فتيس اللانوس الأوتوماتيك

[hazemsabry]

السلام عليكم
انا عربيتى لانوس 2000 اوتوماتيك و عندى لمبة فى التبلوه بتاع العربية اسمها pwr
بتنور معايا بعد فترة من المشى فى الجو الحار ويبدأ الفتيس ينتش عند كل نقلة والمهم اللمبة دى مش بتبطل غير لما ابطل العربية وارجع ادورها تانى متنورش ولا كأن فى اى حاجة حصلت ورحت لميكانيكى صاحب ورشة كبيرة كشف بالكومبيوتر قال ده عيب الحساس الداخلى وأشترى سبراى تنضيف ونضف جميع الفيش والحساسات الظاهرة فقط واصبحت العربية زى الفل لمدة أسبوع ورجعت ريما لعادتها القديمة أرجوكم أفيدونا علشان محدش يشتغلنى وأصرف فلوس فى الفاضى

[ahmed_mido1889]

غيرت زيت الفتيس اخر مره امتي؟؟
وفلتر الزيت

[hazemsabry]

شكرا لردك ياأستاذ أحمد . الفتيس اصلا كله أستيراد من 5 شهور

[ahmed_mido1889]

طيب غيرر زيت الفتيس واللمصفه او الفلتر بتاعه وشوف ايه الاخبار

[hazemsabry]

ما هى اللمصفة؟

[ahmed_mido1889]

في عربيات بيبقي فيها مصفه زيت وفي بيبقي فلتر

[tarek_2005]

عيب فتيس وياريت لو تلحق ترجع بيه للي اشتريته منه

[ece_o_nail]

برجاء التاكد من شحنة الدينمو وهل يوجد اى مشاكل فى كهربة السيارة (البطارية ودائرة الشحن ) لانه كان عندى عيب مماثل بسسب ان كابل الشحن مطلوب لحامة من جانب الدينمو عشان مش بيوصل جيد

[Ahmed_Rahem]

طب انا اللمبة مش بتنور عندى اصلاً ممكن يكون اية؟

[Ahmed Nasser]

زيت الفتيس ناقص هتزودة والمشكلة هتتحل
نفس المشكلة حصلت مع واحد صاحبى وكان الزيت ناقص