نقص زيت الماتور

[asd21012101]

امبارح يا شباب كنت مسافر وبعد ماوصلت وانا راجع قولت ابص على الزيت لقيت الزيت معلم على العلامة 10L انا كنت عارف ان الزيت على max مش عارف اعمل اية وانا لسة مغير الزيت الى ليكو مورى 10000
ارجو الافادة

[khalid_adel]

اتأكد الاول ان مفيش اي ترسيب او تسريب للزيت
لو مفيش يبقى الزيت ده مش مناسب موتورك لان كان عندي نفس المشكله بالظبط مع الزيت ده ونزلته على ال 3000 كيلو لان نقص جامد في الاول وكملت 3\4 لتر كانو في الجركن وخلصو برضه كل ده ومكملتش 3000 كيلو نزلته وحطيت فيسكو 20-50 صوت الماتور هدي معايا وماشاء الله منقصش ولا نقطه لحد دلوقتي (بقالي اهه بتاع 1000 كيلو) ويامسهل
عربيتي الفا روميو 146 موتور بوكسر :)

[DarkMagician]

بص طبيعي الزيت اول ما تحطو يكون من الركنة لزج شوية وممكن يكون اعلى في المؤشر بالذات وهو بارد

لما يسخن وياخد وضعو في المكنة ممكن ينزل حبة صغيرين عادي جدا

المهم حضرتك تابعو كمان كم مرة وشوف اذا كان في نقص مستمر فهو في حاجة من الاتنين يا اما في بخر عالي وفي الحالة دي الزيت مش مناسب لعربيتك

يا اما في تسريب

لكن متقلقش من الزيت نفسو لان في ناس جربتو وقعد معاها 10000 كيلو بدون ما ينقص

[ahmed_mido1889]

يبقي زي ما جيو قال الزين بخره عالي وبينقص جامد

[DarkMagician]

يبقي زي ما جيو قال الزين بخره عالي وبينقص جامد

الزيت بخرو مش عالي ومجرب في كذا عربية ولمسافات طويلة
اعتقد انو مش مناسب لمكنة الدايو ما دام حصلت مع كذا واحد بس برضو لا ضير عن المتابعة والتاكد

[flightbyd]

هذا الزيت غير مخصص للاجواء المصرية يا ناس دة زيت فاشل فى مصر ولكن ناجح فى المانيا نظرا للجو عندهم من برودة

[DarkMagician]

هذا الزيت غير مخصص للاجواء المصرية يا ناس دة زيت فاشل فى مصر ولكن ناجح فى المانيا نظرا للجو عندهم من برودة

ردي الوحيد عليك ان الزيت ده بيستخدم في توكيل مرسيدس في السعودية وهو واسع الانتشار في امريكا اللي الجو فيها في بعض الاماكن زي كنساس وتكساس احر من المنيا هنا في مصر

[asd21012101]

السلام عليكم
شكرا جدا على ردود السادة الاعضاء وخلاصة الموضوع ان شكلة كدة مش ماشى مع المواتير بتاعتنا الدايو لان واضح على ان فى بخرة عليا على الماتور

وان شاء اللة هتابع الزيت كل يوم وربنا يكرم واغيرة اصل لس مكملش 4000 وربنا يكرم

[khalid_adel]

السلام عليكم
شكرا جدا على ردود السادة الاعضاء وخلاصة الموضوع ان شكلة كدة مش ماشى مع المواتير بتاعتنا الدايو لان واضح على ان فى بخرة عليا على الماتور

وان شاء الله هتابع الزيت كل يوم وربنا يكرم واغيرة اصل لس مكملش 4000 وربنا يكرم

خليك مركز مع صوت الماتور لان عندي صوت الماتور علي اوي عند ال 3000 كم كده عكس اول ماحطيته مكنش ليه صوت خالص

[flightbyd]

لكوى مولى دة مخصص للكارو فقط مش المرسيدس وكنساس ومنساس والسعودية والدقهلية

[شريف]

دة انهي نوع
هاي تيك ؟
ولا سوبر ليتشر؟

[yaserbasha2000]

العربيه عامله كام كيلو و كنت بتستخدم ايه قبل كده؟

[flightbyd]

شل نضيف وكويس

[merom10]

شل نضيف وكويس

و الله انا حصل معايا الكلام ده فى الشل 5000 ونقص لتر بعد 1500 كيلو و مفيش تسريب و الماتور كويس و مش عارف السبب عربتى نوبيرا 2006 لو حد يعرف يقول لنا.