لمبه التشيك بتنور و تطفى

[m4th]

السلام عليكم يا جماعه

انا عندى لمبه التشيك امبارح و انا راجع على طريق اسكندريه كل ما اكسر ال 140 تروح منوره اهدى ل 110 مثلا تطفى

اكسر 140 تانى تروح منوره و نفس الموضوع اتكرر كتير اوى

العربيه لانوس جوليت موديل 2000 و انا مهتم بيها بغير فلاتر و الزيت ال 3000 بنزله دايما على 2000

بس فى حاجه لاحظتها من فتره ان فى شويه زيت موجودين على المكنه من بره

ياترى ايه سبب الزيت و ايه اللى بيخلى لمبه التشيك تنور ؟


شكرا مقدما

[truss]

حط العربية على سكانر عشان تعرف المشكلة فين بالظبط احتمال يكون تلف فى حساس معين (حساس الاكسجين مثلاً)

بالنسبة لتسريب الزيت روح اغسل الموتور فى بنزينة و تابع العربية مشوار بمشوار عشان تعرف التسريب جاى من فين بالتحديد.

[tarek_2005]

لمبة تشك = اسكان

[m4th]

شكرا جزيلا
بس انا اللى مستغربه انها بتنور اول لما اعدى سرعه معينه و بعدين تطفى

[hamada_5034]

بص ياباشا لمبه التشك بتنور معاك لمابتكون بتجرى ومعدى 100 دا على طول حاسس شكمان من غير كلام بس للتاكيد حط العربية على اسكانر ب20 جنية للتاكيد عشان الحساس الاصلى تقريبا بـــ300 حنية

[m.farouk]

حساس شكمان ولسة مغيره من ساعة لنقس العيب والاصلى ب 400 جنية انا جبتوا استعمال ب100جنية

[ahmed.zahra]

انا عندي نفس المشكلة و كل الناس بتقولي انه حساس شكمان. بس الواحد عايز يفهم تأثيره إيه؟ يعني لو سبته ايه اللي هيحصل؟

[m4th]

طب محدش يعرف احط العربيه على سكانر فين فى طنطا :)

[tarek_2005]

لو سبته زي ما هوا هيهبب البوجيهات ويطلع دخنة سودا من الشكمان ويبرجل الموتور ويضيع السحب خالص
الكلام الي فوق ده بالترتيب وبيحصل علي فترات يعني ممكن بين كل عيب وعيب اسبوع مثلاً

[ahmed.zahra]

بس انا عندي الموضوع ده بقاله 6 شهور و محصلش اي حاجة !!!!!