لانوس 1 السحب بقى ضعيف وبتبرجل مع الحرارة

[sherifbmw]

عملت نصف عمره للموتور طقم شمبر و كاوتش صبابات ، العربيه بقى عزمها ضعيف حاسه زى الموتور الكامة .
غيرت الموبينا - بوجيهات 1 شمعة دينسن يابانى - سلوك بوجيهات - كونترول - طرمبة بنزين - متحلتش المشكله - نضفت الرشاشات اتحلت المشكله بتاعت التقطيع والبرجله سواء العربيه بارده او سخنه ، لكن العزم مش زى الاول برده - مشيت لحد حالا 400 كيلو من بعد النصف عمره دى .
لما بشغل التكييف وتسخن بلاحظ العزم بيقل شويه عن الطبيعى حاسس العربيه بتكن فجأه ومكتومه ، و ف العادى مكتومه برده ، وساعات مع الحراره ادوس بنزين مره واحده احس بان الصوت طالع مقطع مش صافى ، ايه ممكن اوجه نظرى ليه انى اغيره يكون كاتم العربيه ف المشى ؟

[Eng.Geo]

لمبة check منورة ؟
هي عربيتك أنهي موتور ؟

[tarek_2005]

عيد علي ظبط الكاتينة وعيد الرباط علي مسامير وش السلندر واخبار الروديه الي اتعمل ايه طبع برة ولا سابه يطبع بعد الدوارة

[sherifbmw]

لمبة الcheck عندى بتبقى كلمة service بس مش منوره هيا المكنة الاستيراد ال twin cam

[sherifbmw]

الميكانيكى الى بعمل عنده الشغل كويس معتقدش يكون فاتته وش التقسيمة ف المكنه لانها ف الدوارة كويسه مش مهربه - ووش السليندر تمام مع الجوان زى الفل - والعربيه كانت دايره يومين بعد ما قفل المكنه ، الجديد انى نضفت الرشاشات ياجماعة بالاسبراى w4 تقريبا اسمه كده و حطيت سائل التنضيف ده ماركة ابرو الامريكى عامل 35جنيه من البنزينه وفولت بحط 92 من اول ماجبتها ، والعربيه بقالها معايا يوم اهوه كامل مفيش اى برجله ولا تتليته ، مشكلتى حالا ف كتمه العربيه بس ، عديت ع الميكانيكى باليل قالى من الديسك والاسطوانه ، وانا ناوى اغيرهم يوم الجمعة عشان بدال الدبرياج تقيل اوى عامل زى بتاع الشاهين ، ايه رايكو ف الكلام ده

[sherifbmw]

تفتكر يا مستر طارق اسطوانة الدبرياج والديسك هيظبطو الكتمه دى فى المشى او الجرى بالعربية ، وقالى علبه البيئة ملهاش دعوة كانت هتدى نتايج تانيه غير الى بشتكى منها لو بايظه ! كان فدماغى لو البيئه بايظة اشيلها واحط ماسورة

[tarek_2005]

احتمال طقم الدبرياج يكون هوا المشكلة
اخبار فلتر الهواء بتاعك ايه

[lanos2004]

ديسك واسطوانه مالهوش علاقه بكتمه العربيه-على ما اعتقد

الكتمه فلاتر-بوجيهات -طرمبه
ضعيفه-سير كاتينه قرب ينتهى -حساس بايظ او قرب يودع

[tarek_2005]

ديسك واسطوانه مالهوش علاقه بكتمه العربيه-على ما اعتقد

الكتمه فلاتر-بوجيهات -طرمبه
ضعيفه-سير كاتينه قرب ينتهى -حساس بايظ او قرب يودع

كله تمام عدا الي بالازرق يا ابو حميد

[lanos2004]

الي بالازرق دة حصل معايا

[engwael]

انا حصل معايا نفس اللي حصل معاك وانا شاكك فعلا في الاسطوانة خصوصا ان صوت العربية بقي عالي بس مش هاغيرها دلوقتى وياريت لو غيرتها وفرقت معاك ياريت تقولي

[sherifbmw]

انا هغير الجمعة الجاية ان شاء الله الاسطوانة والديسك وبليه دبرياج و هشوف الفرق لان الدبرياج تقيل اوى قارفنى عامل زى بتاع الشاهين ، بالنسبه للسيور جديده و سلك البوجيهات جديد و البوجيهات واحد شمعه يابانى كله غيرته ، بس ياريت ياجماعة توجهو نظرى للحساسات الى ابص عليها عايزه تتنضف بال w4 او اغيرها او اعرف ان فيها مشكله ازاى.

[sherifbmw]

فلتر الهواء جبته جديد من يومين

[MMamdouh]

مفيش حساسات بتتنضف

الايدل بيتنضف بس مبيفرقش فى اداء العربية خالص

MMamdouh

[sherifbmw]

طب ياجماعة اجرب ايه تانى وانا عند الميكانيكى انا حاسس ان علبة البيئة كاتمة العربيه اشيها واجرب احط ماسورة واشوف سحب العربيه هيفرق ولا لاء ! شاكك فيها خصوصا العربيه كانت بتجيب دخنه بيضا قبل النصف عمره دى ، وكمان الزيت كان بينزل ف الشكمان من المكنه كانت بتدخن ممكن تكون مسدوده ؟