العربيه بتسخن

[msobhy]

افيدونى - افادكم الله
كالمعتاد اللانوس الظريفة بترفض نهائيا انها تريحنى فى اى موقف
العربية دلوقتى بتسخن والامبير بيعلى جداوبعد كده يبدأ ينزل لواحده خصوصا لو اتجننت وقرريت اشغل التكييف - يا ترى ايه السبب
مع العلم انى لسه ظابط دورة التبريد ومفيش اى تسريب والتقليب كويس

[semsem_saad]

حاجتين أسط من بعض ممكن تبص عليهم ...
1 غطاء القربة أوقات وعادتا هتلاقية بايظ وبيدخل هوا للعربية
2 ترموستات الكوعة إحتمال يكون مقفول

[tarek_2005]

بتقول الامبير بينزل لو شغلت التكييف
صح ام خطاء

[msobhy]

حاجتين أسط من بعض ممكن تبص عليهم ...
1 غطاء القربة أوقات وعادتا هتلاقية بايظ وبيدخل هوا للعربية
2 ترموستات الكوعة إحتمال يكون مقفول

انا لسه مغير الكوعه ومرعوب من الاحتمال ده - ربنا يستر

[msobhy]

بتقول الامبير بينزل لو شغلت التكييف
صح ام خطاء

العكس يا افندم
لما بشغل التكييف الامبير بيعلى جامد وطبعا العربية بتبدأ تسقف معايا زى ما اكون حاطط بنزين 80 - مع العلم انى حتى مش بحط 90 وعلى طول 92

[MMamdouh]

طلمبة المية اخبارها ايه؟

الرادياتير سالك؟

دورة التبريد فيها مية خضراء؟

MMamdouh

[tarek_2005]

غالباً من كلامك الثرموستات بتاع الكوعة الجديد شكله تالف

[msobhy]

طلمبة المية اخبارها ايه؟

الرادياتير سالك؟

دورة التبريد فيها مية خضراء؟

mmamdouh

طلمبة الميه نسبيا شغاله كويس والدليل على كدا لما بفتح الغطاء بشوف اندفاع الماء من ناحية الموتور وان كنت شايفه ضعيف شوية

الرادياتير سالك ولسه عامله مع الكوعة

دورة التبريد فيها مياه خضراء من بتاعة كارفور ونسبيا انا مقتنع بيها وفعلا شايفها كويسه

[msobhy]

انا شوفت سواد امبارح والنهارده ما شوفتوش قبل كدا
نبدأ الحكاية من الاول
رحت لمحمد عبده - أو محمد عياد شوفى انتوا بتسموه ايه
المهم اول لما شاف العربية قال لى ده حساس حراره- قلت له معقوله انا كنت متصور انه حاجه فى دورة التبريد - قالى هانجرب ونشوف
غيرنا الصباع وجربنا وطبعا انا شايف ان العربية مش مظبوطه ومحمد مصر انها اتظبطت
المهم قلت له انى شاكك انها ترموستات الكوعه رد وقال .................... لأ ترموستات الكوعه سليمه ................*
المهم قال انه عايز يتأكد من طرمبطة الميه - برضو مشية معاه للأخر وكان معايا طرمبة احتياطى - طبعا الطرمبة نزلت 100 حته لكن شكلها بيقول انها سليمه 100% - المهم برضو العربيه زى الزفت والمراوح مش بتفصل والتصقيف الله ينور .
.
المهم محمد قال لى ان التصقيف سببه طرمبة الكرنك علشان اللى عندى القديمة وديه وزنها تقيل - وهو نده واحده خفيفه هاتحل المشكلة - ماشى يا محمد ركب ونشوف
بعد التركيب مفيش اى تأثير والعربية زى الزفت - المهم انه فضل يأكد ان العربية مظبوطه - سيبته ومشيت وانا مضروب 100 جزمه
.
.
كله كوم واللى حصل النهارده كوم تانى
الصبح وانا ماشى بالعربية فعلا حاسس انى راكب عربيه غريبه ومش بتاعتى وستر ربنا ان مكنش عندى مشاوير كتيره النهاردة
على الساعة 5 عصرا كدا كان عندى مشورا لمدة 10 دقائق بالعربية - العربية سخنت قوى - كلمت محمد عبده وقلته ان العربية لسه بتسخن وهاجيلك
المهم انا ساكن فى المريوطية وعبده فى شارع العشرين فيصل - روحت له فى 3 ساعات مقفوله
العربية سخنه بغباء وامبير الحرارة بيقفل عند الريد زون والدنيا طين واول لما وصلت شارع العشرين تقريبا زقتها لواحدى لغاية عنده
طبعا طلع ترموستات الكوعه اللى طلبت منه امبارح اننا نشوفه وهو اكد ان المشكله ملهاش علاقه بيه
غيرنا الترموستات ............... فى داهي الترموستات ................. يعنى هيه هاتيجى على الترموستات
جرب عربيتك يا معلم - العربية بطة بلدى بتصقف ومستنيه حد يرقصلها
تصقيف بشع زى ما اكون حاطط فى التانك ميه مش بنزين
للتذكره انا بحط 92 مش 90
ماشى يا عم محمد - شيل وحط - جرب وهات - اقفل وافتح - فى النهاية
العربية فيها حاجة مش صح ولازم تتحط على الاسكانر
ومشيت من عنده والعربية بتتحرك بالعافية - وغطاء سير الكاتينة بيخبط - والكاتيره اللى تحت السيور تقريبا مربوطه بصاموله واحده وبتحك معايا فى المطبات
انا فعلا نفسيتى زى الزززززززززززززززفت
خاصة انى لسه مظبط أم التكيف واستكمالا للزفت هو كمان بااااظ - مع العلم انه امبارح كان تلااااجه بمعنى الكلامة

[ahmed_mido1889]

ممكن تفك الريدراتير من العربيه وتغسله بميه بخل من بره

علشان عندي احساس ان المراوح مش بتبرد الريدراتير نفسه

نضفه من بره ونزل كل اللي عليه

[msobhy]

اللى انا شايفه ان الموضوع كله طلع من ترموستات الكوعه والموضوع خلص
لكن المصيبة فى كتمة العربية والتسقيف
محمد عبده بيقول انها موبينه أو حساس الكرنك
وواحد صاحبى بيقول انها بسيطه وفيه حاجه اسمها قاعدة الكرنك عايزة تتظبط
مش عارف بجد الصح فيييييييييييييييييين؟

[ahmedteam]

جربت تحط العربيه على سكانر؟

[tarek_2005]

بتقول غير طمبورة الكرنك رجع القديمة واتاكد من (( الخابور بتاعها )) علشان ده لو فيه بوش هيموت سحب العربية

[msobhy]

بتقول غير طمبورة الكرنك رجع القديمة واتاكد من (( الخابور بتاعها )) علشان ده لو فيه بوش هيموت سحب العربية

والله انا مكنتش مطمن لموضوع الطمبورة ده - لكن هو فضل يقنعنى انها هاتزود السحب بشكل مهول - طبعا كل الكلام ده فى الهوا
ربنا يسهل هاخلص شغل واطلع عليه على طول ان شاء الله وفعلا هارجع القديمة

[FAR!D]

طلمبة المية اخبارها ايه؟

الرادياتير سالك؟

دورة التبريد فيها مية خضراء؟

mmamdouh

+11111111111111111