ساعدوني فى أخذ القرار

[khaled4nour]

سيارتى لانوس2010
ومحتاجة بطارية فأحب ان تشاركوني الرأى.
اجيب ac_delco الجافة الـ 55 وات ولا الـ 70 وات ؟
لأن التوكيل بيقولى ركب الـ 55 وات عشان دى مصممة للسيارة وعشان الدينمو يقدر يشحنها
فى حين انا عاوز اجيب الـ 70 وات نظراً لقوتها

أشترى اى واحده ارجو الإفادة؟
مع العلم سعر الـ 55 وات 400 جنيه
سعر الـ 70وات 500 جنيه

[tarek_2005]

مفيش فرق بين الاثنين غير في الفلوس فقط
ونصيحتي هات ال 55 امبير
الفرق في قدرة البطارية فالاستمرار في تشغيل مارش السيارة لفترة اكبر في حالة التحميل عليه عدا ذلك لا يوجد اي فرق
ومثل للتشبيه فقط
اعتبر البطارية خزان مياه بيغذيه موتور مياه وهوا بيغذي عمارة
لو الخزان صغير
الموتور مصمم علشان يملاه
معمول حساب استخدام العمارة
الخزان هيكفي الاستخدام

اما لو كبرت الخزان شوية
الموتور هيشتغل اكتر شوية علشان يملاه
هيكفي فترة اطول لاستخدام العمارة

البطارية كذلك
الاستفادة لو اتقطع منك سير الدينامو البطارية ال 55 امبير هتمشيك 40 كم اما لو 70 امبير هتمشيك 60 كم
مفيش فرق تاني