عاوز نصيحتكم

[mokelanos]

شفت عربيه دايو لانوس 2006 ماشيه 5800 كيلو فقط فضى مانيوال بس ما فيهاش زجاج كهرباء العربيه فابريكه جوا وبرا فيها كام خربوش صغير تقريبا زيرو عاوز فيها 54000
ايه رأيكم
على فكره صاحبها راكنها من فتره وهو معاه لانسر
وهل هى فى الضمان والضمان لغايه كام كيلو
رجاء المساعده لأننى مشتت أول مره اشوف عربييه تتباع وهى لسه ما مشيتش
وهل يوجد حاجه اسمها عيوب صناعه
ولو عاوز اركب زجاج كهرباء ينفع ويبقى زى الأصلى ومننين وبكام

[MMamdouh]

لو بالمواصفات دى تبقى لقطة

الضمان 3 سنوات او 60 الف كيلو

الزجاج الكهرباء بيركب للبابين الامامى فقط و تكلفتهم من 500 الى 600 جنية

MMamdouh

[mokelanos]

يعنى السعر ده كويس

[mohamed2002]

بص خد صنايعي معاك لو العربية سليمة اتكل علي الله واشتري

[nour]

أنا شايف سعرها قليل ايه السبب!!! لازم تفحصها كويس و ترفعها في بنزينة كويسة

[SEATLOVER]

العربية سعرها قليل جداً على حالتها
خد بالك كويس من
1-ورق العربية كلة
2-الكاوتش-العداد
3-خد بالك كويس من صوت الموتور
4- جرب الفتيس على الواقف بدون دبرياج و فى المشى لو عرفت

خش فى فصال جامد معاة بعد المرحلة دى و قولة العربية مش مظبوطة
وشوف رد فعلة اية .... او بدى علية استعداد للتنزيل ... امشى و سيبلة العربية

بعد كدة
روح مركز خدمة لدايو مش (بنزينة ) و خد تقرير كامل عن حالة العربية

[mokelanos]

بص خد صنايعي معاك لو العربية سليمة اتكل علي الله واشتري

شكرا ليك وحتوكل على الله بس كنت عاوز اسأل هو التوكيل ممكن يغير ايه فى العربيه فى الضمان ولو ركبت سنتر وانذار تخرج من الضمان

[mokelanos]

العربية سعرها قليل جداً على حالتها
خد بالك كويس من
1-ورق العربية كلة
2-الكاوتش-العداد
3-خد بالك كويس من صوت الموتور
4- جرب الفتيس على الواقف بدون دبرياج و فى المشى لو عرفت

خش فى فصال جامد معاة بعد المرحلة دى و قولة العربية مش مظبوطة
وشوف رد فعلة اية .... او بدى علية استعداد للتنزيل ... امشى و سيبلة العربية

بعد كدة
روح مركز خدمة لدايو مش (بنزينة ) و خد تقرير كامل عن حالة العربية

مش فاهم اجرب ازاى الفتيس على الواقف
بالنسبه لمركز خدمه دايو آخد العربيه معايا ولا هما عندهم هيستورى للعربيه بمجرد اديهم رقم الشاسيه وفين اقرب مركز خدمه قريب من الدقى

[mokelanos]

أنا شايف سعرها قليل ايه السبب!!! لازم تفحصها كويس و ترفعها في بنزينة كويسة

السوق نايم قوى فى المستعمل وكله عاوز زيرو علشان التقسيط

[SEATLOVER]

بالنسبة للفتيس على الواقف .. قبل ما تدور العربية حرك الفتيس فى غياراتة و شوف اى عائق صوت غروشة خنقة فى الفتيس
وبعد كدة فى المشى مع الدبرياج شوف الحاجة اللى لاحظتها فى نقلة معينة زادت ولا راحت خالص

دة بيدى انطباع مبدائى لحالة الفتيس وبيجنب عليك شغل كتير اوى ممكن يحصل فية
غويشة-بلية-اسطوانة -عيب صناعة ...حاجات كتير

بالنسبة للكشف
شركة الكويت والبلاد العربية
58 ش التحرير -الدقى -القاهرة
وعلى فكرة المنتدى هنا عامل معاهم عرض
تفاصيلة فى الرابط دة

http://www.nilemotors.net/Nile/showthread.php?t=25895

[mohamed2002]

