التكييف

[acc_jimmy]

بالنسبة لتكييف اللانوس هوا بيفصل ولا مبيفصلش اصل التكييف عندى بيفصل الكمبروسر وبيشتغل تانى ده طبيعى ولا ايه

[popahly]

لا مش طبيعى وياريت قول بس تفصيل شوية عن المشكلة علشان الناس تفيدك اكتر، ياعنى بيفصل لوحده ولا لما بتعمل حاجة معينة فى العربية، انا عندى بيفصل لما بزود سرعة المروحة وبيشتغل تانى.

[acc_jimmy]

انا عندى بيفصل لوحده من دقيقتين الى خمس دقائق وممكن يشتغل تانى وممكن ميشتغلش والكلام ده على اى سرعة
بس مثلا لو كان على 2 وجبته على 3 او 4 ونزلته الى 2 تانى بيشتغل

[tarek_2005]

الكباس لا يفصل مطلاقا الا لو فيه عيب كهرباء واحتمال كبير كتاوت الكباس عندك هيودع

[akmm]

اكشف عليه عند مختص

[hessenp]

الكباس لا يفصل مطلاقا الا لو فيه عيب كهرباء واحتمال كبير كتاوت الكباس عندك هيودع

لية الكباس مش بيفصل هل لا يوجد ترموستات فى العربية للتكييف ؟؟؟؟
اى دايرة تبريد فى الدنيا لازم الكباس بتعها يفصل الا لو كانت فى مشكلة فى الترموستات .... ولو الكباس مش بيفصل هو الى كدة هيودع بعد فترة مش طويلة ..... والله المستعان

[mostafa mahmod]

مش بيفصل لا
متهيالى هو تصميمها كده ..؟!؟!؟

[acc_jimmy]

شكرا على ردودكم

[fahdof]

كل عام وانتم جميعا بخير
على فكرة انا عندي(لانوس 2006) و بعاني نفس المشكلة....وظهرت معايا قريب من حوالي شهر
الكمبريسور بيفصل ويرحع يشتغل تاني لوحده
ولو كان العيب كتاوت الكباس....ممكن اعرف فين مكانه علشان اغيره بنفسي؟؟؟

[hostook]

انا هحاول اساعد بس على قدي يعني انا معايا لانوس 99 بس الكمبرسور ما بيفصلش لما باظ عندي باظ مرة واحدة بقى يترس ويخلي العربية تبطل اول لما اشغله روحت بورسعيد شارع اسمة الاسكان مليان قطع غيار اشتريت الكمبرسور من هناك استيراد 270 وشحن وتركيب 200 وبقى زي الفل وماخدش وقت وبقى احسن من الاول ...علي الاقل الول كان بيعمل صوت تكه عالية عند التشغيل الجديد مايعملش صوت بيشتغل في هدوء ويفصل في هدوء.... وشكرا

[hessenp]

لية الكباس مش بيفصل هل لا يوجد ترموستات فى العربية للتكييف ؟؟؟؟
اى دايرة تبريد فى الدنيا لازم الكباس بتعها يفصل الا لو كانت فى مشكلة فى الترموستات .... ولو الكباس مش بيفصل هو الى كدة هيودع بعد فترة مش طويلة ..... والله المستعان

انا اسف كان فى خطأ فى المعلومة دى عندى معرفشى ان فى نوعين قديم وحديث الحديث هو الى بيفصل انما القديم لا يفصل وانا اسف على المعلومة الخاطئة دى كمان مرة وشكرا.......