صيانة دورية علي السريع

[besso33]

يوم الجمعة اللي فاتت بعد ما صليت الجمعة نزلت علي عربيتي ( نوبيرا مانيوال2005 ) شمرت عن سواعدي وقولت اعمل شوية صيانة دورية للعربية قمت مغير لها الاتي
- فلتر بنزين جي ام اصلي ب 40 جنيه
- فلتر هواء جي ام اصلي ب 45 جنيه
- سلك بوجيه انرجي كوري ب 40 جنيه
- بوجيهات ان جي كي بلاتينيوم ب 100 جنيه
- تم سحب زيت الفرامل اللي موجود في الخزنة بواسطة سرنجة 5 مللي وملائتها تاني بزيت بندكس دوت ثري ب 20 جنيه
- وروحت علي بتاع الزيت وغيرت زيت شل احمر ب 72 جنيه وفلتر زيت الماني ب 20 جنيه
-ثم روحت علي البنزينة اشتريت منظف رشاشات اس تي بي ب 33 جنيه وحطيته في التانك ثم فولت العربية ببنزين 92 وقولت امشي علي طريق سريع واجرب العربية ،، قومت رايح علي طريق الواحات وبصراحة اللي شوفتوا من العربية مكنتش متخيله خالص
ايه اللي حصل ؟
ايه اللي حصل ؟
حسيت ان دي مش عربيتي ، السواقة بيها بقت ممتعة خالص والعربية بقت من اقل لمسة سحبها بقي رائع والدوارة من اول تكة بتدور مع نعومة ملحوظة جدا في صوت الموتور

[tahaderaz]

مبروك على الصيانة السريعة دى وفعلا العربية على قد ما تديها تاخد منها

[tarek_2005]

كنت حطيت منظف الرشاشات قبل تغيير الفلتر بتاع البنزين وكنت غيرت فلتر البنزين بع اما رجعت

[mostafa mahmod]

- تم سحب زيت الفرامل اللي موجود في الخزنة بواسطة سرنجة 5 مللي وملائتها تاني بزيت بندكس دوت ثري ب 20 جنيه

ايوه ازاى بقى علشان انا عايز اعمل الموضوع ده

كنت حطيت منظف الرشاشات قبل تغيير الفلتر بتاع البنزين وكنت غيرت فلتر البنزين بع اما رجعت

وضلحلنا وجهه نظرك يا طارق باشا

[besso33]

ايوه ازاى بقى علشان انا عايز اعمل الموضوع ده

الموضوع ببساطة ان حضرتك تجيب سرنجة 5 مللي وتسحب بيها زيت الباكم من خزنة الزيت لغاية ما تفضيها خالص وبعد كده تنشفها كويس وبعد كده تحط الزيت الجديد لغاية علامة الماكس بس خللي بالك ان انا بكده مغيرتش كل الزيت بتاع الفرامل انما غيرت نسبة كبيرة اوي منه

بالنسبة لكلام الاستاذ طارق اعتقد انو بيقصد ان منظف الرشاشات كنت استعملته مع الفلتر القديم علي اساس ربما يكون ليه تأثير علي الفلتر وبعد ما امشي بالعربية لغاية ما التانك يفضي ابقي احط الفلتر الجديد والله اعلم

[Kefo_Honda]

العربية بتحس بإهتمام صاحبها فعلا...

[memofree]

سؤال
هو مش المنظف بتاع الرشاشات ده بيتحط على تقريبا 15 لتر و نمشى نخلصهم عشان غلط انه يترك فى التنك و المواسير
؟

انا قرات الكلام ده فى الموقع بس موش فاكر فين
هل ده صحيح

[mostafa mahmod]

سؤال
هو مش المنظف بتاع الرشاشات ده بيتحط على تقريبا 15 لتر و نمشى نخلصهم عشان غلط انه يترك فى التنك و المواسير
؟

انا قرات الكلام ده فى الموقع بس موش فاكر فين
هل ده صحيح

فى موضوع الاستاذ عصام غنايم

http://www.nilemotors.net/Nile/180488-a.html

[Citrooh]

تمام احلا حاجة انك تهتم بالحاجة وتحافظ عليها بتحس بيك وهتحافظ عليك ان شاء الله :)

[JAM]

تمام أوى.. وبصراحة بتحس بعديها ان العربية بتقلك ......... شكرآ يا عسل