رائحه وحشه من الشكمان

[Dr_Tolba]

السلام عليكم ورحمة الله

انا عربيتى لانوس 99 بحطلها بنزين 80 وبستخدم المنظف بتاع الرشاشات اللى اسمه
injector cleaner تقريبا بس مش حاسس فرق كبير عن قبل استخدامه ..

العربيه بتطلع رائحه من الشكمان مش حلوه بالذات عن بدايه الدوران وهيا بارده وبيقل لما تسخن بس بيفضل موجود برده .. مفيش دخنه بتطلع او ممكن بسيط اوى بس لونه مش اسود .

انا بصيت عالماتور عند الميكانيكى بس تشيك سريع كده قاللى كويس .. مش عارف هل ممكن المحرك فيه مشكله اكشف عليه كويس ولا ممكن شكمان ولا عشان البنزين ال80 كله كده ؟؟

ارجو الافاده وبارك الله فيكم

[truss]

رائحة العوادم اللى طالعة من الشكمان بتكون وحشة, اكيد مش حلوة .. بس هل الرائحة اللى حضرتك بتشمها دى رائحة بنزين نئ مثلاً ( بنزين غير مكتمل احتراقه) , ولا رائحة زيت محروق؟

حضرتك ذكرت ان الرائحة دى بتكون عند بداية التشغيل و العربية باردة و بتقل مع التسخين, طب هل حضرتك لاحظت الشكمان اثناء بداية التشغيل و العربية باردة فيه دخنة موجودة ولا لأ , و لوفيه دخان لونه ايه؟

يا ريت حضرتك تقولنا و ان شاء الله نقدر نفيدك.

[Dr_Tolba]

الدخنه لونها ابيض تقريبا او فاتح .. ولو ريحة البنزين النىء دي هيا البنزين اللى بنشمه فى البنزينه يبقى مش هوّ اكيد ممكن زيت محروق اكتر .

وشكرا ليك عالمساعده :-)

[truss]

لو فيه دخنة بتظهر اثناء بداية التشغيل و العربية باردة و الدخنة لونها ابيض (مائل الى الزرقة الخفيفة) و بتقل تدريجياً اثناء التسخين احتمال دة يكون شقوق فى جلد الصباب , و دة سبب ظهور الدخنة و الرائحة دى عند تدوير العربية و هى باردة بيكون الزيت اخد وقت كافى عشان يتسرب الى داخل الاسطوانات و يتحرق عند بداية التشغيل.

و على افتراض ان هو دة السبب حضرتك ساعتها هتحتاج تفك وش السلندر و تغير جلد الصباب عند خراط و بالمرة يشوف دلائل الصبابات .

و الله اعلم.

[MMamdouh]

لو الريحة زى البيض الفاسد يبقى علبة البيئة باظت

MMamdouh

[Dr_Tolba]

لو فيه دخنة بتظهر اثناء بداية التشغيل و العربية باردة و الدخنة لونها ابيض (مائل الى الزرقة الخفيفة) و بتقل تدريجياً اثناء التسخين احتمال دة يكون شقوق فى جلد الصباب , و دة سبب ظهور الدخنة و الرائحة دى عند تدوير العربية و هى باردة بيكون الزيت اخد وقت كافى عشان يتسرب الى داخل الاسطوانات و يتحرق عند بداية التشغيل.

و على افتراض ان هو دة السبب حضرتك ساعتها هتحتاج تفك وش السلندر و تغير جلد الصباب عند خراط و بالمرة يشوف دلائل الصبابات .

و الله اعلم.

اللى اعرفه ان فك وش سلندر ده يبقى المشكله كبيره صح ؟

معلش خبرتى فى العربيات قليله ياريت توضيح اكتر :-(

لو الريحة زى البيض الفاسد يبقى علبة البيئة باظت

mmamdouh

ايه علبة البيئه دي واقدر اغيرها ولا بتتصلح وتكلفتها قد ايه .. ياريت شويه معلومات بارك الله فيك

معلش تاعبكو معايا يا جماعه

[truss]

اللى اعرفه ان فك وش سلندر ده يبقى المشكله كبيره صح ؟

معلش خبرتى فى العربيات قليله ياريت توضيح اكتر :-(

مبدئياً انا قولت على سبب المشكلة بناءاً على الاعراض اللى انا فهمتها و ذكرتها فى تعليقى و دة مجرد احتمال, انا برضه مش شايف العربية بعينى و ما اقدرش اأكدلك سبب المشكلة.

شوف ميكانيكى شاطر و اوصف له الاعراض اللى بتشوفها بالظبط , و يا ريت لو تدور العربية قدامه و هى باردة عشان يأكد لك على سبب المشكلة .

و بافتراض ان الاحتمال اللى قولته لحضرتك صح موضوع فك وش السلندر عند ميكانيكى و تغيير جلد الصباب عند خراط مش قصة كبيرة ولا حاجة , بس هيحتاج منك يوم اجازة من اوله عشان الميكانيكى يشتغل عليها و هى باردة , يوم واحد بس.

و ان شاء الله سليمة ما تقلقش.

[Dr_Tolba]

مبدئياً انا قولت على سبب المشكلة بناءاً على الاعراض اللى انا فهمتها و ذكرتها فى تعليقى و دة مجرد احتمال, انا برضه مش شايف العربية بعينى و ما اقدرش اأكدلك سبب المشكلة.

شوف ميكانيكى شاطر و اوصف له الاعراض اللى بتشوفها بالظبط , و يا ريت لو تدور العربية قدامه و هى باردة عشان يأكد لك على سبب المشكلة .

و بافتراض ان الاحتمال اللى قولته لحضرتك صح موضوع فك وش السلندر عند ميكانيكى و تغيير جلد الصباب عند خراط مش قصة كبيرة ولا حاجة , بس هيحتاج منك يوم اجازة من اوله عشان الميكانيكى يشتغل عليها و هى باردة , يوم واحد بس.

و ان شاء الله سليمة ما تقلقش.

هجيبلها الميكانيكى ويا مسهل ..

معلش تعبتكم معايا تسلمو :-)

[MMamdouh]

علبة البيئة مبتتصلحش

اما تجيب واحدة استيراد و اما تلغيها

MMamdouh

[srm]

علبة البيئة مبتتصلحش

اما تجيب واحدة استيراد و اما تلغيها

MMamdouh

طب علبه البيئه ممكن تتنضف ؟؟؟؟؟

[MMamdouh]

no

MMamdouh