العربية سعرها قليل جداً على حالتها
خد بالك كويس من
1-ورق العربية كلة
2-الكاوتش-العداد
3-خد بالك كويس من صوت الموتور
4- جرب الفتيس على الواقف بدون دبرياج و فى المشى لو عرفت

خش فى فصال جامد معاة بعد المرحلة دى و قولة العربية مش مظبوطة
وشوف رد فعلة اية .... او بدى علية استعداد للتنزيل ... امشى و سيبلة العربية

بعد كدة
روح مركز خدمة لدايو مش (بنزينة ) و خد تقرير كامل عن حالة العربية

يا ريت تراجع كلام المهندس عمرو كويس وتكشف علي العربية كويسة وورقها ,احنا مش بنقللك ممكن يكون صاحبها غشيم وعرضها علي تاجر فحرقها لة في الارض ,تكون نصيب , اكشف كويس اوي عليها وفاصل معاة وشوف نيتة اية وربنا يكرمك الي الخير ان شاء الله

[mokelanos]

بالنسبة للفتيس على الواقف .. قبل ما تدور العربية حرك الفتيس فى غياراتة و شوف اى عائق صوت غروشة خنقة فى الفتيس
وبعد كدة فى المشى مع الدبرياج شوف الحاجة اللى لاحظتها فى نقلة معينة زادت ولا راحت خالص

دة بيدى انطباع مبدائى لحالة الفتيس وبيجنب عليك شغل كتير اوى ممكن يحصل فية
غويشة-بلية-اسطوانة -عيب صناعة ...حاجات كتير

بالنسبة للكشف
شركة الكويت والبلاد العربية
58 ش التحرير -الدقى -القاهرة
وعلى فكرة المنتدى هنا عامل معاهم عرض
تفاصيلة فى الرابط دة
http://www.nilemotors.net/Nile/showthread.php?t=25895

شكرا على تجاوبك
معلش سؤال اخير هو ممكن يكون شاريها من غير ضمان
طيب الضمان بتبقى ورقه مكتوب فيها بيانات العربيه واسأله عليها وبيبقى مكتوب فيها هو عمل ليها الصيانه الدوريه ولا لأومواعيدها وايه اللى اتغير فيها

[SEATLOVER]

يا mokelanos شوف ورق العربية من الاول
هو كدة مفروض اول يد و معاة كلة
ممكن يكون جايبها من بورسعيد او استيراد او منزلها ...يعنى لها ميت طريقة
افهم قصتها الاول شفوى
وبعد كدة قولة ممكن ابص على ورقها

بما فيهم الضمان لو كان فية
والاخوة هنا ممكن يقولولك شكلة اية و بيتختم ازاى فى الصيانة و الكلام دة

ودة كلة مايمنعش ان العربية تكون فولة و لقطة وكل حاجة ... بس الحذر واجب
والاحتياطات دى لازم تتعمل لان ماحدش ضامن الظروف

وربنا يوفقك ان شاء الله .. وتبقى من نصيبك لو فيها خير ليك

[mokelanos]

يا mokelanos شوف ورق العربية من الاول
هو كدة مفروض اول يد و معاة كلة
ممكن يكون جايبها من بورسعيد او استيراد او منزلها ...يعنى لها ميت طريقة
افهم قصتها الاول شفوى
وبعد كدة قولة ممكن ابص على ورقها

بما فيهم الضمان لو كان فية
والاخوة هنا ممكن يقولولك شكلة اية و بيتختم ازاى فى الصيانة و الكلام دة

ودة كلة مايمنعش ان العربية تكون فولة و لقطة وكل حاجة ... بس الحذر واجب
والاحتياطات دى لازم تتعمل لان ماحدش ضامن الظروف

وربنا يوفقك ان شاء الله .. وتبقى من نصيبك لو فيها خير ليك

SEATLOVER
جزاء الله عنى خير جزاء
وان شاء الله بكره بعد ما أشوف العربيه أقول لكم ايه اللى حصل

[mokelanos]

شفت العربيه
الفرق فى الأوبشن جامد
ده حتى مفيهاش ساعه ولا سنتر وحاجات كتير يعنى الواحد يغير ويركب موديل حديث وتكون فاضيه
ده حتى مراتى قالت لى ايه القرف ده دى المازدا القديمه فيها ساعه ودى لأ
مش عايزاها مش عايزاها ولا انت عندك رأى تانى قلت هو ده كان رأى من الأول ( أبو الرجال)