استفسار مهم بخصوص هوايات التكييف

[towfeq]

السلام عليكم يا شباب
في مفتاح موجود في كونسول التكييف له وضعين اللي هما اما يدخل هواء من برة العربية او يقلب الهواء من جواها..طبعا انا مختار وضع تقليب الهواء الداخلي من جوة العربية
دلوقتي لو انا ماشي بالليل مثلا و مش مشغل التكييف اصلا ولا حتى مشغل المروحة ولا حاجة.وقافل زجاج العربية كمان..هل طبيعي ان هوايات التكييف تدخل هواء نتيجة اني ماشي بالعربية بسرعة نتيجة اندفاع الهواء حتى مع وضع تقليب الهواء الداخلي ولا المفروض ان فى كل الظروف هوايات التكييف مش تدخل هواء من برة الا لما اغير وضع المفتاح ده..
وشكرا

[tarek_2005]

كدا الواير بتاع المفتاح ده مقطوع والبوابة عندك مفتوحة علاطول اكشف علي الواير بتاع مفتاح الريسيكل

[towfeq]

شكرا يا طارق على الرد..
هو طقم الويرات عموما متوفر ولا شحيح في السوق..و بكم تقريبا
الطقم كله بتاع مفتاح ال mode و بتاع ال recycle يعملوا كم..
و شكرا يا طارق

[tarek_2005]

اخر مرة جبته من ابو الحسن ب 60 جم وطبعاً كل شهر بيزود 10 جم عليه

[mailo]

كدا الواير بتاع المفتاح ده مقطوع والبوابة عندك مفتوحة علاطول اكشف علي الواير بتاع مفتاح الريسيكل

أنا عندي الوير سليم والعربية بتعمل كده بس على سرعة اعلي من 120
معرفش الهوا ده بيجي منين بس مش هو ده السبب أكيد, والهوا ده بيبقى دافي وطالع من الهَوايا اللي جنب الباب بتاعي بس

شكرا يا طارق على الرد..
هو طقم الويرات عموما متوفر ولا شحيح في السوق..و بكم تقريبا
الطقم كله بتاع مفتاح ال mode و بتاع ال recycle يعملوا كم..
و شكرا يا طارق

طقم الوايرات متوفر عند أبوالحسن بس طبعا زي ماطارق قال كده ابتدى يزودها حبتين
دلوقتي سعره 75 جنيه

وبيبيعوا كله مش بيبيع واحد لوحده

أنا اللي بايظ عندي المود بس ممكن اديلك الريسيكل لو عايز بدل متشتري الطقم كامل

وياريت نعمل الموضوع ده كتير يا جماعة
يعني مثلا أنا محتاج دلاية يمين والطقم كله مع بعضه ممكن أشتري الطقم مع حد محتاج الشمال
كده يعني

[towfeq]

السلام عليكم
جزاك الله خير يا مايلو و ربنا يبارك ليك
انا على فكرة بردو موضوع الهواء بيدخل عندى و ابدء احس بيه من اول 100 كم/س
بس بيكون داخل من كل الفتحات ... و طبعا كمية الهواء بتزيد مع زيادة السرعة
بس سالت ناس قالو ليا ده عادي و طبيعي بس لما بتشغل التكييف او المروحة الهوايات بتجيب بس الهواء بتاع التكييف...ده كان كلامهم..هل فعلا الهوايات و الهواء اللي داخل منها مرتبط بتشغيل التكييف ولا ملوش دعوة..

و هل كده انا فعلا محتاج واير الrecycle ؟
و شكرا مرة تانية ليك يا مايلو و ربنا بيارك ليك في حاجتك
وشكرا لطارق و كل الاخوة

[Ra7manoof]

طيب ممكن طريقة تغيير الواير لو فيه مجال لو سمحتم

[ahmed_mido1889]

بتفك درج التابلوه وتضغط بطرف بنسه علي البنز الي راكب فيه الواير

وتفك الكونصول بتاع التكيف اللي في النص وعند ضهر المفتاح بنفس طريقه فك التاني

بتركب الجديد كبس في الناحيتين وتركب درج التابلوه

[walaaeldeen]

السلام عليكم
ممكن لو فيها رخامه صور لموضوع فك الوايرات لزيادة التعليم
والله المستعان

[Ra7manoof]

السلام عليكم
ممكن لو فيها رخامه صور لموضوع فك الوايرات لزيادة التعليم
والله المستعان

وأنا كمان مع الفكرة ده لو فيه حد يتكرم ويعمل الموضوع ده لو سمحتم

[ahmed_mido1889]

للاسف مكنتش مصورها في تغيري للوايرات