اعراض البنزين المشوش

[towfeq]

السلام عليكم
ازيكم يا رجالة
الا مفيش حد منكم ربنا يكرمه و يطلع تحت بيتهم بير بترول و نطلع منه بنزين بدل البهدله دي
ما علينا
فولت من بنزينة موبيل اللي على طريق الواحات في اكتوبر و من ساعتها العربية ركبها عفريت..تنتيش و قرف في اول المشي بالعربية..يمكن بعد شوية التنتيش بيقل بس بيبقى موجود بردو على خفيف..

ف عايز اعرف ايه اعراض البنزين المضروب و كده يبقى عليه ميه ولا ايه
...ولا العربية هى اللي زعلانة شوية..مع ان البوجيهات جديدة من شهرين..والعربية لحد التفويلة الزفت دي كانت كويسة ماشاء الله و الصبح بيتدور علطول..
ولو البنزين مغشوش ولا علية ميه اعمل ايه...
ربنا يكرمكم ببير بترول قدام بيت كل واحد...

[towfeq]

تقريبا انا كمان اتاثرت بالبنزين و غلطت في كتابة العنوان
مغشوووووووووووش

[hugan]

اكيدمغشوش
في الوقت الحالي مش هاتقدر تغيره
وتفضي التانك
مفيش بنزبن

[abduo882000]

باشا البنزين المغشوش بيبق لونة متغير يعنى مثلا ال90 لونة اخضر فاتح وال 92 اخضر غامق
وطبعا الاداء بتاعة وبيمشيك كم كيلو في الصفيحة

[towfeq]

سلام عليكم
يعني التنتيش ده يا جدعان من اعراض البنزين المضروب ده ولا ايه ؟؟
انا بحاول افرض كل الاحتمالات
و لازم التنك يتفضى ولا ايه ؟؟
و التنك ليه طبه البنزين ينزل منها ولا لازم افك الكنبة بقى وافك التنك كله والحوارات دي ؟؟
يعنى ممكن البوجيهات مثلا...او فيه بوجيه فاصل والعربية متلتة
بس العربية بتدور عادي جدا الصبح..

فكروا معايا الله يجعل قدام بيت كل واحد فيكو محطة بنزين ملاكي

[towfeq]

ايه يا جماعة....السؤال بسيط والله..هل تنك اللانوس في طبه عشان انزل البنزين اللي فيه ولا لازم افك التنك نفسه و كده...
ده شكل البنزين مش ماثر عليا لوحدي

[abduo882000]

باشا التسقيف غير التنتيش
التنتيش بيبق من البوجيهات شيك عليهم كدا
وعادي متقلقش مش هياثر الا على الاداء بس حاول لما تنقص تفولها تانى من مكان مضمون

[modyegypt]

انا فولت 90 من بنزينة مبحبهاش لانها عطلت العربية من وسخ قبل كدة
ونظرا للأزمة فى الفترة اللى فاتت حطيط غصب عنى لانها مش هتمشى بمية
والمهم فول وعلشان ارضى ضميرى قلتله حطلى شوية فى جيركن .
المفاجأة
مية سودة .؟؟؟ دة اية يا عم اللى انت حطيتة دة فى العربية
الارجل وشة اتغيير وقالى هو جاى كدة مش الشركة ....
العربية اتفولت...؟ الغريب انة ما بيسقفش ولا لية اى اعراض غير البطء العام
البنزين لو علية مية او شوائب العربية بتنتش وعلى اى سرعة وعلى اى غيار ..وفى بنزينات مشهورة بكد ة

[abduo882000]

حسبي الله ونعم الوكيل
البنزين ال90 بيبق لونة اخضر فاتح وغير كدة يبق مغشوش وبتلاحظ علية انه بيطير كمان