حساس السرعة ؟؟

[megadeath]

انا عربيتى لانوس 99 اتوماتيك فى الفترة الاخيرة لاحظت ناس بتكلم عن حساس السرعة و كنت فاكر انه هوهو حساس tps لكن فوجئت بعكس كده
و انا بصرحة عايز افهم و اعرف ايه حساس السرعة و مكانة فين و وظيفتة ايه ؟ و ده فى الاتوماتيك و لا فى المنوال و لا ايه
وشكرا

[ahmed_mido1889]

حساس السرعه بيبقي مسئول عن تحديد السرعه السياره بارسال اشاره للكنترول ومن ثم الكنترول يرسلها الي العداد وتسطتيع معرفه سرعه السياره

ويوجد في الفتيس من الخارج

ويوجد في كل السيارات

[megadeath]

يعنى كل مهمتة ان يدى قراءة على عداد السرعة علشان تعرف سرعتك ايه
صح و لا ان غلط ؟

[ahmed_mido1889]

بالظبط

[megadeath]

يعنى تلفة مش ياثر على سحب العربية ؟

[tarek_2005]

غلط لانه بيحدد نسبة الخلط للشحنة داخل الغرف وبيعلي المحرك في حالة التحرك وانتا ممور العربية وبيدي القرائة بتاعة العداد

[megadeath]

الف شكر يا طارق بك دايما تعبينك معنا بس ملناش غيرك .... بس ممكن اعرف مكانة فبن بالظبط و يسلام لو بالصور زى معودتنا معلش لازم ندلع على حضرتك شوية

[tarek_2005]

ولا تزعل اهية السلكة الي راكبة فيه



وهرفعلك صورته بالكامل بعد قليل

[megadeath]

الف الف شكر يا طارق بك و ربنا يخليك للمنتدى

[tarek_2005]

يعنى تلفة مش ياثر على سحب العربية ؟

ينور لمبة التشك ويبرجل الموتور ويخرج حريق ني ويهدر بنزين

[hugan]

متابع

[biomedo]

ينور لمبة التشك ويبرجل الموتور ويخرج حريق ني ويهدر بنزين

ويدي قراءات خاطئه للسرعه

[amrelsaqqa]

ممكن صورة للحساس وسعره
وهل هو فكرته زي حساس الـ abs ولا بنظام الـ hall effect

عشان انا عندى دايرة الكترونية عايزة حساس سرعة وبفكر اجيب بتاع العربيات

لو حد عنده فكرة اكون شاكر ليه جدا

[megadeath]

ولا تزعل اهية السلكة الي راكبة فيه



وهرفعلك صورته بالكامل بعد قليل

طارق بك ان مش عارف الصورة ده تبقى فين فى العربية بالظبط معلش استحملنى

[Formulator]

ممكن صورة للحساس وسعره
وهل هو فكرته زي حساس الـ abs ولا بنظام الـ hall effect
عشان انا عندى دايرة الكترونية عايزة حساس سرعة وبفكر اجيب بتاع العربيات
لو حد عنده فكرة اكون شاكر ليه جدا

لو قصدك على حساس السرعة بتاع الـSpeedo اللى بيركب فـ الجيربوكس أو الـDrive-Shaft..
- ده بيبقى Magnet و Magnetic Field-Sensor وبينهم ديسك مسنن، بيغير فـ المجال بتاع الماجنيت كل ما يلف أسرع.. فـ الـSensor بيقرا الـPulseــات دى، ويترجمها لعدد لفات تروح input للـTCU/ECU.

لكن لو قصدك على حساس الـTPS،
- هو ده اللى بيشتغل بالـHall Effect.. الـMagnet بتبقى راكبة على الإبرة بتاع الـThrottle بتتحرك مع البوابة من Zero لـWOT،
والحساس الـHall Effect-Sensor بيبقى راكب على الـThrottle-Body نفسه (ثابت)..
مع حركة البوابة بيغير فـ الـMagnetic-Field والحساس الـHall-Effect بيقرأ الـVolt الناتج عن تغيير المجال، وبيديه input للـECU.
الجزئية اللى مش واضحة عندى أوى،
النوعية دى من الحساسات تفرق أيه عن الـPotentiometric-Sensor بتاع دواسات البنزين الكهرباء (الـDrive-by-Wire) أو الـElectronic Throttle body..؟؟!!!

Regards،