الموتور كان هيودع

[Akram]

السلام عليكم,
امبارح حصلتلي حاجة غريبة , عديت على ميكانيكي علشان يرجلش على الفرامل , و بعد ما خلص مشيت لقيت فيه ريحة شياط و دخنة , بصيت على الحوض لقيت فلتر الزيت بينقط و مع السخنية عامل دخنة , رجعت للميكانيكي فقاللي ان الفلتر ضرب , و جبنا فلتر جديد و غيرت الزيت , و المفاجأة ان لقيت الزيت اللي نازل من الموتور لتر واحد , يعني فيه تلاتة لتر اختفوا , و لو ملحقتش كان الموتور ممكن يقفش , دا غير ان غطا قربة المياه لقيت حواليه لون أحمر و المياه ناقصة شوية ,
بس كنت عايز اعرف هل ده ممكن يؤثر على اداء الموتور و هل فيه حاجة تانية الواحد يراجعها بعد القصة دي ....

[popahly]

الحمد لله يا أكرم جات سليمة وإن شاء الرحمن ميكونش فيه آثار سلبية نتيجة الموضوع دا..

[msobhy]

وحشنى جدا يا اكرم باشا ومينفعش اشوف حاجه مهمه عندك وما اردش
الحمد لله يا باشا ان ربنا سترها واخدت بالك - بس نصيحة بلاش تسافر بالعربية الايام ديه أو تاخدها فى مشاوير طويله لغاية لما تطمنلها تانى

[Akram]

الحمد لله يا أكرم جات سليمة وإن شاء الرحمن ميكونش فيه آثار سلبية نتيجة الموضوع دا..

شكراً يا باشا , الله يخليك ,
هو الحمد لله انا مش حاسس بفرق في الاداء بس حابب اعرف لو فيه حاجة الواحد يشوفها للتأكيد .

[Akram]

وحشنى جدا يا اكرم باشا ومينفعش اشوف حاجه مهمه عندك وما اردش
الحمد لله يا باشا ان ربنا سترها واخدت بالك - بس نصيحة بلاش تسافر بالعربية الايام ديه أو تاخدها فى مشاوير طويله لغاية لما تطمنلها تانى

و انت والله واحشني يا صبحي بس مش عارف انت مختفي ليه و مش بتيجي المقابلات ليه ,
انا فعلاً مش هفكر اسافر لغاية لما اطمن بس المشكلة ان بمشي كل يوم 50 كيلو على الدائري ,
ربنا يستر , و هحاول اتابع الزيت كل يوم لغاية لما اطمن .

[windofchange]

طيب هو فلتر الزيت كان نوعه ايه؟ وطبعا دي ممكن بغض النظر عن نوعه تكون غلطه اللي ركب الفلتر فعصه وهو بيركبه فالفلتر باظ من كده والحمدلله انك خدت باللك

[dfdfdf]

الحمد الله ، ربنا ستر

[tarek_2005]

احمد ربنا
والف سلامة علي موتورك
خلي بلاك نقص الزيت والسير بالمحرك تاثيره بيرقي علي
الكوستبانات او عمود الكامة او كوتش الصبابات او طقم السبائك
وطالما انك لم تسمع اي اصوات غريبة بعد الاصلالح
توكل علي الله وانسي الي حصل علشان تتخلص من الوسواس

[Akram]

طيب هو فلتر الزيت كان نوعه ايه؟ وطبعا دي ممكن بغض النظر عن نوعه تكون غلطه اللي ركب الفلتر فعصه وهو بيركبه فالفلتر باظ من كده والحمدلله انك خدت باللك

انا بجيب دائما فلتر مكتوب عليه gm و ده بيبقى بـ20ج ,
بس اعتقد انه بيبقى مش أصلي لكن ده الموجود عند معظم محلات قطع الغيار.
.

الحمد الله ، ربنا ستر

الحمد لله .
.

احمد ربنا
والف سلامة علي موتورك
خلي بلاك نقص الزيت والسير بالمحرك تاثيره بيرقي علي
الكوستبانات او عمود الكامة او كوتش الصبابات او طقم السبائك
وطالما انك لم تسمع اي اصوات غريبة بعد الاصلاح
توكل علي الله وانسي الي حصل علشان تتخلص من الوسواس

ربنا يخليك يا طارق باشا,
الحمد لله ربنا ستر .
.

[mahmoudysf]

ان شاء الله بسيطة
وكدة هنزل ابص على الفلتر لاني لسة مغير زيت مع الصيانة
ولما وقفت مع واحد صحبي قالي شامم ريحة شياط

[ahmedhilmy]

الحمد لله يا اكرم انها جت علي قد كده و كويس انكخدت بالك و دبنا يسترها عليك و علينا يا رب

[Akram]

الحمد لله يا اكرم انها جت علي قد كده و كويس انك خدت بالك و ربنا يسترها عليك و علينا يا رب

الحمد لله...

[Ahmed Nasser]

حمدلله على سلامتك
والحمدلله انها جات على كدة