موتور الجوليت بيأكل زيت فى الطوالى . . . اعمل ايه

[mhraslan]

انا بحط زيت موبيل الــ 5000 كم ودايماً الميكانيكى يتفلسف ويقولى نزله على 3000 كم بس المهم انى اخر كام مره بينزل ناقص على الرغم عدم وجود تسريب .
كانت فى الساحل الاسبوع ده وكان عندى شغل فى اسكندريه فنزلت من الساحل ورجعت يجى 3 مرات وكان الزيت عامل 4000 كم قولت اغيره بعد مشوار الساحل وفوجئت عند تغير الزيت ان العربيه مفهاش غير 1.25 - 1.5 كجم زيت وده طبعاً قليل جدً لدرجه انه مكنش معلم فى المقاس بتاع الزيت المهم الميكانيكى قالى العربيه بتاكل زيت فى الطوالى اعمل طقم شنبر . . .
ملحوظه انا عربيتى موتورها 1350 cc الاوربى اللى ديماً م / ممدوح يقول على الموتور ده عقيم قوليلى اتصرف ازاى يا اصحاب الخبره على الرغم انى مش حاسس بعقم الموتور اد كده هل اعمل طقم شنبر والم الدور واخلص ولا اجيب موتور استعمال ولو موتور استعمال يبقى ايه موصفاته واضمن منين ان موصفاته سليمه لان فى موتير شبهه بعضها زى الموتور بتاعى والموتور الــ 1500 وايه المواتير اللى تقعد استندر من غير تعديل ارجوووا الافاده

[mhraslan]

اين اهل الخبره فينك يا باشمهندس ممدووح

[A7medelfe2y]

ممكن يكون فيه مشكله ف الجوانات او الموتو خفيف

[JAM]

هات شورت بلوك 1500 16 صباب.. ودا فى حدود 2000... وهيركب زى ماهوا

[mhraslan]

هات شورت بلوك 1500 16 صباب.. ودا فى حدود 2000... وهيركب زى ماهوا

طيب وبكده العربيه هتبقى 1500 cc ؟
وياترى ده ليه علاقه بكارته العربيه؟
طيب انا كنت باستفسر هو لو هعمل طقم شنبر طقم شنبر الـ 1500 هيركب على الموتور ده ولا هلاقى اختلاف ؟
وايهما افضل من وجهه نظر حضرتك طقم شنبر ولا شورت بلوك؟
وياريت لو توضحلى مكونات الشورت بلوكده

[broadband]

............................................


يمنع كتابه اللغه العربيه باحرف انجليزيه
يرجى مراجعة قواعد المنتدى
مشرف3ب

[exact]

سؤال قد يكون غبي شوية... هو العيب اكيد من المكنه...اصل انا حصل معايا موضوع مشابه من احد انواع الزيوت واما غيرت لشيل اصفر لقيت الدنيا بييييييييييييس

بس لو هتوصل لمرحلة الشنبر يبقى زود الموتور زي ما الزملاء نصحوك

[ahmed_mido1889]

لو حط ال1500 ال16 صباب يبقي لازم يعدل الفرامل الاول

لكن لو ركب ال8 صباب يبقي عادي الي حد ما

[mhraslan]

[QUOTE=ahmed_mido1889;3874425322]لو حط ال1500 ال16 صباب يبقي لازم يعدل الفرامل الاول

لكن لو ركب ال8 صباب يبقي عادي الي حد ما[/QUO
انا الفرامل عندى مش زى اللا نوس العاديه انا فرامل اوبل

[mhraslan]

عم ممدووح فين يا شباب

[MMamdouh]

معلش انا كنت مسافر الاسبوع اللى فات

الاول لازم تحدد الزيت بيروح فين... هل بيتحرق ولا بيتبخر ولا بيتسرب... لو متاكد انة بيتحرق يبقى المكنة محتاجة شغل

لو طقم شمبر يبقى طقم الشمبر بتاع ال1500 يركب عليها لان الفرق بين مكنتك و المكنة ال1500 فى البيلات و الكرنك انما البساتم و الشمايز و الشمبر واحد و دة ارخص و اسهل حل بس لازم تبقى متاكد ان المشكلة فى الشمبر فقط و الا التكلفة هتفتح معاك و يبقى التغيير حل اوقع و للاسف دة مش هيبان الا لما تفك المكنة

لو هتجيب شورت بلوك ممكن تجيب ال 1500 و تبقى المكنة 1500... عشان تتاكد من المكنة اللى بتشتريها بص على الكود.. ال 1500 بتبقى A15SMS و بتاعتك A13SMS و للعلم بالشىء المكنة ال 1600 اتنين كامة بتبقى A16DMS و ال1500 اتنين كامة بتبقى A15DMS

لو هتركب مكنة على بعضها يبقى هتوفر فك و تركيب و فتح المكنة و هتتكلف تمن التسقيط فقط اضافة الى ان هيبقى متاح ليك مكنتين كمان غير المكنة ال 1500 كامة واحدة (1500 اتنين كامة و 1600 اتنين كامة) بس دول هيحتاجوا تعديل فرامل

انا شايف انك تفتح مكنتك الاول و تشوف المشكلة فين... لو القصة شمبر اعملها و شكرا على كدة... لو عندك مشاكل فى البساتم و الشميز هيبقى الشورت بلوك اوفر و اضمن (او تغيير مكنة كاملة)

لو الوش و البلوك فيهم مشاكل يبقى هترمى المكنة و تختار من المكن اللى قولتلك علية

MMamdouh

[broadband]

انا من رأيي تشوف موتور استيراد من الاخر . لان حورات الميكانيكية حاتلبسك فى عمرة كاملة و فى الاخر حتلاقى نفسك محتاج حاجات تانية
انا اصلى خسرت فلوس كتير من ورا فتح المواتير و الكشف عليها و ف لالاخر الميكانيكى يقنعك ان العمرة احسن و افضل و الخ الخ الخ .........
انا عارف ان شراء موتور استيراد مش مضمون و لكن ممكن تراجع مواضيع المنتدى لشراء مواتير استيراد
و تاخد حد معاك بيفهم و يكون ثقة
و تركيب الموتور مش حياخد وقت(يومين على الاكثر ) غير العمرة (14 يوم ) غير التليين و البنزين و عدم تشغييل التكييف افترة 1000 كم و ممنوع تطلع مطلع ....................

هى نصيحة لوجه الله

[mhraslan]

تمام جداً بصراحه الرد وافى جداً جداً
سؤال اخير هو موضوع الشورت بلوك ده بيتطلب ورق فى المرور ؟ على اساس ليه علاقه برقم الموتور بيتغير يعنى ولا الموضوع بعيد عن رقم الموتور

[MMamdouh]

شورت بلوك يبقى لازم ورق لان رقم الموتور محفور على البلوك

MMamdouh