اتخنقت من النوبيرا

[rasboten]

الحمد لله غيرت المساعدين اللى ادام ب 2 جى ام اصلى ومقصين جداد اصلى لكن فى حاجتين
الاولى : العربيه بقت ناشفه اوى وبسمع الدبه مع اى نقره
التانيه : ملهاش علاقه بالاولى لقيت تسريب زيت تحت العربيه خفيف اوى رحت كشفت على كل حاجه لحد ماكتشفت انه تسريب بسيط من الكارتيره والميكانيكى فكها وجاب معجون لحام وحطه على الاطراف وركبها تانى وقالى تمام

محتاج اسمع تعليقاتكم على الحاجتين اللى فاتو لانى بجد اتخنقت من العربيه وبفكر ابيعها مع انها والله زى الزيرو

[rasboten]

حد يفيدنى يا جماعه بالله عليكم فى النقطتين اللى بسأل فيهم
وكل سنه وانتم وكل الناس طيبين

[broadband]

يا باشا العربية اللى معاك موديل عالى 2008 و انت اتخنقت منها .. امال اللى معاه عربية موديل 70 او 80 يعمل ايه .
اللى انت عملته ده عادى جدا و يعتبر استهلاك العربية فلازم تجرى صيانة كل فترة
و ربنا يحافظلك عليها
و المشكلة تنبع من التقفيل المصرى الغير متقن مش من العربية

و انا بحاول لما اشترى حاجة لعربيتى ادور علىها استيراد الاول و اشوف حاجات النوبيرا البريميوم
و دى اللى بتنزل امريكا و هناكمش بينزلو اى حاجة زينا
و ماتتخنقش من العربية ... عادى جدا

[rasboten]

طيب الميكانيكى قالى ان دى ملهاش جوان وحط معجون حرارى ما بين الكارتيره وجسم العربيه

والاستفسار التانى بتاع نشوفيه العفشه

[M.Alaa92]

نشوفية العفشة عااادى المساعدين لسة جداااد... شوية و حيريحو ان شااء الله و تاابع تسريب الزيت لو لقيتو وقف يبقى تماام موقفش يبقى تغير الكارتيرة و تريح دمااغك

[ahmad--ezzat]

و المشكلة تنبع من التقفيل المصرى الغير متقن مش من العربية

و انا بحاول لما اشترى حاجة لعربيتى ادور علىها استيراد الاول و اشوف حاجات النوبيرا البريميوم
و دى اللى بتنزل امريكا و هناكمش بينزلو اى حاجة زينا
و ماتتخنقش من العربية ... عادى جدا

مال التقفيل بالموضوع ؟
وبعدين مينفعش الراجل يجيب مساعدين ستيراد خصوصا ان فى حجات للعربيه جديده احسن من الفابريقه زى المساعدين والمقصات مثلا

وبعدين انا مش عارف ليه صاحب الموضوع جاب الجى ام ...كان قدام اختيارات افضل بكتيير...وطالاما فى دبدبه من الامام يبقى اكيد فى حاجه غلط لان المساعدين ال kyb والمونرو اللى اصلا ناشفين مش بيدبوا مع النقر
روح للعفشجى تانى
واتاكد ان تسريب الزيت مش من الاسكترا وخليه يراجع على الجوانات

وجرب اغسل العربيه من تحت ب 10 جنيه بالميه فقط فى اى بنزينه

[rasboten]

مال التقفيل بالموضوع ؟
وبعدين مينفعش الراجل يجيب مساعدين ستيراد خصوصا ان فى حجات للعربيه جديده احسن من الفابريقه زى المساعدين والمقصات مثلا

وبعدين انا مش عارف ليه صاحب الموضوع جاب الجى ام ...كان قدام اختيارات افضل بكتيير...وطالاما فى دبدبه من الامام يبقى اكيد فى حاجه غلط لان المساعدين ال kyb والمونرو اللى اصلا ناشفين مش بيدبوا مع النقر
روح للعفشجى تانى
واتاكد ان تسريب الزيت مش من الاسكترا وخليه يراجع على الجوانات

وجرب اغسل العربيه من تحت ب 10 جنيه بالميه فقط فى اى بنزينه

التسريب طلع من الكارتيره بتاعه زيت الموتور بتعرق خفيف والميكانيكى فكها وحط معجون زى الجوان وربط تانى

اما المساعدين انا ملقتش ادامى الا الجى ام فجبتهم لكن انا حاسسهم ناشفين اوى مع الطريق ومش عارف اعمل ايه

[rasboten]

معلش يا جماعه بس انا ليا استفسار انا بعد ما الراجل فك الكارتيره ونضفها وحط سيلكون حرارى وركب اكتشفت وجود تعريق خفيف على الكارتيره من تحت ومش عارف هل فى جوان للكارتيره ولا هو السيلكون كفايه ولا ايه؟
وهل ده هيأثر على الزيت مع انى لسه مغيره من 200 كيلو بس

[ahmad--ezzat]

ياافندم عادى طالاما خفيف متقلقش

هتلاقيه خفيف وناشف دة عادى

لو بيسرب بقى دى حاجه تانيه

تابعه دايما