استفسار ضرورى ومستعجل من جميع الاعضاء

[zomzom11]

اولا شكرا لكل من سيساهم فى الاستفسار بس ياريت الى يقول يكون جرب او متاكد
ان شاء الله ناوى اشد العربيه كلها سمكره ودوكو وحابب انى اغير العفشه الاماميه لعفشة نوبيرا تمهيدا لتعديل الفرامل وهاغير لجنوط 14
اولا اقترح على صديقى اشترى جنبين كاملين نوبيرا واركبهم واركب عليهم الجنوط ال 14 وكده يبقى الموضوع سهل رايكم ايه فى الموضوع؟
ثانيا اقترح على اخر انى اغير الجنوط الاول ل 14 ولما العفشه تستوى عندى ابقى اغير ل نوبيرا ايه رايكم؟
مش عارف بقى اصلا التغير ده هايفرق جامد ولا لان فى ناس قالولى هاتعدل فى الفرامل بس هاتضعف العفشه
ياريت حد يفيدنى لانى ناوى ان شاء الله ابدأ بعد العيد على طول والعجل لاخلفى عندى استوى ومش عاوز اشترى جديد لانى بجد ناوى اغير لجنوط اسبور ومش عاوز اجيب 13 وبعد فتره اغير لجنوط 14
ياريت رايكم وارائكم تكون عن تجربه او متاكدين منها
شكرا للجميع وتقبلو تحياتى

[MMamdouh]

1- عفشة النوبيرا متركبش على اللانوس

2- لو عفشتك كويسة هات الجنوط و تغيرش العفشة دلوقتى

3- تركيب جنط 14 حاجة و تعديل الفرامل حاجة تانية... حدد انت عايز تعمل ايه

4- تركيب جنط 14 و/او تعديل الفرامل ملوش علاقة باضعاف العفشة

MMamdouh

[mailo]

شوف ياسيدي أنا والحمد لله ابتديت بأول مرحلة
هاركب الكاوتش ال 14 يوم السبت بالكتير إن شاء الله

بالنسبة بقى للتعديل نفسه اللي أعرفه إن النوبيرة مختلفة عننا عشان كده مش هتركب
أنا كنت لسة بأتكلم مع ممدوح على الكلام ده أول امبارح
ف اللي أنا هعمله كالاتي

الطنابير
-عندك طنابير لانوس 1600 أو سبيرو تقريبا
بس أنا بدور علي
-opel vectra a أو b ودي عشان تبقى الماني وتكون خامات كويسة ويكون فيه بديل نضيف

الكالبرات
-بتوع opel وفالحالة دي هتجيب التيل بتاع opel وده الرمسا ب 120 كويس بس مش الأصلي زي الجولد بتاعنا كده معرفش الأصلي بكام
-بتوع سبيرو عشان تركب تيل نوبيرة وده ب 160 الأصلي وإن شاء الله ده اللي أنا ناوي أعمله

الكاوتش والجنوط
-14-60-185 أنا هاركب goodyear
الجنوط سبور ب 1600 بس حلوين والحديد من 350 ل 400
-15-55-195
الجنوط من 2200 وإنت طالع

[zomzom11]

شكرا لكل من ساهم فى الموضوع
امال الى قالى هات جنبين كاملين نوبيرا استيراد تبقى انت كده حولت الفرامل كلها للافضل انا كنت فاكر اننا بنعدل يعنى بنوصل لكده ولا انا فاهم غلط؟
يعنى اركب الجنوط ال 14 والكاوتش ال 14 مؤقتا وبعدين ابقى اعدل الفرامل؟
طب افضل مقاس للكاوتش يبقى كام لانى مش عاوز احط علايات وهو ينفع احط 15 زى ما حضرتك زكرت؟ انا كنت فاكر ان اللانوس اخرها جنط مقاس 14 ؟

[Karim Ibiza]

اولا شكرا لكل من سيساهم فى الاستفسار بس ياريت الى يقول يكون جرب او متاكد
ان شاء الله ناوى اشد العربيه كلها سمكره ودوكو وحابب انى اغير العفشه الاماميه لعفشة نوبيرا تمهيدا لتعديل الفرامل وهاغير لجنوط 14
اولا اقترح على صديقى اشترى جنبين كاملين نوبيرا واركبهم واركب عليهم الجنوط ال 14 وكده يبقى الموضوع سهل رايكم ايه فى الموضوع؟
ثانيا اقترح على اخر انى اغير الجنوط الاول ل 14 ولما العفشه تستوى عندى ابقى اغير ل نوبيرا ايه رايكم؟
مش عارف بقى اصلا التغير ده هايفرق جامد ولا لان فى ناس قالولى هاتعدل فى الفرامل بس هاتضعف العفشه
ياريت حد يفيدنى لانى ناوى ان شاء الله ابدأ بعد العيد على طول والعجل لاخلفى عندى استوى ومش عاوز اشترى جديد لانى بجد ناوى اغير لجنوط اسبور ومش عاوز اجيب 13 وبعد فتره اغير لجنوط 14
ياريت رايكم وارائكم تكون عن تجربه او متاكدين منها
شكرا للجميع وتقبلو تحياتى

