ضغوط تكييف النوبيرا 1

[Ahmed Nasser]

بسم الله الرحمن الرحيم
السلام عليكم ورحمة الله وبركاته
ازيكم يارجالة الدايو عاملين اية
كنت عايز اشحن التكييف بتاع العربية بس كل مااروح لواحد يقولى كلام مختلف عن التانى
لغاية ما المكانيكى قالى كلهم حرامية ومفيش حد هطلع شغلة مظبوط
فاكنت عايز اعرف هو ضغوطة كام وبيظبط ازاى مع العلم ان العربية نوبيرا 1500 سى سى
والسلام عليكم ورحمة الله وبركاته

[exact]

هو ده رينج عام

أولا السربنتينة بتاع التكييف لازم تكون مغسولة ونضيفة جدا

بعد تشغيل التكييف مدة 5 دقايق في الظل على اعلى سرعة مروحة والشبابيك مفتوحة وعلى ار بي ام 1500 المفروض رينج القراءة يكون ما بين 27 الى 35 رطل عالبوصة

[Ahmed Nasser]

متشكر جداااااااا على اهتمامك
مع انى مش فاهم حاجة هههههه

[exact]

متشكر جداااااااا على اهتمامك
مع انى مش فاهم حاجة هههههه

هو مش سيادتك بتسأل على ضغط الفريون؟؟

[tarek_2005]

بيختلف حسب درجة حرارة المكان الي هتشحن فيه ودرجة الرطوبة بردوا بتفرق ولكن خليك علي 32psi

[Ahmed Nasser]

هو مش سيادتك بتسأل على ضغط الفريون؟؟

بسال فعلا لكن متشكرين على الاهتمام

بيختلف حسب درجة حرارة المكان الي هتشحن فيه ودرجة الرطوبة بردوا بتفرق ولكن خليك علي 32psi

متشكرين ياطارق بية وانشاء الله هروح وهشحنة

بس سؤال اخير هو بيتكلف كام لان الراجل قالى 150 واى خرم فى السلابنتينة بيتلحم بـ10
لانى واخد خبطة فيها

[tarek_2005]

ثمن الفريون حوالي 700 جرام فريون 134 بيعمل 77 جم والباقي مصنعية ممكن تفصله فيها

[Ahmed Nasser]

متشكرين ياباشا جدا على تعبك معنا

[exact]

آخر كلام بخصوص المكيف من كتالوج الصيانة للنوبيرا

وزن الغاز 750 جرام يزيد او ينقص 20 جرام
والزيت 265 مللي لتر

بخصوص الضغوط زي الصورة كده

[Ahmed Nasser]

متشكرين ياباشا تعبك معانا
وربنا يجعلة فى ميزان حسناتك

[Ahmed Nasser]

ازيكم يارجالة
روحت امبارح عند بتاع التكييف فلما شاف الخبطة اللى فى السلابنتينة قالى هنكبس وهنشوف
كبس وجاب صابون وشاف...............وكانت المفاجئة
السلابنتينة اللى شكلها يغينى عنها من الخبطة طلعت سليمة بس فية تنفيس
منين التنفيس طلع من الكومبروسر وبكدة قررت امشى لانى كنت عامل حسابى فى 200ج بس
بس كان معاية صاحبى قالى استنى هنشوف هيصرف كام
قالى كلة على بعضة 375
صاحبى قالة اشتغل وهو هيكملى الفلوس
طلع الكومبروسر وغيرة السهات وزيت وزبطة وانا جيت مسكت الكمبروسر اتفرتك كلة من بغعضة
وكانت ليلة سودة وكنا هنخانق فى بعض وعاد الشغل تانى وانا واثق انة كان بيشتغل وبيسب فيا
بعد ماقفل الكومبروسر سابنا جنب العربية وراح البيت لحد ما ملينا من القعدة وقررنا نمشى
ودة جزاء الشغل اللى انا بوظتة
الحمدلله وصل بالسلامة
وكمل شغل وطلع مافيش اى تسريب وشحن التكييف وكلة زى الفل
والتكييف اشتغل تمام ودرجة حرارتة وصلت 4
واحب اشكر كل من شارك بردة فى الموضع وربنا يجعلة فى ميزان حسناتة
و السلام عليكم ورحمة الله وبركاته