كنت هروح فى 60داهية لكن الله سلم

[Eng.Geo]

نفس اللي ممدوح قاله بالظبط بس انا شايف انه الماستر العمومي
السبب الأول ... الفرامل مش هاترجع تاني زي ما حصل عندك
السبب التاني ... انت بتقول انك دوست هوا ... لما بتسخن جامد الدواسة بتنزل بس بتبقي ناشفة شوية مش هوا
السبب التالت ... هو ده اللي حصل عندك وفي الحالة ده لااااااااااااازم تغير الماستر في أسرع وقت

[Mahmoud.Fathy]

حمد لله على السلامة .... وان شاء الله خير .... روح اكشف فالتوكيل

[kashtoot]

اللى يعمل مدة حاجة من 3

اما تيل فرامل خلص... و هنا الفرامل مش هترجع تشتغل تانى معاك و هيبقى فية اصوات احتكاك قوية نتيجة احتكاك حديد التيل بالطنابير

و اما ان التيل سخن جامد نتيجة اجهاد الفرامل بالجرى بسرعة و الفرملة الشديدة بشكل متكرر و هنا الفرامل هترجع تشتغل عادى بسلما الفرامل تبرد

و اما تفويت فى الماستر العمومى و هنا انت و حظك هتعملها معاك تانى امتى و على سرعة كام

mmamdouh

تفويت الماستر العمومى ده أتصرف معاه ازاى ؟ و ده وضع عادى ممكن يحصل و لا لأ؟
والموضوع ده لو اتكرر و أنا ماشى بالعربية أعمل إيه؟

[Sherif Khalifa]

لو لا قدر الله حصل سقط حارة لتحت و تسيب دبرياج مع الاستمرار على كدة لحد ما العربية تكلبش على كدة
يعنى لو على الخامس انزل للرابع و سيب دبرياج و على كدة لحد العربية تيجى على الاول و تتكلبش فى مكانها

[eng_Bondo2]

مبدأيا حمدالله على سلامتك والجمد لله انها جت سليمة
الحركة دى حصلت معايا زمان فى ال128 ، بس لو لا قدر الله حصلت معاك تانى أول حاجة تعملها تشيل رجلك وتدوس على الفرامل تانى و ان شاء الله تفرمل فى المحاولة التانية ، لأن ده غاالبا تفويتة ماستر أو هوا فى الزيت والله أعلم .
ما دمامت العربية جديدة روح التوكيل خليهم يكشفوا على كل حاجة فى دورة الفرامل ، وبعد ما يصلحوها برضه خلي بالك تسيب مسافة كبيرة دايما بينك وبين اللى قدامك احتياطى لحد ما تحس انها فعلا اتصلحت وماعملتهاش تانى

[عقاري الصوابر]

ونذكر فيما يلى عشرة اعطال يمكن أن تصيب الفرامل وأسبابها وكيفية علاجها:
أولا: ضعف أداء الفرامل عند الضغط على الدواسة نتيجة تآكل بطائن الفرامل وعلاجها استبدال البطائن.

ثانيا: طول مسافة تحريك الدواسة وهنا لا بد من اعادة ضبط الفرامل.

ثالثا: عدم الوقوف بالسيارة الا بعد الضغط على دواسة الفرامل عدة مرات وذلك لوجود هواء بدورة الفرامل وانسداد الصمام او تلفه، واصلاحه يكون باستنزاف الدورة او استبدال الياى أو تنظيف الصمام.

رابعا: شدة سخونة الفرامل فى أثناء السير بالسيارة نتيجة ضعف يايات الارجاع أو عدم كفاية الخلوص بين دواسة الفرامل وبين اسطوانة الفرامل الرئيسية، وهنا لا بد من أما تغيير اليايات أو إعادة ضبط الدواسة.

خامسا: صدور صوت عال مزعج من الفرامل فى اثناء استخدامها، وذلك نتيجة لوجود شوائب بالفرامل أو عدم ثبوت مسايد البطائن.