مش هقدر افيدك غير فى موضوع الجنوط بس لانى معرفش نظام العفشة فى الدايو ايه

مبدئيا, لو هتجنط سبور يبقى خليك فى ال 15 عشان تحس بفرق فى الشكل والثبات ومتخفش على العفشة زى ما هتلاقى ناس تقولك ان كده كتير عليها وهيهدها والكلام ده, اهم حاجة عشان تحافظ على العفشة ان الجنط اللى هتركبه يكون وزنه زى ال 13 الاصلى اللى راكب فيها حاليا بس بدون كاوتش او اخف وده المفروض يكون الطبيعى لان الجنط الاصلى حديد والجنط الاسبور الومينيوم وطبعا بيكون اخف وابعد عن الجنوط الصينى لانها مش الومينيوم وبتكون معمولة من خامات خفيفة بس ضعيفة, حاول تشوفلك حاجة اوريجينال استعمال تكون فى حالة نظيفة زى bbs, momo, o.z ومتستغربش لو لقيت سعره زى ال 15 الجديد التايلاندى او الماليزى

وبرده فى حاجة تانية عشان تحافظ على العفشة والكاوتش ميحكش فى الرفرف او المساعد لازم تركب مقاس كاوتش مظبوط يعنى ميعليش العربية ولا يوطيها عشان كمان ميفرقش معاك فى عداد السرعة

قوللى مقاس الكاوتش اللى راكب فيها دلوقتى وانا اقولك الموازى ليه فى ال 15 يبقى كام

وشكرا

[MMamdouh]

امال الى قالى هات جنبين كاملين نوبيرا استيراد تبقى انت كده حولت الفرامل كلها للافضل

مش هعلق على افتكاسة صاحبك غير بانى اقول "اللهم انى صائم"

انا كنت فاكر اننا بنعدل يعنى بنوصل لكده ولا انا فاهم غلط؟

محدش قال ان التعديل له علاقة بقرامل النوبيرا خالص... التعديل اساسا هو بتاع اللانوس ال1600 اللى قريب جدا جدا من فرامل الاوبل فكترا A و B و دة ملوش اى علاقة بفرامل النوبيرا

يعنى اركب الجنوط ال 14 والكاوتش ال 14 مؤقتا وبعدين ابقى اعدل الفرامل؟

دا احد الحلول المتاحة... الموضوع يعتمد على امكاناتك المادية لو تقدر تعمل كل حاجة مرة واحدة يبقى احسن.

طب افضل مقاس للكاوتش يبقى كام لانى مش عاوز احط علايات

مع جنط 14 مقاس الكاوتش الصح 185/60/14

وهو ينفع احط 15 زى ما حضرتك زكرت؟ انا كنت فاكر ان اللانوس اخرها جنط مقاس 14 ؟

ينفع و انا مركب عندى 15 مع كاوتش 195/50/15

MMamdouh

[zomzom11]

ربنا يباركلك ياباشا ويجعله فى ميزان حسناتك والله الواحد لوا انه صايم كان قالك اكلك منين يا بطه
ربنا يوفقك ويقدرك لخدمة ومساعدة الناس معلش انا كنت فاهم غلط او الى فتالى باينه مش فاهم ان بردو قلت اكيد اصدقاء المنتدى هنا هايفيدونى اكتر خصوصا اصحاب الخبرات زى حضرتك واستاذ طارق
هاتوكل على الله بعد العيد واجيب الجنوط والكاوتش وتقريبا هاجيب 14 عشان الفلوس ولا انت شايف الفرق مش جامد؟
عالعموم لو حد يعرف اسعار او فروق بين ال تكلفة الجنوط والكاوتش فى ال 14 وال 15 ياريت يفيدنا
شكرا لكل من ساهم فى الموضوع وشكرا جداااا لكل من اطلع عالموضوع ولم يشارك حرصا منه على قول الحقائق وعدم الفتى
شكرا للجميع

[tarek_2005]

انصحك ب 14 علشان مقاس الكاوتش متوفر كتير وهناك امامك اختيارات عديدة واسعار كتيرة لكن ال 15 مقاس الكاوتش هيبقي قليل وامامك اختيارات قليلة سعر ونوع

[MMamdouh]

هو فيه فرق طبعا فى الثبات و الاداء بين ال14 و ال15 بس الفكرة ان ال14 ممكن تلاقى منة حديد انما صعب اوى تلاقى 15 حديد و لو لقيت هيبقى غالى فا هيبقى الاقرب تجيب 15 سبور و بالتالى التكلفة هتزيد جامد

زى ما قولتلك الموضوع مرتبط بامكاناتك المادية... الطقم ال15 السبور بيعمل دلوقتى 2200 جنية غير الكاوتش اللى هيخش فى 1800

MMamdouh