صوت ونا خفيفة يبدا من 70

[hamada_5034]

انا عندى صوت ونا (صفرا خفيفة ) لما اكون ماشى على سرعة 70 فيما فوق وبمجرد ما اشيل رجلى من على دواسة البنزين الصوت يروح . معا العلم انة مش بيظهر قبل سرعة 70

وانا مغير بيلى الكاتينة وشداد التكييف وكمان الغيرات كويسة مفيش فيها مشكلة

معا العلم ان عربيتى لانوس اوتوماتيك

[besso33]

طالما الصوت ده بيظهر مع حضرتك وانت ماشي يبقي في الغالب صوت بلية العجل بس انت ركز علشان تعرف الصوت من اي عجلة

[rasboten]

كان عندى نفس مشكلتك وغيرت بلى العجل ببلى صينى الصوت استمر غيرت ببلى skf يابانى وبرده مع العلم انى مغير كل حاجه فى السيور والعفشه وفى الاخر اكتشفت انه من الكاوتش لانه كاوتش غتت وخشن وفتحاته واسعه فبيعمل صوت اتاكد من البلى لو البلى تمام شيك على الكاوتش والله اعلم

[midooo_119]

هو لو بلى هيفضل الصوت موجود حتى لما يشيل رجله

[rasboten]

هو لو بلى هيفضل الصوت موجود حتى لما يشيل رجله

ولو كاوتش برده هيفضل الصوت موجود عموما انا العفشجى قالى كلمه واتاكدت فعلا منها اما تكون على سرعه بطيئه 70 ولا 80 والصوت يظهر يبقى كاوتش اما لو استمر الصوت بعد السرعات دى يبقى بلى عموما شيك على الاتنين وربنا يكرمك وتكون بسيطه

[hamada_5034]

هو فعلا انا لسة مغير الكاوتش الامامى وهو تقريبا نفس الوقت الا بدات اسمع فى الصوت

[hamada_5034]

بس هو دا طبيعى ولا كدة فى مشكلة