بخصوص مسح كاوتش الابواب بماء ساخن

[amrzedan]

كان فيه عضو بالمنتدي كان قال ان معالجة زقزقة الببان بتاعة العربية بانك تمسح كل ما هو كاوتش بابواب العربية بقماشة مبلولة بمية سخنه
وانا عايز اعرف قبل ما اعمل كده هل ده مايخليش الكاوتش ينشف بعد كده من المية السخنه والا انا اعتقادي غلط
وشكراااااااااااااااااا

[Medo.Malek]

ممكن توضيح المية السخنة المفروض هاتعمل اية ؟
و ممكن توضيح اكتر للمشكلة ( الزقزقة ) تقصد بيها اية ؟ :)

[amrzedan]

المية السخنة هتمسح بيها كاوتش الببان بقماشة مبلولة بالمية السخنة علشان الكاوتش يطبع
والزقزقة دي مش عارف اوصفها بس طول ما العربية بتتمرجح وانت ماشي بلاقي صوت تزييء من عند الببان من ناحية قفل الباب مش من ناحية الفصلات ومش عارف التزييء ده بلاستيك ولا حديد

[khaled_2011]

اعتقد الزقزقه دى من الفبر اللى فى الباب

[amrzedan]

طيب اعالجه اذاي حد يقولي

[Medo.Malek]

المية السخنة هتمسح بيها كاوتش الببان بقماشة مبلولة بالمية السخنة علشان الكاوتش يطبع
والزقزقة دي مش عارف اوصفها بس طول ما العربية بتتمرجح وانت ماشي بلاقي صوت تزييء من عند الببان من ناحية قفل الباب مش من ناحية الفصلات ومش عارف التزييء ده بلاستيك ولا حديد

اول مرة اعرف موضوع المية السخنة ده .. بس اصلا الجو فى الصيف بيبقى فرن بلدى يعنى مش بس الكاوتش هايطبع ده ممكن يجيلو تسلخات كمان ! D:
ممكن موضوع المية السخنة ده فى الشتاء يبقى منطقى شوية
بالنسبة للتزييق فا ده فى الغالب نتيجة تركيب فرش للابواب او فرش الباب الاصلى بتاع العربية محتاج يتربط او يتحشى عشان يمنع التزييق ده لكن معتقدش من الكاوتش
لان لو من الكاوتش كنت هاتسمع صوت خبط او تصفير من الباب و الازاز لما تفتحهم و تقفلهم
و الله اعلم

[amrzedan]

اولا والله مانا صاحب فكرة المية السخنه ده انا باسأل عليها ذيكو
ثانيا ايه حكاية حشو الباب دي اذااااااااااااااااااااااااي

[ahmed_mido1889]

ايون انا جيييت

الفكره ان الكاوتش مع الميه السخنه بيريح ويبتدي يفرد تاني

وانا عملتها في عربيتي من سنه ونص

الكاوتش ما شققش الفكره انك بتبقي ماشي بالقماشه مبلوله وبتضغط علي الكاوتش علشان يفرد براحته

وكان في عضو بيشتكي من الموضوع ده في سيراتو وعمل زي ما قولتله والتزييق راح

[amrzedan]

ايوه
هو ده صاحب الفكرة
ولست انا
يا مرحب بيك يا مرحب

[ahmed_mido1889]

http://www.nilemotors.net/Nile/178360-a.html

اهو الموضوع

[Medo.Malek]

اولا والله مانا صاحب فكرة المية السخنه ده انا باسأل عليها ذيكو
ثانيا ايه حكاية حشو الباب دي اذااااااااااااااااااااااااي

انا بهزر على فكرة بخصوص موضوع المية .ومقصدش اسائة لحضرتك او لصاحب الفكرة انا برضه معرفش عنه حاجة :) و منتظر حد من رجالتنا ينورنا
بالنسبة للابواب على حسب تجربتى مع العربية القديمة بيفك الفرش بتاع الباب و بيحشيهولك من جوة بماده كده للاسف مش عارف هيا اية ( اسفنج ولا فلين ولا اية )
عشان يدى للفرش سمك زيادة يقوم لما يجى يربط المسامير و يركب .الفرش يتضغط و ما يطلعش اصوات
مش عارف الفكرة وصلت ولا لا
و ملحوظة برضه لازم اقولها للامانة
الفرش بتاع العربية القديمة كان عبارة عن لو ح خشب متغلف بالجلد الطبيعى :)
و مش عارف موضوع الحشو ده بيتعمل فى الفرش البلاستك او الفيبر ولا لا

[amrzedan]

يا عم انا كمان بهزر ومزعلتش ولا حاجه احنا كلنا هنا اخوات

[ENG\AHMED]

هل الصوت بيرجع تانى ؟؟
لأن عندى نفس المشكلة من كاوتش الباب وبعمل الكاوتش بفازلين الصوت بيختفى فترة ويبدأ يظهر تانى على خفيف

[ahmed_mido1889]

لحد دلوقتي ما ظهرش معايا تاني

[mostafa mahmod]

متهيالى نفس فكره بتوع التلاجات لما بينشف كاوتش الباب بيعملوها بميه سخنه
بس ده من البروده بتاعت التلاجه انما العربيه مش عارف بقى