حامل الاكواب

[mummy_47]

معلش يا جماعة انا عندي استفسار ممكن يكون مش مهم لكن بيضايق وخصوصا اني لما كنت مسافر مطروح حسيت انها مشكلة فعلا فارجو نصيحتكم...انا عربيتي نوبيرا اوتوماتيك وفيها حامل اكواب مزدوج..وحامل الاكواب ده اصبح سايب يعني مش شغال بيعلق على طول ومش بيعشق في مكانه...يعني اما الواحد بيكون مسافر بيحب يشرب كوب شاي او عصير فاكيد حامل الاكواب ده مهم..ومش عايزكم تضحكوا عليا..فهل يوجد حد كويس يقدر يصلحة من غير ما يبهدل الطابلوه الابنوس بتاعها..
مع خالص شكري

[masafi5]

لا لا انسي عندي برضو معلق ومبيمسكش مكانة

[ads]

انا كان عندى مابيطلعش الا لما تشده بأديك وفكيته لاقيته عباره عن مجرتين بيجرى عليه الحامل وقطعة بلاستيك ركبه على سوسته الى بتدفع الحامل لما تضغط عليه وقطعة البلاستيك هى الى بتمسك الحامل لما تضفطه لجوه المهم زيت المجرتيت ب aki وشديت السوسته شويه علشان تدفع الحامل بقوه اكتر وجمعته تانى وجربته لاقيته شغال ذى الساعه

[mummy_47]

انا كان عندى مابيطلعش الا لما تشده بأديك وفكيته لاقيته عباره عن مجرتين بيجرى عليه الحامل وقطعة بلاستيك ركبه على سوسته الى بتدفع الحامل لما تضغط عليه وقطعة البلاستيك هى الى بتمسك الحامل لما تضفطه لجوه المهم زيت المجرتيت ب aki وشديت السوسته شويه علشان تدفع الحامل بقوه اكتر وجمعته تانى وجربته لاقيته شغال ذى الساعه

طيب قولي عملته عند مين عشان انا معرفش اعمل ده لوحدي

[ads]

طيب قولي عملته عند مين عشان انا معرفش اعمل ده لوحدي

انا عملته بنفسى لاكن ممكن اى كهربائى يفكهولك ويظبتهولك

[mummy_47]

يعني انا لو شديته هيطلع معايا بسهوله ولا لازم افك الوش الابنوس الاول وافك التسجيل

[ads]

يعني انا لو شديته هيطلع معايا بسهوله ولا لازم افك الوش الابنوس الاول وافك التسجيل

هتفك الوش الابانوس وهوه عباره عن كلبسات بيركب بالضغط وهتلاقى مسمارين فى الجنبين فى وش الدرج بتاع الحامل هتفك المسمارين وتشد الدرج بس براحه علشان ممكن يكون قافش مكانه وممكن يكسر وبعد ما طلعه بره هتلاقى عليه وش بلاستيك ممسوك ب4 مسامير هتفك الاربع مسامير هتلاقى الحامل من جوه هتسحبه لبره هتلاقى المجرتيين وفى الدهر هتلاقى قطعة استنلس مسكه قطعة بلاستيك وبينهم سوسته صغيره هى الى بتدفع الحامل لبره لما تتدوس عليه وقطعة البلاسنيك هى الى بتمسك الحامل لما تزوقه لجوه هتجرب الجزاء ديه سليمه ولا لاء وبتقوم بوظفته ولا لاء وزى ما قلتلك انا شديدت السوسته شويه علشان الحامل عندى مكنش بيطلع الا لما اشده وزيت المجريتين بزيت aki بتاع الكاسيت وجمعته والحمد لله اشتغل زى الفل

[mummy_47]

الف الف شكر ليك وانا هجرب وان شاء الله يظبط

[ads]

الف الف شكر ليك وانا هجرب وان شاء الله يظبط

اطمن الموضوع سهل جداً بس عايز شويه حساسيه فى الفك والتركيب علشان ماتكسرش حاجه او تجرح حاجه وبالتوفيق

[maged]

طيب انا كمان عندى طفاية السجاير اللى فى التابلوه جزء منها اتكسر يعنى انا مش بدخن سجاير انما شاريها كده الكسر فى الحرف اللى بيدخل فى المجرى بتاعة التبلوه يعنى الكسر فى الطفايه نفسها وبتبقى سايبه اى مطب تخرج من مكانها
فهل يمكن تغييرها او موجوده اشتريها شكرا

[ads]

طيب انا كمان عندى طفاية السجاير اللى فى التابلوه جزء منها اتكسر يعنى انا مش بدخن سجاير انما شاريها كده الكسر فى الحرف اللى بيدخل فى المجرى بتاعة التبلوه يعنى الكسر فى الطفايه نفسها وبتبقى سايبه اى مطب تخرج من مكانها
فهل يمكن تغييرها او موجوده اشتريها شكرا

اسئل عليها عند بتوع قطع الغيار او بتوع الاستيراد زى ابو هاشم الى فى ش العشرين

[Akram]

هتحتاج تغير حامل الأكواب

مشكلة ان حامل الأكواب مش بيطلع غير مشكلة انه مش بيدخل للآخر ,
المشكلة الأولى اتحلت بالتنظيف و شد السستة ,
لكن المشكلة التانية في الغالب هيحتاج يغير حامل الأكواب لانه لما بيدخل للأخر بيبقى فيه شفة صغير هي اللي بتمسكه و هتلاقيها مكسورة ,
انا كان عندي المشكلة دي و اشتريت حامل أكواب استيراد من ابو هاشم اللي في العشرين و كان بـ 40ج من شهرين و خلعت القديم و ركبت الإستيراد ,
و زي ما ads قال على طريقة فك الوش بس خللي بالك إن أهم حاجة هي أن الوش ليه كلبسين من فوق و اتنين من تحت فلازم تفكهم بالراحة.

هتفك الوش الابانوس وهوه عباره عن كلبسات بيركب بالضغط وهتلاقى مسمارين فى الجنبين فى وش الدرج بتاع الحامل هتفك المسمارين وتشد الدرج بس براحه علشان ممكن يكون قافش مكانه وممكن يكسر وبعد ما طلعه بره هتلاقى عليه وش بلاستيك ممسوك ب4 مسامير هتفك الاربع مسامير هتلاقى الحامل من جوه هتسحبه لبره هتلاقى المجرتيين وفى الدهر هتلاقى قطعة استنلس مسكه قطعة بلاستيك وبينهم سوسته صغيره هى الى بتدفع الحامل لبره لما تتدوس عليه وقطعة البلاسنيك هى الى بتمسك الحامل لما تزوقه لجوه هتجرب الجزاء ديه سليمه ولا لاء وبتقوم بوظفته ولا لاء وزى ما قلتلك انا شديدت السوسته شويه علشان الحامل عندى مكنش بيطلع الا لما اشده وزيت المجريتين بزيت aki بتاع الكاسيت وجمعته والحمد لله اشتغل زى الفل

[Akram]

ده تليفون ابو هاشم : 37235900
و ده تليفون واحد شغال في المحل اسمه حمدي : 0162229191

و على فكرة فيه كذا محل يعني ممكن تسأل عند أكتر من واحد أو لو انت قريب من الحرفيين هتلاقي محلات كتير.

[mummy_47]

الف الف شكر يا استاذ اكرم ..طبعا حضرتك تقصد شارع العشرين اللي في فيصل