محتاج مساعدة من وحوش الدايو

[arakysolom]

السلام عليكم
كل عام انتم بخير و تقبل الله منا و منكم صالح الاعمال
اخوكم من اسكندرية و محتاج عربية مستعملة و ادامي 3 عربيات و محتاج لرأيكو و خبرتكو ضروري
1- نوبيرا اوروبي 2000 اوتوماتيك مطلوب 45000 حالة جيدة
2- لانوس دايو 2007 1/2 كماليات فابريقة بالكامل مطلوب 50000
3- لانوس شيفرولية 2010 كاملة + زينون عداد 15000 و فابريقة مطلوب 60000
هل النوبيرا الاوتوماتيك فيها مشاكل
هل الدايو في اللانوس افضل من الشيفرولية
جزاكم الله خيرا

[mailo]

بالترتيب 1 - 3 - 2

[rasboten]

بالترتيب 1 - 3 - 2

بالظبط كده يا باشا بس أتاكد ان النوبيرا حاله ممتازه ومفهاش عيوب متداريه

[arakysolom]

متشكر علي الرد بس السؤال هل الاوتوماتيك في النوبيرا فيه مشاكل زي ما بنسمع ولا ده في التقفيل المصري مش الكوري ؟
وهل الدايو اللانوس افضل من شيفروليه لأن في كلام ان منصور بيستورد اغلب القطع من الصين و من دول اخري مجهولة لكي يقلل في التكلفة و ان القطع مش بكفاءة الدايو ؟؟

[kamanana44]

اتكل علي الله واستخير ربنا وهو يوفقك انشاء الله
انا رايي النوبيرا والميزة فيها انها اوروبي يعني احسن من المصري

[rasboten]

الاوتوماتيك فعلا فى النوبيرا ناس كتير اشتكت من الفتيس لكن ان شاء الله لو الحاله تمام اتوكل على الله
انا ركبت الدايو والشيفروليه وارتحت للدايو اكتر لكن الشيفروليه لو جديده هتبقى لها افضليه لان الجديد جديد يا باشا وربنا يوفقك

[ahmed.zahra]

اعتقد هما بالترتيب اللي انت كاتبه 1 - 2 - 3

[arakysolom]

شكر لجميع السادة المحترمين
انا ظهرت ادامي عربية رابعة بتاعت واحد صاحبي هي افيو 2009 1/2 كماليات عداد 28000 كم معلهش انا محتار و محتاج اخذ قرار وعلي فكرة اللانوس الدايو صاحبها صرف نظر عن البيع دلوقتي يعني الاختيار بين عربيات شيفروليه لانوس 2010 و افيو 2009 و نوبيرا اوروبي اوتو 2000 وفي فيرنا 2008 اوتو كلهم صحابهم زمالائي في الشغل افيدوني افادكم الله

[mailo]

ال auto بتاع ال nubira مش جامد قوي بس طول ماإنتى محافظ عليه يبقى مش هيعملك مشاكل
وبعدين أنا صحابي معاهم nubira 1 ولحد دلوقتي شغالة فل

أنا مبحبش ال افيو ولا ال فرنا فـلو أنا هاشتري مش هاطلع بره النوبيرة وlanos أو ابوس على حاجة تانية خالص في نفس رنج السعر

[Eng.Geo]

دايو لانوس هي الأفضل بس لازم سعرها ينزل شوية
مشكلة النوبيرا انها أوتو وبيبوظ ... حتي لو متابع الصيانة غير انه أوتو تعبان أساسا
وغير كدة الأوروبي تقريبا بوابة المنافولد بتاعته كهربا وده بتبوظ ومابتتصلحش غير بواحدة تانية أستيرادد وغالية
الشيفروليه لانوس سعرها عالي جدا ووهي أساسا مش تمام ... فرش أقل من الدايو وسمعت فيها حاجات صيني كتير

[hessenp]

طيب هى الافيو عاملة كام كيلو وسعرها كام وحالتها اية.....

[M.Alaa92]

لو تقدر توصل ل و شوية 60 شوف اوكتافيا - باسات اواخر التسعيناات و ممكن تدفع اللى معااك ف لوجاان زيرو اوتو و تقسط الباقى