طقطقه مع لفه الدريكسيون

[ahmedteam]

عندى مشكله وعايز مساعدة من خبراء المنتدى

و انا ماشى على سرعه 80-90 مثلا و بلف الدريكسيون لفه بسيطه علشان مطب او اعدى عربيه بسمع صوت طقطقه بسيطه جاى من سدر العربيه(حاجه زى صوت الكوبلن كده) بحس بيه فى الدريكسيون نفسه و ساعات فى دواسه الفرامل لما بهدى مثلا

فى الاول كنت حاسس ان فى خرطوم او حاجه سايبه عماله بتخبط فى المكنه فبصيت ملقتش اى حاجه سايبه

ياريت تفيدونى باى معلومه علشان اقدر احدد العيب

[tarek_2005]

اكشف علي الكبالن وعلي البطاحات وممكن كمان تكشف علي الطنابير

[ahmedteam]

طارق باشا

الصوت مش جاى من ناحيه العجل علشان اشك فى الكبالن انا بحس بيه فى الدريكسيون نفسه فى الوصله يبن الدريكسيون و سدر العربيه

على فكره الصوت مش بيحصل على طول يعنى على فترات

[tarek_2005]

يبقي كاوتش الشدادات بتاع الاسكاترا او الفبرة الي علي عمود طارة الدركسيون من اسفل

[ahmedteam]

فى اى طريقه علشان اتاكد من العيب قبل ما اروح للعفشجى و لا اتوكل على الله على كده؟

[sherifbmw]

عندى نفس المشكله ظهرت من يومين بتبان مع السرعات المنخفضة تحرك الدريكسيون سنه بسيطه تسمع تكتكه كتيره شبيه بصوت طقطقه الكلبن لكنه بيجى والعربيه كاوتشها ف العدل او لو لفيته حاجه بسيطه اوى متذكرش مش عارف بصراحة اعمل ايه ياريت لو عرفت الحل تقولنا

[ahmedteam]

ده اللى بيحصل معايا بالظبط و هاروح للعفشجى يبص عليها

[sherifbmw]

لقيت المشكلة من البطاحات بتاعت المساعدين مقطوعة الواحده ب 115 الاصلى والعادية ب 50جنيه بس وحشه بتضرب بسرعة و هغير الاتنين عشان مفيش وحده تحمل ع التانية وتاخد المساعد وتطلع

[_hema]

عندى مشكله وعايز مساعدة من خبراء المنتدى

و انا ماشى على سرعه 80-90 مثلا و بلف الدريكسيون لفه بسيطه علشان مطب او اعدى عربيه بسمع صوت طقطقه بسيطه جاى من سدر العربيه(حاجه زى صوت الكوبلن كده) بحس بيه فى الدريكسيون نفسه و ساعات فى دواسه الفرامل لما بهدى مثلا

فى الاول كنت حاسس ان فى خرطوم او حاجه سايبه عماله بتخبط فى المكنه فبصيت ملقتش اى حاجه سايبه

ياريت تفيدونى باى معلومه علشان اقدر احدد العيب

لو الطقطقه دى حضرتك بتحس بيها فى الملفات بس تبقى كبالن

لو فى الدريكسون اثناء حركته اكشف على علبه الدريكسون

تحياتى لحضرتك

[ahmedteam]

الصوت بيجى فى العدل و هيا كده شكلها السكاترا هكشف عليها و ربنا يسهل