مقصات للنوبيرا 2

[broadband]

رحت امبارح اظبط زوايا ف الصنايعى قالى اطلع غيير المقصات الاول
و هاتها من التوكيل اللى فى العباسية احسن ب 550 جنيه
و طبعا انا سألت بره و لقيت ب 230 و 280 جنية
و قريت فى المنتدى ان مافيش حد مرتاح سواء اشترى المقصات الاصلية او عمل تعديل

و انا عارف ان النوبيرا مشكلتها عفشتها بس هل مازالت مشكلة ام تم حلها ؟؟؟؟
و ايه الحل النهائى علما بأن سواقتى هادية جدا و مش بامشى فى شوارع مكسرة الا للضروروة

و مشكورين

[ahmed.zahra]

معظم الأعضاء هنا بيشكروا في المقصات الأسباني أكتر من الأصلي و بيقولوا موجودة عند نافع في شارع دمشق و أبو الحسن في بين السرايات و تقريبا بسعر الأصلي شوف الأنسب لك و الأقرب لك و تعامل

[broadband]

تشكر على ردك و لكن هل المقصات الاسبانى حد جربها مدة طويلة اكتر من سنة مثلا

[ahmed.zahra]

كتير و أكتر من سنة و الكل بيشكر فيهم حتى العفشجي المحترم حيقولك هات الأسباني

[ebrahim_mh]

يا جماعة انا رأيى اجيب جلب كويسة الكورى الاصلى بـ 150 جنيه غير المصرى اللى بـ 65 جنيه
واركبهم عند العفشجى اكبسهم عند الخراط بـ 20 جنيه ده فى حالة لو البيضة كويسة وكده اوفر فلوس عشان موضوع جلب النوبيرا ديه قصص وبعدين فة المقص عبارة عن حديد متركب فيه جلب وبيض

[broadband]

انا احترت !!!!!!</b>

[ahmed.zahra]

و الله لو المقصات اللي عندك حالتهم كويسة يبقى غير جلب بس و هات الجلب الأصلي جي إم من التوكيل و بيتعمل لها تقويه بجلب شيفرولية الدبابة و بتبقى كويسة و بتعيش انما لو المقص كله تعبان يبقى غيره كله.

[mahmoudysf]

انا بعد الحيرة دي
غيرت الجلب gm اصلي
والحمد لله الدنيا تمام لغاية دلوقتي
رغم اني بمشي يوميا 2 كيلو حتت مكسرة تهد عفشة بي ام
وبالمناسبة العفشجي لما شافهم قال اول مرة حد يجبلي جلب بالنضافة دي
كلو بيجيب اي جلب ويرجع يشتكي من العفشة
لدرجة وانا عندو كان فيه واحد جاي بنوبيرا بيقولة عايزين نغير مقصات
قالو لا روح هات جلب زي دي

[ahmed.zahra]

مبروك عليك يا باشا و فعلا الجلب الجي إم نضيفة بجد. جبتهم منين و بكام عشان الكل يستفيد

[broadband]

مبروك العفشة و ربنا يحميك من المطبات و الشوراع المكسرة
و ياريت لو فيه صورة للجلب gmيبقى كتر خيرك
ازاى نعرف انها gm اصلى و لا مضروب

[shekooo]

الحل النهائى مقصات اسبانى 450 جنيه من عند المنير او ابوالحسن واشترى دماغك لانى اتعذبت فى المقصات الرخيصة والجلب والحمد لله دلوقتى تمام بس وانت بتركبهم هات للعفشجى جلب كوتش دبابة 15 جنيه يقوى بيهم المقصات اكتر وربنا يوفقك