دبدبة فى الطرق المكسرة

[Mahmoud.Fathy]

شباب المنتدي .... رجالة اللانوس ... دلوقتى عندي سؤال .... وانا ماشي فالطرق العادية والاسفلت الطبيعي بتاعنا مش بحس بحاجة غريبة فالعربية من تحت .... انما بقي فالطرق الغير ممهدة والمكسرة زي بتاعتنا اللى فشبرا الخيمة دي ... بسمع صوت حاجة بتدب كده تحت العربية ورا ..... ومظنش انهم المساعدين لان العربية مش بتدب فالمطبات .... بالعكس بتاخد المطبات بنعومة من غير اى دب .... عاوز اعرف بقي ايه اللى بيدبدب ورا دا وهل لو فيه حاجة بايظة هتبان فالطرق النظيفة برضه ولا مش بتبان الا فالطرق البايظة ؟؟؟؟

[Medicalist]

والله يا باشا انا كان عندى نفس الوصف ده ووديتها لعفشجى غسل العفشه بالزيت و شحمها و ربط كويس مع تغيير جلب المقصات الدنيا بقت احسن مش زى الاول طبعا

[truss]

كان عندى صوت دبدبة من ورا ما كانش بيبان على الاسفلت او المطبات الصناعية, لكنة بيبان فى المطبات الصغيرة (عين القط ــ فواصل الكبارى) و بيبان فى الشوارع المكسرة , وديتها لعفشجى طلع انه فيه كاوتشة صغيرة تحت الصامولة فى مكان ربط المساعد الخلفى يمين فى الشنطة, غيرتها و الصوت راح و الحمد لله.

[Mahmoud.Fathy]

يعنى صوت الدبدبة دا مش ممكن يكون من المقصات مثلا ؟؟؟؟

[Ahmed_BYD_F0]

انا كانت بحس بنفس المشكلة

رحت لعفشجى قالى العفشة مفهاش مشكلة

رحت لميكانيكى قالى الصوت من العجلة اللى تحت الكرسى اللى جنب السواق

وفك العجلة لقى تيل فرامل عايز يتغير

غيرهولى وانتهت المشكلة ومبآش فيه صوت

يمكن الحل ده مينفعش معاك بس انا قولت اوضح للعلم

و السلام عليكم ورحمة الله وبركاته

[Mahmoud.Fathy]

انا كانت بحس بنفس المشكلة

رحت لعفشجى قالى العفشة مفهاش مشكلة

رحت لميكانيكى قالى الصوت من العجلة اللى تحت الكرسى اللى جنب السواق

وفك العجلة لقى تيل فرامل عايز يتغير

غيرهولى وانتهت المشكلة ومبآش فيه صوت

يمكن الحل ده مينفعش معاك بس انا قولت اوضح للعلم

و السلام عليكم ورحمة الله وبركاته

شكرا للتوضيح يا باشا .... بس انا عندي الصوت من ورا مش من قدام

[tarek_2005]

غالباً هتلف وتدور وهيطلع عيب مساعد علشان انا لفيت ورا الصوت ده كتير ومرحش الا بتغيير مساعدين خلفي

[Mahmoud.Fathy]

طب انا هستني عليه شوية بقي لانى مش مزعج اوى دلوقتى

[tarek_2005]

متستناش عليه كتير علشان ميشرخش كارتيرة

[truss]

خلى واحد بتاع عفشة كويس يركب العربية و يسمع الصوت و يبص على العفشة اللى ورا و يتأكد ان كل حاجة سليمة, لأنه ممكن يطلع الموضوع بسيط و يكون فيه كاوتشة مقطوعة او حاجة زى ما قولتلك

[Mahmoud.Fathy]

شكرا ليكم كلكم .... انا هحاول اسمع الصوت كويس واوصفه اكتر عشان اما اروح للعفشجي اكون عارف الصوت جاى منين لانه مش بيظهر على طول

[Ahmed_BYD_F0]

شكرا ليكم كلكم .... انا هحاول اسمع الصوت كويس واوصفه اكتر عشان اما اروح للعفشجي اكون عارف الصوت جاى منين لانه مش بيظهر على طول

ربنا معاك

وابقى قولنا العفشجى قالك ايه

وحل المشكلة دى ازاى عشان نستفيد

[madany]

شوف الشكمان مربوط كويس ولا لأ

[weza68]

المفاجأة يا باشا ممكن يكون الهواء في الكاوتش عالي
جرب تظبط ضغط الهواء في مكان مظبوط وياريت يكون نيتروجين على 35 وجرب وكله يبقى تمام ان شاء الله
المخلص
معتز

[mailo]

35 كتير
لانوس بتظبط على 32