ترشيح زيت على عليه الدركسيون...استر يـــــارب

[ahmad--ezzat]

يا جماعه بعد تغيير جوان وش التاكيهات والحمد لله الحياه كويسه ببص بعينى لايت ترشيح زيت على علبه الدركسيون من ناحيه العلبه نفسها (اللى هو الجزء الحديد ) سالت الميكانيكى قالى لا عادى ياباشا ...مطمنتش برضه

رحت بسرعه بصيت علي قربه زيت الباور لايتها مش ناقصه حاجه

هو الترشيح دة عادى ولا ايه يا خونا (انا لسا مغير علبه بقالى شهر ونص )

علما بان الزيت مش بينقص خالص ومش بزوده ....ومش اويل سيل لان الترشيح من الناحيه اليمين

هو فى ايه

وبعيدين !!!!

[i_Am_Legend]

ماتقلقش يا كبير...هاتلاقى اويل سيل ولا حاجة...

[ahmad--ezzat]

غير معجب :)

[i_Am_Legend]

هههههههههههههه...ياعم ماتقلقش..النوبيرا اصيلة..وحاجنها بتعيش..من العربيات الكوري المحترمة جداا..وخامتها الداخلية ممتاااازة..

[MITSUKERO]

نصيحة متسكتشي علي تسريب الزيوت و لو فيه اويل سيل بايظ غيره فورا

انا عندي في الانوس سكت علي اويل سيل العقربة قام زيت الفتيس نقص و هوب الفتيس بقي فيه صوت بلية و اكتشفت ان البلية دي تغييرها صعب و شكلي هضطر اغير الفتيس !!!!!

حاول توصل لسبب التسريب و تغيره فورا

[MMamdouh]

تابع مستوى زيت الباور... لو بينقص ابحث عن التسريب

MMamdouh

[ahmad--ezzat]

متابع الموضوع اكتر من شهرين لانى جايب العلبه بالظبط من شهرين وشويه كمان والحمد لله مفيش اى تسريب فى الزيوت ولكن مش عارف سبب التعريق ايه عند الحديده الفضى بتاعت عليه الدركسيون

[MMamdouh]

خلاص كبر دماغك... ممكن يبقى تعريق خفيف من لاكور مثلا.. طالما مش بياثر على مستوى الزيت خلاص

MMamdouh

[tarek_2005]

الخرطوم الواصل بين علبة زيت الباور وعلبة الدريكسيون اللاكور بتاعه بيشمع ومحتاج يتكشف عليه ويتغير

[ahmad--ezzat]

رحت انهرده عند الميكانيكى ونزل تحت العربيه وبص...المهم لقى قاعده زيت الفتيس مرشحه شويه ...يعنى لما تمسح بصباعك اسفل القعده هيطلع فايدك شحم بس مفيش تنقيط

عليه الدركسيون مرشحه زيت برضه...بس زيت الباور مش بينقص...فهمت من كلامه انها بدايه علبه دركسيون (الله اعلم)

وقالى فيه ترشيح من اويل سيل الكوبلن برضه

انا معرفش اعمل ايه ولا اروح فين !!!!! فعلا نكد جامد...انا معرفش هو المكن بيبقى كده ولا ايه الظرووووف المهم

خت العربيه ورحت على بنزينه غسلت العربيه من تحت بالميه جامد وغسلت الموتور بالجاز والفوم والعربيه حاليا نضيفه جدا من تحت

هتابع الموضوع وربنا يستر بقى....

[tarek_2005]

تصرف سليم جداً بس لاحظها بكرة قبل الترشيح ميزيد ومتعرفش منين

[micromoud]

كان عندى حاجة زى كده وطلعت كاوتشة الكوبلن مقطوعة وبترشح زيت الفتيس خلى العفشجى يكشف عليها وان شاء الله خير

[ahmad--ezzat]

انا نزلت حاليا اشوفها دورت كويس ملئتش اى ترشيح الحمد لله
هستنى بكره واشوف تانى

بس واضج ان المره الجايه هروح لعفشجى مش ميكانيكى