختلاف شكله ونفس الوظيفة , لما بيدخل الحزام في الجراب بيدوس علي المفتاح ويطفي اللمبة وذنان التحزير زي ماقال البروف طارق بيه

[mailo]

لو الصوت شغال واللمبة مش منورة يبقى غالبا باظت
بس اشمعنا هي يعني أنا مش عارف ماكل اخواتها شغالين

أنا امبارح جربت و ادت انذار بتاع الحزام واللمبة مانورتش
يوم السبت أنا وميدو إن شاء الله هانشوفلها حل هي وشوية حاجات تانية

والدعوة عامة

[Khaled Lanos]

انا شاكك ان في مشكلة في البلاستيكة اللي بيدخل جواها الحزام يمكن تكون معلقة ولا حاجة.

عموما أنا اللمبة شغالة عندي زي الفل.