هل فعلاً مطلوب تغيير السوائل دى كل سنة

[asom_6]

العربية دلوقت كملت سنة والمفروض ليها صيانة لأن أنا ماشى مع التوكيل فى الصيانة على الشهور مش الكيلومتر لأنى مش بلحق أجيبه مع الأستعمال الخفيف للعربية والأعتماد على عربية الشغل.

طيب وأنا بقلب فى كتيب الضمان لقيت فى صيانة السنة نوعين من السوائل واجب تغييرهم :-
1- سائل تبريد المحرك (تغيير كل 40000 كيلو أو سنة أيهما أقرب)
2- زيت الفرامل والدبرياج (تغيير كل 30000 كيلو أو سنة أيهما أقرب)

فهل لازم التزم بتغيير السائلين دول بعد مرور سنة عليهم دلوقت مع العلم بان العربية يادوب عامله 8000 كيلو وهى لانوس 2011

ولا ينفع انتظر شوية عليهم ولغاية أمتى ... وشكراً مقدماً لحضراتكم

[swimmer25]

أنا عندي عدي عليهم 4 سنين ومغيرتهمش - عاملة 28 الف...بس المشكلة هتكون
1- ضعف الفرامل مع الوقت بس هيكون فيه فرامل برده وعشان كده هتفضل تحس دايما انك مش محتاج تغيرهم....بس الفرامل دي مهمة جدا ولازم يتغير

2- تقل الدبرياج...مش متاكد ده من الزيت ولا لا

3- مع الوقت هتكتشف ان لون مياه الردياتير بتتغير للون البني مع الاخضر...معني كده انه اتكون صدا....العربية مش هتسخن بس الردياتير مع الوقت حالته بتتدهور....يفضل تغير المياه

[asom_6]

أنا عندي عدي عليهم 4 سنين ومغيرتهمش - عاملة 28 الف...بس المشكلة هتكون
1- ضعف الفرامل مع الوقت بس هيكون فيه فرامل برده وعشان كده هتفضل تحس دايما انك مش محتاج تغيرهم....بس الفرامل دي مهمة جدا ولازم يتغير

2- تقل الدبرياج...مش متاكد ده من الزيت ولا لا

3- مع الوقت هتكتشف ان لون مياه الردياتير بتتغير للون البني مع الاخضر...معني كده انه اتكون صدا....العربية مش هتسخن بس الردياتير مع الوقت حالته بتتدهور....يفضل تغير المياه

متشكر لحضرتك على المشاركة المهمة ... والتلات اسباب اللى حضرتك ذكرتهم دول اكتر من كافية تماما للاسراع بالتغيير

شكرا مرة اخرى

[blazer]

سائل الردياتير اغلب العربيات بتقول بعد سنتين مش سنه
وزيت الفرامل برده سنتين مش سنه
راى متغيرهمش دلوقتى

[ahmedsamir5edr]

بعد سنتين زيت الفرامل .. و بعد تلاته سنين سائل التبريد .. وفر فلوسك يا باشا و وقتك .. مش هتحس بفرق لانها مش محتاجه

[asom_6]

سائل الردياتير اغلب العربيات بتقول بعد سنتين مش سنه
وزيت الفرامل برده سنتين مش سنه
راى متغيرهمش دلوقتى

بعد سنتين زيت الفرامل .. و بعد تلاته سنين سائل التبريد .. وفر فلوسك يا باشا و وقتك .. مش هتحس بفرق لانها مش محتاجه

متشكر جداً لحضراتكم على الأراء المفيدة ... وليا زميل فى الشغل قاللى النهاردة انه راح عمل صيانة السنة من حوالى شهر وغيرولوه فى التوكيل زيت الباكم بس وسابوا ميه التبريد

[swimmer25]

من الكتالوج...سائل التبريد سنتين وسائل الفرامل سنة ونص

[Car's Sniper]

الفرامل عمرى ماشفته من خمس سنين ..ومية التبريد عمرى ماغيرتها من خمس سنين بردو بس كنت بزودها لما اشغل التكييف عالسخن

