نوبيرا بتبطل علي السلانسيه

[BlueNova]

نوبيرا 2 موديل 2000 ... 1500 cc
العربيه من فتره كانت بتقطع علي طول والميكانيكي قال غطاء التكيات كان بيجيب زيت واتغير وبقت تمام لفتره بعدها باسبوع رجعت تقطع وتبطل علي السلانسيه اول ما ادور تبطل او لما ادوس دبرياج عشان انقل وانا سايق
عملت كشف كمبيوتر قالي البوابه تتغير غيرت البوابه مره مفيش فايده .. رجعت الاولي وجبت واحده تانيه مفيش فايده برده .. معقول الاتنين بايظين ؟

كشفت علي الضفيره مفيهاش مشاكل بس الكهربائي قالي عاوزه كنترول عشان مش معقول البوابتين مش شغالين

شايفين ايه الحل دلوقت يا جماعه ؟

[lanos2004]

مش عاروز حاجه-خالص غير انك تنضف الايدل-اولا-ثانيا لو بطلت اعمل ريجلاش لمسمار البوابه وريح نفسك -وهيه مش هتبطل تانى-الكنترول مالهوش فى الكلام دة-واخر حاجه ممكن تبوظ هيه النترول -

[BlueNova]

الميكانيكي نضف الحساسات كلها واكيد نضف الايدل ولسه زي ما هيه ولو المشكله في البوابه فا هي اتغيرت مرتين .. الاتنين بايظين ممكن ؟

لمبة check منوره والتكييف بيبهدل الدنيا لما بيشتغل وفي ريحه دخان في العربية

[M.Al-Hefnawy]

كده أنت محتاج تغيير موبينة وسلوك بوجيهات وان شاء الله تبقى تمام.

[broadband]

الميكانيكي نضف الحساسات كلها واكيد نضف الايدل ولسه زي ما هيه ولو المشكله في البوابه فا هي اتغيرت مرتين .. الاتنين بايظين ممكن ؟

لمبة check منوره والتكييف بيبهدل الدنيا لما بيشتغل وفي ريحه دخان في العربية

طالما في ريحة دخان يبقى في تسريب زيت من الموتور. اكشف مكان التسريب
و ثانيا ممكن تنضف البوجيهات و تجرب و تشوف حاتعمل ايه معاك

[FAR!D]

على فكره ممكن فعلا البوابتين اللي انت جبتهم بايظين لاني جربتها في كباس تكييف نوبيرا جبت اتنين بيظين على الارض كبسهم حلو و لما يركبوا ملهمش لازمه لدرجت اني شكيت في الصنايعي انه مش فاهم حاجه لحد ماربنا كرمني بكباس تالت الحمد لله لسه زيرو مخلوع من مكنه ليجانزا اشتغل زي الفل فالاقصد انه ممكن يكون وارد ان البوابه تجبها بايظه عادي

[mahmoudysf]

مش عاروز حاجه-خالص غير انك تنضف الايدل-اولا-ثانيا لو بطلت اعمل ريجلاش لمسمار البوابه وريح نفسك -وهيه مش هتبطل تانى-الكنترول مالهوش فى الكلام دة-واخر حاجه ممكن تبوظ هيه النترول -

حركة الريجلاش دي ملهاش لازمة
كدة كدة الكنترول المفروض بيظبط السلانسية

[BlueNova]

كشفت كمبيوتر مقالش ان في حاجه في الموبينه والبوجيهات والسلوك اتغيرت وبرده لسه نفس الموضوع

[Mahmoud.Fathy]

حاول تجيب موبينة من عند الميكانيكي بتاعت اى عربية تانية بتتصلح عنده وركبها وجرب ,,,, احتمال كبير تكون هي

[lanos2004]

حركة الريجلاش دي ملهاش لازمة
كدة كدة الكنترول المفروض بيظبط السلانسية

الرجلاش دى حل يدوى علشان العربيه متبطلش وهوة ماشى -وميلاقيش فرامل ولا بور

[lanos2004]

قولى عربيتك فيها egr

[BlueNova]

معرفش فيها ولا لا
انا كنت مغير الرشاشات برشاشات فيرنا قريب ورجعت الرشاشات بتاعت العربيه تاني

مبقتش تبطل ولا حاجه سبحان الله بس لسه اللمبة منوره وبتقطع

[BlueNova]

طب وبعدين ؟

[tarek_2005]

لمبة التشك = اسكان
بشرط يكون عند حد بيفهم