سؤال بخصوص قواعد الموتور

[ahmedezzat78]

من شهر عملت حادثة بالعربية و صلحتها فى التوكيل و غيرت رفرف و اكصدام كامل و كبوت و فانوس

من ساعتها عندى صوت خبطة مكتومة باسمعها لما بامشى فى شارع مكسر و اخد المطبات على العجلة الشمال او مع بداية الدوارة و الصوت جاى من تحت رجلى شمال

العفشجى و الميكانيكى اكدو ان العفشة تمام مافيهاش اى حاجة لكن اختلفو على قواعد الموتور

العفشجى شايف انى اغير ال 3 قواعد (ناحية البطارية و الكاتينة و النص)

الميكانيكى شايف انهم سلام و مافيش داعى للمصاريف و اسيب الموضوع لغاية ما يبقى ظاهر اكتر و انا مش عايز كده

سعر السوق الثلاث قواعد ب 180 جنيه (اى واحده ب 60)

سعر منصور : اليمين ب 140 و الشمال ب 140 و النص ب 250 و انا ميال للأصلى

ازاى احدد القاعدة البايظة عشان اغيرها أصلى ؟ و الا اغير الثلاثة؟

مع العلم انى بصيت على القاعدتين اليمين و الشمال بنفسى و مش مقطوعين

و هل الموضوع له علاقه بالخبطة؟

مع العلم ان الخبطة ما سمعتش فى فرده الشاسيه

[port_smoker]

ممكن عادى متشوفش القطع
عشان تعرف القاعدة ال بايظة دور العربية على السلانسية وافتح الكبوت واضغط بايدك جامد على المكنة لتحت او فى اتجاهات مختلفة هتعرف انهى واحدة عن طريق ظهور صوت

غير قاعدة الموتور والفتيس مرة واحدة عشان تريح دماغك

[exact]

كان عندي صوت غبي جدا جدا بييجي مع الارض الخشنة وبالذات لو في اول الغيار عبارة عن صوت كركبة وعملت كل اللي بتقول عليه ده ونزلت العفشه كلها عالارض
طلع فالاخر صوت من صفايح تيل الفرامل كانت عاوزة تتفتح شوية قبل تغيير التيل ومجرد ما اتعملت الصوت اختفى

[ماهر حسن]

السلام عليكم ورحمة الله وبركاته معى عربية دايو لانوس اشتريتها من توكيل دايو 2008كان عندى مشكلة فى سحب السيارة وغيرت اسلاك الوجيهات باصلية عند الميكانيكى وقد تم تركيب بوجيهات دينسو لاحظت بعدذلك ان السحب بتاع العربية مش هو اللى متعود عليه وقد سالت اميكانيكى عن ضبط فتحة البوجيه فاحبرنى انها 70هل هذا الكلام صحيح ؤهل ممكن يكون الكلام ده هو اللى مخلى العربية احس ان السحب بتاعها مش هو اللى متعود عليه وماهو نوع البوجيه المناسب لتركيبه بالسىارة الدايو لانوس وماهى اسباب الشعور بان السيارة السحب بتاعها مش هو اللى متعود عليه (باحس انها مخنوقة )وهل للحساسات دخل بهذا الموضوع وشكرا.

[ماهر حسن]

السلام عليكم ورحمة الله وبركاته معى عربية دايو لانوس اشتريتها من توكيل دايو 2008كان عندى مشكلة فى سحب السيارة وغيرت اسلاك الوجيهات باصلية عند الميكانيكى وقد تم تركيب بوجيهات دينسو لاحظت بعدذلك ان السحب بتاع العربية مش هو اللى متعود عليه وقد سالت اميكانيكى عن ضبط فتحة البوجيه فاحبرنى انها 70هل هذا الكلام صحيح ؤهل ممكن يكون الكلام ده هو اللى مخلى العربية احس ان السحب بتاعها مش هو اللى متعود عليه وماهو نوع البوجيه المناسب لتركيبه بالسىارة الدايو لانوس وماهى اسباب الشعور بان السيارة السحب بتاعها مش هو اللى متعود عليه (باحس انها مخنوقة )وهل للحساسات دخل بهذا الموضوع وشكرا.

[aslam555]

السلام عليكم ورحمة الله وبركاته معى عربية دايو لانوس اشتريتها من توكيل دايو 2008كان عندى مشكلة فى سحب السيارة وغيرت اسلاك الوجيهات باصلية عند الميكانيكى وقد تم تركيب بوجيهات دينسو لاحظت بعدذلك ان السحب بتاع العربية مش هو اللى متعود عليه وقد سالت اميكانيكى عن ضبط فتحة البوجيه فاحبرنى انها 70هل هذا الكلام صحيح ؤهل ممكن يكون الكلام ده هو اللى مخلى العربية احس ان السحب بتاعها مش هو اللى متعود عليه وماهو نوع البوجيه المناسب لتركيبه بالسىارة الدايو لانوس وماهى اسباب الشعور بان السيارة السحب بتاعها مش هو اللى متعود عليه (باحس انها مخنوقة )وهل للحساسات دخل بهذا الموضوع وشكرا.

حضرتك راجع فلتر الهواء ونظف البوابة ولو بتستخدم بنزين 80 غيره

[fathiazab]

فلتر هواء وفلتر بنزين ونضف البوابة وحساس المانيفولد