مشاكل بسيطة في العربية و لكن تزهق و تطهق

[gassarian]

من حوالي شهر صلحت التكييف و كان فيه تسريب من الكومبريسور نفسه من حاجة كدة من أسفله و من بعدها التكييف شغال تمام ...........
المشكلة في إن العربية بتبقى خشنة و تقيلة لما بشغل التكييف و لما بدوس مثلاً بنزين دوسة خفيفة بسمع صوت كأن مروحة بتعمل فووووو.....و بعدين و الأر بي إم راجع بسمع صوت خشونة أو حكة شوية..........غير كدة العربية و هي ماشية بتبقى ممتازة...............طبعاً الأصوات دي كلها و تقل العربية زهقتني لأن في الزحمة العربية بتبقى على طول في لفات الموتور اللي حوالين الموضوع ده............

الحاجة التانية الشكمان عندي غيرته كله من 6 شهور بالوصلة الأمامية و بديل البيئة سعودي و ركبته من غير لحامات..............المهم من ساعتها و تزميدة مستمرة بتزيد أو تقل في بعض الأوقات و بتحصل عند أر بي إن 1700 بالظبط و خصوصاً في الراجع............و غير كدة في صوت عند ال2500 بعدها كأن علبة خفيفة( صوت رفيع كدة) و مش قادر أوصفه......................بتاع الشكمان (غباشي في الإسكندرية) كان غير لي الوصلة الأمامية بواحدة تانية و محصلش تغيير من ناحية التزميدة فقال لي دي قواعد الموتور..............زمع العلم إن الموتور ثابت و ممتاز على السلانسية و في المشي ما عدا عند عدد اللفات اللي قلت عليه بس بتحصل التزميدة .....كأن إهتزازة الشكمان بتسمّع في جسم العربية

على السريع من بعد ال 90 بسمع صوت ووووووو و اطي شوية بيروح و ييجي بإنتظام و يعلي و يوطي بإنتظام طول العربية ماشية............أما فكرت في الرولمان بلي أو العجل و راجعت هوا العجل ( نيتروجين) و البلي اللي قدام لسة متغير من حوالي 6 شهور برضه

الحاجة الأخيرة هي بسمع صوت خفيف عند مروحة التكييف اللي في التابلوه تحت الراكب الأمامي زي ميكون حاجة بتفور أو بتسرب و لكن التكييف شغال حلو و الصوت بقاله حوالي 3 أسابيع

[drmagieed]

متابع

[Mahmoud.Fathy]

هو طبيعي ان العربية تتقل شوية وسحبها يضعف والتكييف شغال .... لكن الاصوات اللى انت بتسمعها دي وانت مشغل التكييف بس ولا من غيره كمان ؟؟؟

[popahly]

الحاجة التانية الشكمان عندي غيرته كله من 6 شهور بالوصلة الأمامية و بديل البيئة سعودي و ركبته من غير لحامات..............المهم من ساعتها و تزميدة مستمرة بتزيد أو تقل في بعض الأوقات و بتحصل عند أر بي إن 1700 بالظبط و خصوصاً في الراجع............و غير كدة في صوت عند ال2500 بعدها كأن علبة خفيفة( صوت رفيع كدة) و مش قادر أوصفه......................بتاع الشكمان (غباشي في الإسكندرية) كان غير لي الوصلة الأمامية بواحدة تانية و محصلش تغيير من ناحية التزميدة فقال لي دي قواعد الموتور..............زمع العلم إن الموتور ثابت و ممتاز على السلانسية و في المشي ما عدا عند عدد اللفات اللي قلت عليه بس بتحصل التزميدة .....كأن إهتزازة الشكمان بتسمّع في جسم العربية

دا نفس الصوت اللى بسمعه بعد مغيرت علبة البيئة بماسورة برضوا وغيرت بعدها قواعد الموتور لإنها كانت تعبت فعلاً ولكن التزنيدة دى زى مهى أعتقد كدا إننا المفروض نعمل عازل بين الماسورة وجسم العربية مش عارف الخبراء يفيدونا..

[gassarian]

مفيش خبراء و لا إيه؟؟؟؟؟

أنا رحت لكذا واحد بتاع شكمان............و الميكانيكي بتاعي و الزراني (مركز صيانة معتمد) .....و النتيجة: كل بتوع الشكمان أجمعوا إن المشكلة في قواعد الموتور أو قواعد الفتيس......................و كل الميكانيكية أجمعوا إن المشكلة في الشكمان و إن القواعد دي مية مية و مفيهاش أي مشكلة..................

أصدق مين أنا بقى؟؟؟؟ فريق الشكمانجية و لا فريق الميكانيكية و............و لا أولع في نفسي...............
الكل أجمع إن فيها تزميدة و لكن ...................

أنا عن نفسي مقتنع تماماً إنها من الشكمان لأنها مكانتش موجودة قبله ............بس برضو ساعات في حاجات بتحب تبوظ في وقت تصليح حاجة تانية عشان تجننك.................

[gassarian]

الأسبوع اللي فات كلمت غباشي و قلت له أنا عايز أغير الشكمان عشان أنا قرفت منه............المهم رحت له و قلت له على التزنيدة دي و الرنة اللي في العربية................المهم غير لي العلبة اللي في النص بواحدة تانية الزاهارنا و قال لي دي بيركبها التوكيل أو أبو اليزيد، الإتنين واحد..............المهم الرنة ( الصوت الرفيع اللي قلت عليه فوق ده) راحت و لكن التزنيدة زادت قوي و بقت زبالة...................
المهم رجعت له تاني المهم قال لي دي مشكلة في ميكانيكا و قال لي إنه عنده ميكانيكي هيشتغل معاه في المركز الجديد كان شغال في الصفوة أصلاً و جاي الأسبوع اللي جاي( اللي هو النهاردة يعني) ............أنا قلت أروح و خير ان الميكانيكي (مش مهم كويس أو لا) هيبقى موجود و الشكمان في نفس المكان بدل التلقيفة اللي كانوا بيلقفوها لي................
المهم الميكانيكي قال مش عارف.......أنا قلت للغباشي إني شاكك في علبة بديل البيئة ، المهم قال لي نجرب عنده علبة بيئة مستعملة و لسة عاملين لها حشو و نشوف..............المهم سبحان الله التزنيدة راحت و كله بقى تمام ما عدا صوت تنفيس بسيط بكرة هعمله عند أي واحد بتاع شكمان أحسن أنا زهقت من المشوار بتاع غباشي ده

الحمد لله طلع التزنيدة دي كلها من بديل البيئة المقرف اللي قرفني في العربية بقالي زي 9 شهور دلوقتي

[popahly]

ايه هو البديل اللى كنت مركبه؟ ماسورة ياعنى؟

[gassarian]

علبة إسمها بديل البيئة