[asom_6]

من الكتالوج...سائل التبريد سنتين وسائل الفرامل سنة ونص

أنا مش فاهم الحقيقة الأختلاف سببه أيه لكن نسخة الضمان اللى متسلم مع العربية بيقول سنة وسنة لسائل التبريد وسائل الفرامل والدبرياج







عموماً بغض النظر عن الكتالوج بيقول أيه ... أيه رأى حضرتك فى ميعاد التغيير نفسه يعنى من وجهه نظرك شايف التغيير يكون على أمتى ؟؟؟
وشاكر جداً للمشاركة المتميزة

[asom_6]

الفرامل عمرى ماشفته من خمس سنين ..ومية التبريد عمرى ماغيرتها من خمس سنين بردو بس كنت بزودها لما اشغل التكييف عالسخن

حضرتك قلبك جامد قوى يا دكتور محمود ... أنا اللى فاهمه ان السوائل دى صفاتها بتتغير مع الوقت خصوصاً زيت الباكم لأنه شره للرطوبة وبيفقد خواصه مع الوقت وأقل منه سائل التبريد لأنه بيتعرض لدورات كتيرة من السخونة لدرجة حرارة عالية والبرودة وهكذا وبرضة ده أكيد بيأثر على خواصه وحفاظه على الرادياتير بدون صدأ ... فأنا أصلاً كنت بسأل أستنى لغاية أمتى أقصى حاجة بعد السنة اللى وصى الضمان بالتغيير بعدها بحيث نستغل كل سائل منهم لأقصى درجة قبل ما يفقد خواصه.

أنما خمس سنين ؟؟؟؟ ......... كده السائل بلغة الصيدلة أكيد Expire من زمان

[tarek_2005]

شوف التوكيل هيعمل ايه معاك وكدا كدا انتا في الضمان

[Car's Sniper]

حضرتك قلبك جامد قوى يا دكتور محمود ... أنا اللى فاهمه ان السوائل دى صفاتها بتتغير مع الوقت خصوصاً زيت الباكم لأنه شره للرطوبة وبيفقد خواصه مع الوقت وأقل منه سائل التبريد لأنه بيتعرض لدورات كتيرة من السخونة لدرجة حرارة عالية والبرودة وهكذا وبرضة ده أكيد بيأثر على خواصه وحفاظه على الرادياتير بدون صدأ ... فأنا أصلاً كنت بسأل أستنى لغاية أمتى أقصى حاجة بعد السنة اللى وصى الضمان بالتغيير بعدها بحيث نستغل كل سائل منهم لأقصى درجة قبل ما يفقد خواصه.

أنما خمس سنين ؟؟؟؟ ......... كده السائل بلغة الصيدلة أكيد expire من زمان

العربية كلها expire ماجتش عالسوائل دى ههههههه
بس هى حاليا مش راضية تتحرك من مكانها الحمد لله ..طبعا حضرتك هاتقلى عشان السوائل ..هاقولك لأ يافندم دا عشان الدبرياش مش شغال ...حضرتك هتقول طب ماتدى الغيار وبعدين شغلها ..هاقولك مش هاينفع يافندم عشان البطارية مابتقومهاش ..هاتقولى طب ماتغير البطارية هاقول لحضرتك ان البطاريةلسة لونها اخضر ..حضرتك هاتقولى طب امشى مشوار طويل بالعربية عشان تشحنها هاقول لحضرتك لو لجنة مرور شافت منظر العربية مش بعيد تتحفظ عليا ان شخصيا مش العربية وبس ...هاتقولى طب ماترمى التوكتوك اللى انت راكبه دا ..هاقول لحضرتك :طالما مية التبريد وزيت الفرامل لسة شغالين يبقى لسة فيه امل هههههههه
حضرتك ادعيلى بس اخلص من اخر امتحان نظرى فى حياتى كلها عشان افضى واشدها الشدة الصح :)