العربية مخنوقة فى اول الغيار

[aymanhh]

انا عربيتى لانوس موديل 2003 عاملة68000 كيلو العربية فى اول الغيار وخصوصا الاول مكتومة بعد كدة تفتح وبيزيد الموضوع دة بعد المشى بها بنصف ساعة وبيظهر اكتر لما بشغل التكيف مع العلم انا نظفت الحساسات كلهاوالرشاشات والفلاتر وغيرتها والبوجيهات وحطيت منظف الرشاشاتSTP وغيرت ديسك واسطوانة وبليةعشان محدش يقول
اعمل اى حاجة منها وكمان بتاكل بنزينب تعمل 120 فى الصفيحة بنزين 92
شكرا لكم....
ايمن حسن

[wildwest100]

دا عيب يا اما موبينة ضعيفة او سلوك بيوجيهات او بوجيهات عايزا تتغير

[aymanhh]

انا متشكر جدا على الرد بس ازاى اعرف ان البوبينة ضعيفة

[ahmedsrs]

تعمل اختبار الشرارة واحسن تروح لميكانيكى يعملهالك

[Akram]

هل فيه برجلة (رعشة) لما بتيجي تدور العربية و هي باردة ,

لو بتعمل كده يبقى الرشاشات محتاجة تتغير ,

طبعاً هتقول انا نضفتها ,
بس مش معني انك نضفتها يبقى هي سليمة و مفيهاش مشكلة ,
ممكن تكون البوجيهات أو سلك البوجيهات برده حتى و لو كنت لسه مغيرها لأن احياناً بتكون بوجيهات جديدة بس (مرطبة) و ده معناه انها مش هتشتغل كويس ,

على العموم راجع ميكانيكي كويس و يفضل غير اللي بتتعامل معاه .

[FLYINGPEUGEOT]

غير فلتر البنزين..

[knightmido]

رشاشات وانت مغمض ... سحب البنزين رهيب عندك ولما تغيرها هتحس بالفرق ان شاء الله ... وبرضه ميكانيكى كويس هيحسم الموضوع

[aymanhh]

شكرا لكل من اهتم بالرد مع العلم انى غيرت جميع الفلاتر وانا اتعلمت كتير من المندى وخصوصا موضوع الرشاشات وعرفت ان لوعيب رشاشات كانت العربية تغيب فى الدوارة الصبح او تهبب وبعدين الرشاشات بعد موديل 2002 مابيحصلهاش حاجة
انا اعتقد ان عيب بوبينة اوسلك