ضرورى جدا

[aboelshoog]

عايز اعرف حاجة مهمة ليا انا دلوقتى هاسافر اسكندرية ان شاء الله كمان شوية وانا عامل 1500 كم السيارة لانوس 2008 ولسة مش رحت التوكيل غيرت زيت الالف كيلو يعنى هارجع مثلا عامل فى حدود 2300 كم بدون تغيير زيت الالف كدة فيها مشاكل انا اول ما هارجع ان شاء الله هاروح التوكيل ... يا ترى
(1 ) فية مشاكل على الموتور ؟
(2) التوكيل هايطلعنى من الضمان ؟
الف شكر وارجو سرعة الرد ضرورى حالا ...

[medohai510]

من الأحسن يا باشا أنك تروح قل السفر طالما عديت 1000 كم، غير زيت وضبط العربية وسافر وأنت متطمن علشان 2300 كم كتير قوي علي أول زيت، ورحلة سعيدة أن شاء الله.

[amrnour_d]

طب يمكنك أيضاً أن تذهب للتوكيل بالاسكندرية وهو موجود على أول الطريق الصحراوى وأنت جى يعنى مش بعيد

[aboelshoog]

شكرا

طب يمكنك أيضاً أن تذهب للتوكيل بالاسكندرية وهو موجود على أول الطريق الصحراوى وأنت جى يعنى مش بعيد

ربنا يسهل ان شاء الله وشكرا على ردودكم واهتمامكم .. دعواتكم لينا بقى نرجع بالسلامة ..

[Mohamed.Fawzy]

انت لو مستعجل و معندكش وقت ممكن تعمل الأقتراح ده

بص يا سيدى لو مستعجل اوى و معندكش وقت ممكن تغير زيت بس فى اى بنزينه لغايه لما ترجع بالسلامه ان شاء الله و تروح تعمل صيانه :):):)

[shanodaa]

يا ريت تعمل صيانه الف كيلو قبل ما تسافر علشان خاطر الضمان

[aboelshoog]

بص يا سيدى لو مستعجل اوى و معندكش وقت ممكن تغير زيت بس فى اى بنزينه لغايه لما ترجع بالسلامه ان شاء الله و تروح تعمل صيانه :):):)

الحمد لله سافرت ورجعت وهابقى اروح التوكيل بس للمعلومة تغيير الزيت خارج التوكيل بيخرجك من الضمان

[Mohamed.Fawzy]

تغيير الزيت خارج التوكيل

يا باشا تغيير الزيت خارج التوكييل مش بيخرجك بره الضمان لآنى عملت كده فى صيانه الألف بعد سؤال المهندس عن نوع الزيت اللى عندهم و قالى انو موبيل 1 القديم 40-0 w فقلت له انا عايز الجديد لآن القديم ده كل الناس بتشتكى منه فقالى هو فعلا فيه نسبه بخر بس مش للدرجه المهم قفشت عليه و قلتله انا مش هحط القديم ازاى شركه تغير المنتج بتعها و انتو لسا بتستخدموا القديم فقالى اصل احنا عندنا كميه كبيره و لسا مخلصتش وقالى خلاص انا هصرفلك فلتر زيت وابقى غير فى اى مكان يعجبك و ان شاء الله لما تيجى تعمل صيانه ا5 الاف هيكون الزيت الجديد عندنا و قالى ان تغيير الزيت بره التوكيل مش بيخرج العربيه من الضمان ولا حاجه بس اهم شىء تغيره فى مكان جيد و مضمون :):) و فعلا حطيت شيل الترا هيليكس وهو زيت ممتاز و افضل من موبيل 1 بمراحل و ان شاء الله فى التغيير القادم هغير زيت BB Visco 5000 اللى بيشكر فيه الأستاذ محمد ممدوح لإنى دخلت على السايت بتعهم ولقيتها شركه كبيره و باين عليهم ناس محترمه جدا :)