سادسا: أنعدام المقاومة بدواسة الفرامل نتيجة وجود هواء فى دورة الفرامل وعلاجها يكون بخلخلة الهواء.

سابعا: ملامسة الدواسة للارضية برغم ضبطها، وذلك لوجود عطل بأسطوانة الفرامل الرئيسية، وعلاجها يتم بتنظيف الصمام أو استبداله.

ثامنا: التصاق الفرامل وعدم عملها نتيجة بروز المسامير والبرشام المستخدم فى تركيب بطائن الفرامل وعدم شطف نهايات الفرامل بعد اعادة التبطين، وهنا لا بد من استبدال اليايات او اعادة تبطين الفرامل بطريقة سليمة.

تاسعا: عدم انتظار اداء الفرامل بسبب تشرب الفرامل للزيت أو قرص الفرامل غير الثابت ويمكن اصلاحها باستبدال البطائن بجميع الفرامل واعادة ربط القرص.

عاشرا: اشتعال الفرامل ذاتيا نتيجة اختلاط سائل الفرامل بسائل اخر، وهنا يتم استبدال الاجزاء المطاطية وتنظيفها بالكحول وملؤها بسائل فرامل

[MMamdouh]

تفويت الماستر العمومى ده أتصرف معاه ازاى ؟

لو قصدك على طرق الاصلاح فا دة بيتغير لان ملوش تصليح

لو قصدك التصرف و انت سايق... سقط نقلات و رفع الهاند نص رفعة فقط لحد ما العربية تقف

و ده وضع عادى ممكن يحصل و لا لأ؟

لا طبعا مش عادى و مبيحصلش الا لو فية مشكلة فى الماستر

والموضوع ده لو اتكرر و أنا ماشى بالعربية أعمل إيه؟

اساسا من دلوقتى ترجع للتوكيل... العربية فى الضمان و فيها عيب خطير

MMamdouh

[mailo]

اساسا من دلوقتى ترجع للتوكيل... العربية فى الضمان و فيها عيب خطير

mmamdouh

بس يا ممدوح هو لما يروح التوكيل يقولهم المستر بايظ هيقللو لازم نجرب ومش هيرضى يغيروا

[Eng.Geo]

بس يا ممدوح هو لما يروح التوكيل يقولهم المستر بايظ هيقللو لازم نجرب ومش هيرضى يغيروا

والصوت العالي راح فين ؟

[mailo]

والصوت العالي راح فين ؟

الماستر ملوش صوت

[MMamdouh]

بس يا ممدوح هو لما يروح التوكيل يقولهم المستر بايظ هيقللو لازم نجرب ومش هيرضى يغيروا

مهى هى دى المشكلة... وضع طبيعى لتحليل اى مشكلة ان المشكلة لازم تبقى موجودة... و دى حاجة مش سهلة فى الحالة اللى بنتكلم عليها هنا

MMamdouh

[Eng.Geo]

الماستر ملوش صوت

مش الماستر أكيد يعني
انا قصدي صوتي انا كواحد الفرامل هربت منه والتوكيل بيقوله مفيش عيب
وش هاخطفلي واحد من هناك رهينة

[mailo]

مش الماستر أكيد يعني
انا قصدي صوتي انا كواحد الفرامل هربت منه والتوكيل بيقوله مفيش عيب
وش هاخطفلي واحد من هناك رهينة

إذا كان كده يبقى إنت صح
معلش أنا اللي فهمت غلط

[kashtoot]

جزاكم الله خيرا
المشكلة بقى دلوقتى لما أروح التوكيل و يجربوا العربية إحتمال مفيش حاجة تظهر معاهم (لأنى جربت الفرامل بعد المشكلة دى كانت شغالة 100 100).
مش عارف أعمل إيه بصراحة, موضوع الفرامل ده قالقنى جدا
أفيدونى أفادكم الله.

[mailo]

روح احكلهم اللي حصل
لو ماطلوا أو حاجة استعمل نصيحة جو "الصوت العالي " وإنت بتقولهم إنك مش هتستنى لما العربية تحصلها حاجة عشان تصدقوا إن المستر بايظ